ପ୍ରମୂଖ ଖବର
  • କଟକ: କୋର୍ଟରେ ହାଜର ହେଲେ ଅନୁଭବ ମହାନ୍ତି, ଘରୋଇ ହିିଂସା ମାମଲାରେ ଜାରି ହୋଇଥିଲା NBW
  • ||
  • ଓଡିଶା ବିଧାନସଭାକୁ ମିଳିଲା ନୂଆ ବାଚସ୍ପତି, ରଣପୁର ବିଧାୟିକା ସୁରମା ପାଢ଼ୀ ହେଲେ ବାଚସ୍ପତି
  • ||
  • ତୀର୍ଥଯାତ୍ରୀ ବସ ଉପରକୁ ଆତଙ୍କୀ ହମଲା ଘଟଣା, ଅଭିଯୁକ୍ତ ଗିରଫ
  • ||
  • ବିଶ୍ୱକପ୍‌ର ସୁପର-୮ ରାଉଣ୍ଡ୍‌: ଟିମ୍‌ ଇଣ୍ଡିଆ ପାଇଁ ଆଫଗାନ ସ୍ପିନ୍‌ ଚ୍ୟାଲେଞ୍ଜ, ଫୋକସ୍‌ରେ କୋହଲିଙ୍କ ଫର୍ମ
  • ||
  • ପଟିଆ ଛକ ନିକଟ ଲକି ଇଣ୍ଡିଆ ଆପାର୍ଟମେଣ୍ଟରେ ଅଗ୍ନିକାଣ୍ଡ, ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ
  • ||
  • ବାଲେଶ୍ୱରରେ ସୁଧୁରୁଛି ସ୍ଥିତି: ସକାଳୁ କର୍ଫ୍ୟୁ କୋହଳ, ୧୧ଟା ସୁଦ୍ଧା କାମ ସାରି ଘରକୁ ଫେରିବାକୁ ନିବେଦନ
  • ||
  • ୨୭ରେ ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ସମ୍ଭାବନା, ପ୍ରବଳ ବର୍ଷିବ: ମାଲକାନଗିରିରେ ମୌସୁମୀ ସକ୍ରିୟ
  • ||

ପୁଣେ ପୋର୍ସ କାର ମାମଲା, ନାବାଳକ ଅଭିଯୁକ୍ତର ଜେଜେବାପା ଗିରଫ

ପୁଣେ: ପୁଣେ ପୋର୍ସ କାର ଦୁର୍ଘଟଣା ମାମଲାକୁ ନେଇ ଚର୍ଚ୍ଚା ଲାଗିରହିଛି । ଏହି ମାମଲାରେ ପୋଲିସ ଶନିବାର ଦିନ ୧୭ ବର୍ଷର ନାବାଳକ ଅଭିଯୁକ୍ତର ଜେଜେବାପା ସୁରେନ୍ଦ୍ର ଅଗ୍ରୱାଲଙ୍କୁ ଗିରଫ କରିଛି । ସୁରେନ୍ଦ୍ର ଅଗ୍ରୱାଲ କାର୍‌ ଡ୍ରାଇଭର ଗଙ୍ଗାରାମଙ୍କୁ ଧମକ ଦେଇ ଦୁର୍ଘଟଣା ସମୟରେ ସେ କାର ଚଳାଉଥିଲା ବୋଲି ପୋଲିସ ଆଗରେ କହିବାକୁ ବାଧ୍ୟ କରିଥିବା ଅଭିଯୋଗ ହୋଇଛି । ନିଜ ନାତିର ଅପରାଧ ଲୁଚାଇବା ପାଇଁ ଡ୍ରାଇଭର୍‌କୁ ନିଜ ମୁଣ୍ଡକୁ ଦୋଷ ନେବାକୁ ସେ ବାଧ୍ୟ କରିଥିଲେ। ପୁଣେ କ୍ରାଇମବ୍ରାଞ୍ଚ ଦ୍ୱାରା ପଞ୍ଜିକୃତ ହୋଇଥିବା ଏକ ନୂତନ ମାମଲାରେ ଅଗ୍ରୱାଲଙ୍କୁ ତାଙ୍କ ବାସଭବନରୁ ଭୋର ୩ଟାରେ ଗିରଫ କରାଯାଇଛି।

