ପ୍ରମୂଖ ଖବର
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ବେତନଟୀ ଶାଖା କେନାଲରେ ଖସି ପଡ଼ିଥିବା ହାତୀ ଶାବକ ଦୀର୍ଘ ୪ ଘଣ୍ଟା ପରେ ଉଦ୍ଧାର

ବେତନଟୀ, ୦୩/୦୭ : ବେତନଟୀ ରେଞ୍ଜ ତଥା ଥାନା ଅଧୀନ ଅସନବଣି ଗାଁ ଦେଇ ଯାଇଥିବା ଶାଖା କେନାଲରେ ଏକ ହାତୀଶାବକ ଗଳି ପଡ଼ିଥିଲା। ଦୀର୍ଘ ୪ ଘଣ୍ଟାରୁ ଉର୍ଦ୍ଧ୍ୱ ସମୟର ଉଦ୍ୟମ ପରେ ଶେଷରେ ହାତୀଶାବକକୁ କେନାଲରୁ ବୁଧବାର ସକାଳେ ଉଦ୍ଧାର କରିବାରେ ସଫଳ ହୋଇଛି ବେତନଟୀ ବନବିଭାଗ। 

ସୂଚନା ମୁତାବକ, ଏକ ବଣୁଆ ହାତୀପଲ ଖାଦ୍ୟ ଅନ୍ୱେଷଣରେ ଅସନବଣି ଗାଁ ମୁହାଁ ହୋଇଥିବା ବେଳେ ଅନ୍ଧାର ରାତିରେ ଆସବଧାନତାବଶତଃ ହାତୀଶାବକଟି ସୁବର୍ଣ୍ଣରେଖା ଶାଖା କେନାଲରେ ଖସି ପଡ଼ିଥିଲା। ହାତୀଶାବକ ଶାଖା କେନାଲରେ ଖସି ପଡିବା ପରେ ବାହାରି ନପାରିବାରୁ ହାତୀଶାବକର ମା ଓ ଅନ୍ୟହାତୀ ପ୍ରଚଣ୍ଡ ଗର୍ଜନ କରିଥିଲେ। ହାତୀମାନଙ୍କ ଗର୍ଜନ ଶୁଣି ଗ୍ରାମବାସୀ, ଗଜସାଥୀ ଟିମ୍ ଓ ବନବିଭାଗ ଘଟଣାସ୍ଥଳରେ ପହଞ୍ଚି ଜେସିବି ଦ୍ୱାରା କେନାଲର କିଛି ଅଂଶକୁ ପୋତି ଶାବକକୁ ବାହାର କରିବାକୁ ଚେଷ୍ଟା କରିଥିଲେ। ତେବେ ହାତୀ ଶାବକ ପାଖରେ ଜଗି ରହିଥିବା ମା'ହାତୀ ଓ ଅନ୍ୟ ଏକ ବିଶାଳ ହାତୀ ଶାବକର ସୁରକ୍ଷାକୁ ନେଇ ଆକ୍ରମଣାତ୍ମକ ହୋଇଉଠିଥିଲେ। ଉଦ୍ଧାର କାର୍ଯ୍ୟରେ ନିୟୋଜିତ ଜେସିବି ଉପରେ ଘନ ଘନ ଆକ୍ରମଣ କରୁଥିଲେ। ଶେଷରେ ଦୀର୍ଘ ଚାରି ଘଣ୍ଟାର ନିରବଛିନ୍ନ ଉଦ୍ୟମ ପରେ କେନାଲ ଭିତରୁ ହାତୀ ଶାବକକୁ ସୁରକ୍ଷିତ ଭାବେ ଉଦ୍ଧାର କରାଯିବା ପରେ ଶାବକ ନିଜର ମା ସହିତ ଜଙ୍ଗଲରେ ଥିବା ମୁଖ୍ୟ ଦଳକୁ ଫେରି ଯାଇଥିଲା।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.