ଗୋପାଳପୁର ୦୧/୦୫: ଡୁରା ଗ୍ରାମର ଶିଳ୍ପୀ କେ ବିଜୟ  କୁମାର ରେଡ୍ଡୀ ପେନ୍‌ସିଲ୍‌ ମୁନରେ ଟି- ୨୦ ବିଶ୍ୱକପ୍‌ର  ଏକ କ୍ଷୁଦ୍ର କଳାକୃତି ନିର୍ମାଣ କରିଛନ୍ତି । ମାତ୍ର ୧.୫ ସେମି ଉଚ୍ଚତା ବିଶିଷ୍ଟ  ଆଇସିସି ଟି-୨୦ ବିଶ୍ୱକପ୍‌  ଟ୍ରଫି ସହ ଭାରତ ଦଳର  ଅଧିନାୟକଙ୍କ କଳାକୃତି କରିଛନ୍ତି ସେ । ଅଧିନାୟକ  ରୋହିତ ଶର୍ମାଙ୍କ ୧.୫  ସେମି ଉଚ୍ଚତା ବିଶିଷ୍ଟ କଳାକୃତି ମଧ୍ୟ ଆକର୍ଷଣୀୟ ହୋଇଛି । ପୂର୍ବରୁ ଚକ୍‌ ଖଡ଼ି, ପେନ୍‌ସିଲ୍‌ ଓ ଚାଉଳରେ କ୍ଷୁଦ୍ର କଳାକୃତି ନିର୍ମାଣ କ୍ଷେତ୍ରରେ ନିଜର ସ୍ୱତନ୍ତ୍ର ପରିଚୟ  ସୃଷ୍ଟି କରିଛନ୍ତି ବିଜୟ । ଏହା ଜରିଆରେ ସେ ଟିମ୍‌ ଇଣ୍ଡିଆକୁ ଶୁଭେଚ୍ଛା ଜଣାଇଛନ୍ତି । ବିଜୟଙ୍କ ଏଭଳି ଦକ୍ଷତା ପୂର୍ବରୁ ବିଭିନ୍ନ ମହଲରେ ପ୍ରଶଂସିତ ହୋଇଥିବା ବେଳେ ଏସିଆ ଓ ଇଣ୍ଡିଆ ବୁକ୍‌ ଅଫ୍‌ ରେକର୍ଡସ୍‌ରେ ମଧ୍ୟ ତାଙ୍କ କଳାକୃତି ସ୍ଥାନ ପାଇଛି ।