ନୂଆଦିଲ୍ଲୀ- କୁସ୍ତିଯୋଦ୍ଧା ଭିନେଶ ଫୋଗାଟଙ୍କ ମାମଲାରେ ଆସିଲା ୟୁନାଇଟେଡ୍ ୱାଲର୍ଡ ରେସଲିଂର ଅଧ୍ୟକ୍ଷଙ୍କ ପ୍ରତିକ୍ରିୟା। ନେନାଦ ଲାଲୋଭିକ୍ ଭିନେଶ ଫୋଗାଟଙ୍କୁ ଅଯୋଗ୍ୟ ଘୋଷିତ କରାଯାଇ ