ନୂଆଦିଲ୍ଲୀ,୨୭।୨: କରୋନା ସଂକ୍ରମଣ ଗତ ୪ ବର୍ଷରୁ ଅଧିକ ସମୟ ହେବ ବିଶ୍ବର ଏକ ବଡ ସ୍ବାସ୍ଥ୍ୟ ସମସ୍ୟା ପାଲଟିଛି। ମହାମାରୀ ଆରମ୍ଭରୁ ଏପର୍ଯ୍ୟନ୍ତ ୭୦.୩୬ କୋଟିରୁ ଅଧିକ ଲୋକ ଏହି ସଂକ୍ରାମକ ରୋଗରେ ପ୍ରଭାବିତ ହୋଇଛନ୍ତି। ଏଥିରେ ୬୯.୮୬ ଲକ୍ଷ ଲୋକଙ୍କର ମୃତ୍ୟୁ ହୋଇସାରିଛି। କରୋନା କେବଳ ସଂକ୍ରମଣର ସ୍ଥିତିରେ ନୁହେଁ, ସଂକ୍ରମଣରୁ ଠିକ୍ ହୋଇସାରିଥିବା ଲୋକଙ୍କ ପାଇଁ ଗମ୍ଭୀର ସମସ୍ୟାର କାରଣ ପାଲଟିଛି। ପୋଷ୍ଟ କୋଭିଡ୍ କାରଣରୁ ଲୋକଙ୍କ ଭିତରେ ବିଭିନ୍ନ ପ୍ରକାର ସ୍ବାସ୍ଥ୍ୟଗତ ସମସ୍ୟା ଦେଖିବାକୁ ମିଳିଥାଏ।
କରୋନା ସଂକ୍ରମଣର ଶିକାର ହୋଇଥିବା ଲୋକ ଠିକ୍ ହେବାର ବର୍ଷକରୁ ଅଧିକ ସମୟ ହେବାପରେ ମଧ୍ୟ ହାର୍ଟ, ମେଟାବଲିଜିମ୍ ଓ ବ୍ରେନ୍ ସମ୍ପର୍କିତ ସମସ୍ୟା ଅନୁଭୂତ ହେଉଛି। କୋଭିଡ୍-୧୯ ଖରାପ ପରିମାଣକୁ ନେଇ ଏକ ଅଧ୍ୟୟନରେ ରିସର୍ଚ୍ଚରମାନେ ଫୁସଫୁସ୍ ସମସ୍ୟାକୁ ନେଇ ସତର୍କ କରିଛନ୍ତି। ଅଧ୍ୟୟନରୁ ଜଣାପଡିଛି ଯେ, ଅକ୍ୟୁଟ୍ କୋଭିଡ୍ ପରେ ଭାରତୀୟ ଲୋକଙ୍କ ଭିତରେ ଫୁସଫୁସ୍ ନଷ୍ଟ ହେବାର ମାମଳା ଖୁବ୍ ଅଧିକ ଦେଖା ଯାଉଛି। କୋଭିଡ୍-୧୯ ଫୁସଫୁସ୍ର କାର୍ଯ୍ୟକ୍ଷମତାକୁ ଗମ୍ଭୀର ରୂପରେ ପ୍ରଭାବିତ କରିଛି, ଯାହାର ଗମ୍ଭୀର ଓ ବିପଦଜନକ କ୍ଷତି ଦେଖିବାକୁ ମିଳିପାରେ।
ଭେଲୋରର କ୍ରିଷ୍ଟ୍ରିଆନ୍ ମେଡିକାଲ କଲେଜ ଷ୍ଟଡି ରିପୋର୍ଟ ଅନୁସାରେ,ଅଧିକାଂଶ ଭାରତୀୟଙ୍କ ଫୁସଫୁସ୍ର କାର୍ଯ୍ୟକ୍ଷମତା ଖରାପ ହେବାରେ ଲାଗିଛି। ଅଧାରୁ ଅଧିକ ଲୋକଙ୍କୁ ନିଶ୍ବାସ ନେବାରେ କଷ୍ଟ ହେୁଛି। ଏହା ଖୁବ୍ ଚିନ୍ତାଜନକ, ଏହାକୁ ନେଇ ସବୁ ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି।
ଚାକିରୀରୁ ବିଦା ହେବେ ନାଁ ଇସ୍ତଫା ଦେବେ ? ଜେମିନି କାରଣରୁ ସଙ୍କଟରେ ସୁନ୍ଦର ପିଚାଇ
