ମାଲକାନଗିରି, ୨୧/୮ : ମାଲକାନଗିରି ଜିଲ୍ଲା ଅନୁସୂଚିତ ଜାତି/ଜନଜାତି ସଂଘ ମିଳିତ କ୍ରିୟାନୁଷ୍ଠାନ କମିଟି   ଭାରତ ବନ୍ଦ ଡାକରାରେ ସାମିଲ ହୋଇଥିଲେ। ମାଲକାନଗିରି ଜିଲ୍ଲାରେ ବନ୍ଦ ପ୍ରଭାବ ଦେଖିବାକୁ ମିଳିଛି । ମାଲକାନଗିରି ଜିଲ୍ଲାର ସମସ୍ତ ସ୍ଥାନରେ ଦୋକାନ ବଜାର ସ୍କୁଲ କଲେଜ ବନ୍ଦ ରହିଥିବା ବେଳେ ଯାନବାହାନ ଚଳାଚଳ ମଧ୍ୟ ସଂପୂର୍ଣ୍ଣ ଭାବେ ବନ୍ଦ ରହିଛି ।   ଏହି ବନ୍ଦ ଫଳ ରେ ରାସ୍ତାରେ ଶତାଧିକ ଟ୍ରକ,ବସ, ଯାନବାହାନ ଅଟକି ରହିଥିଲା।  

ମାଲକାନଗିରି ଜିଲ୍ଲା ଅନୁସୂଚିତ ଜାତି/ଜନଜାତି ସଂଘ ମିଳିତ କ୍ରିୟାନୁଷ୍ଠାନ କମିଟିର ସଭାପତି ଜାରା ଶବର ମାଡିଙ୍କ ନେତୃତ୍ୱରେ ଜିଲ୍ଲାରେ  ଏହି ବନ୍ଦ ଡାକରା ଦିଆଯାଇଥିଲା। ଏଥିରେକମିଟିର ମୁଖ୍ୟ ଉପଦେଷ୍ଟା ପ୍ରଭାକର ହନ୍ତାଳ, କାର୍ଯ୍ୟକାରୀ ସଭାପତି ସୋନୁ ଅନୁଗୁ, ସଂଯୋଜକ ଡମ୍ବରୁ ବାଘ, ସାଧାରଣ ସମ୍ପାଦକ ହରି ଗୋଲରୀ, ଉପଦେଷ୍ଟା ଘନଶ୍ୟାମ ମାଡକାମୀ ଓ ଲକ୍ଷ୍ମଣ ଘରାମି, ଉପ ସଭାପତି ଘେନୁ ମୁଦୁଲି, ସହ ସମ୍ପାଦକ କୁମାର ଜାଲିଆ, ଯୁବ ଆଦିବାସୀ ନେତା ଲଳିତ ମାଡକାମୀ, ସୁବାସ ମହାନନ୍ଦିଆ,ରତିକୃଷ୍ଣ ପାତ୍ର, ସନାତନ କବାସୀ, ଶିଶିର ମଣ୍ଡଳ ଓ ପ୍ରଦୀପ ସିରିକା ପ୍ରମୁଖ ଆଦିବାସୀ ନେତା ଙ୍କ ସହିତ ଶତାଧିକ ଆଦିବାସୀ ମହିଳା ଓ ପୁରୁଷ ଉପସ୍ଥିତ ଥିଲେ।