ଏହା ପୂର୍ବରୁ ପୁଣେ କ୍ରାଇମବ୍ରାଞ୍ଚ ଏହି ମାମଲାରେ ସୁରେନ୍ଦ୍ର ଅଗ୍ରଓ୍ବାଲଙ୍କୁ ପଚରା ଉଚରା କରିଥିଲା । ପୁଅ ଏବଂ ନାତିଙ୍କ ସଂପର୍କରେ ଜାଣିବାକୁ ଚେଷ୍ଟା କରିଥିଲା ପୁଲିସ । ଦୁର୍ଘଟଣାଗ୍ରସ୍ତ ପୋର୍ସ କାର ରିୟଲିଟି ଫାର୍ମ ନାଁରେ ପଞ୍ଜିକୃତ ହୋଇଥିବା ବେଳେ ଏହାର ଜଣେ ମାଲିକ ସୁରେନ୍ଦ୍ର ଅଗ୍ରଓ୍ବାଲ । ସେପଟେ ପୂର୍ବରୁ ସୁରେନ୍ଦ୍ରଙ୍କ ନାଁରେ ଗୁଳିକାଣ୍ଡ ମାମଲା ରହିଛି । ଏଥିପାଇଁ ସେ ଗ୍ୟାଙ୍କଷ୍ଟର ଛୋଟା ରାଜନକୁ ଟଙ୍କା ଦେଇଥିବା ନେଇ ଅଭିଯୋଗ ମଧ୍ୟ ହୋଇଛି । 

ପୁଣେ ପୋର୍ସ କାର୍‌ ଦୁର୍ଘଟଣା ମାମଲାରେ ଏହା ହେଉଛି ତୃତୀୟ ଏଫ୍‌ଆଇଆର୍‌ । ସେପଟେ ପୋର୍ସ ଦୁର୍ଘଟଣା ସମ୍ପର୍କରେ ଉପରିସ୍ଥ ଅଧିକାରୀଙ୍କୁ ଉଚିତ ସମୟରେ ସୂଚନା ଦେଇ ନଥିବାରୁ ପୁଣେ ପୋଲିସର ଦୁଇ ଜଣ ଅଧିକାରୀଙ୍କୁ ନିଲମ୍ବିତ କରାଯାଇଛି। ପୁଣେ ପୁଲିସ୍‌ କମିଶନର  ଅମିତେଶ କହିଛନ୍ତି ଯେ, ୟେରୱାଡା ପୋଲିସ୍‌ ଷ୍ଟେସନରେ ନିଯୁକ୍ତ ହୋଇଥିବା ପୋଲିସ୍‌ ଇନ୍ସପେକ୍ଟର ରାହୁଲ ଜଗଡେଲ ଏବଂ ଆସିଷ୍ଟାଣ୍ଟ ପୋଲିସ ଇନ୍ସପେକ୍ଟର ବିଶ୍ୱନାଥ ଟଡକରୀଙ୍କୁ ନିଲମ୍ବିତ କରାଯାଇଛି।

୧୭ ବର୍ଷୀୟ ନାବାଳକଙ୍କ ଦ୍ବାରା ଚାଳିତ ଏକ ପୋର୍ସ କାର ଦ୍ବାରା ହୋଇଥିବା ଦୁର୍ଘଟଣାକୁ ନେଇ ଏବେ ପୂରା ଦେଶରେ ଚାଞ୍ଚଲ୍ୟ ସୃଷ୍ଟି କରିଛି। ପୂର୍ବରୁ ଦିଆଯାଇଥିବା ଜାମିନ ନାମଞ୍ଜୁର ହେବା ପରେ ଅଭିଯୁକ୍ତ ଯୁବକଙ୍କୁ ଜୁଭେନାଇଲ୍ ଜଷ୍ଟିସ୍ ବୋର୍ଡ (ଜେଜେବି) ରିମାଣ୍ଡରେ ନେଇଥିଲେ ।

 

  • Maharastra
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.