ନୂଆଦିଲ୍ଲୀ,୩।୯: କଂଗ୍ରେସର ପୂର୍ବତନ ଅଧ୍ୟକ୍ଷା ଓ  ବରିଷ୍ଠ ନେତ୍ରୀ ସୋନିଆ ଗାନ୍ଧୀ ଅସୁସ୍ଥ। ଶନିବାର ରାତିରେ ତାଙ୍କ ଦେହ ହଠାତ ଅସୁସ୍ଥ ହୋଇ ପଡିଥିଲା। କଂଗ୍ରେସ ସୁତ୍ରରୁ ମିଳିଥିବା ସୂଚନା ଅନୁସାରେ, ତାଙ୍କୁ ଚିକିତ୍ସା ପାଇଁ  ଦିଲ୍ଲୀର ସାର ଗଙ୍ଗାରାମ୍‌ ହସ୍ପିଟାଲରେ ଭର୍ତ୍ତି କରାଯାଇଛି। ଡାକ୍ତରଙ୍କ କହିବା ଅନୁସାରେ, ହାଲକା ଜ୍ବରର ଲକ୍ଷଣ ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଏବେ ତାଙ୍କର ସ୍ବାସ୍ଥ୍ୟବସ୍ଥା ସ୍ଥିର ରହିଥିବାର ଜଣାପଡିଛି। ପୁଅ ରାହୁଲ ଗାନ୍ଧୀ ମଧ୍ୟ ତାଙ୍କୁ ହସ୍ପିଟାଲରେ ପହଞ୍ଚିଛନ୍ତି।

କରୋନା  ହେବା ପରଠାରୁ ସୋନିଆଙ୍କ ଦେହ ଲଗାତାର ଖରାପ ରହୁଛି। ଏହା ପୂର୍ବରୁ ମାର୍ଚ୍ଚରେ ସୋନିଆ ଗାନ୍ଧି ଅସୁସ୍ଥ ହୋଇ ପଡିଥିଲେ। ତାଙ୍କୁ ସାର୍ ଗଙ୍ଗାରାମ୍ ହସ୍ପିଟାଲରେ ଭର୍ତ୍ତି କରାଯାଇଥିଲା। ତେବେ ଦିନକ ପରେ ଜାରି ମେଡିକାଲ ବୁଲେଟିନ୍‌ରେ କୁହାଯାଇଥିଲା ସେ ସୁସ୍ଥ ଅଛନ୍ତି।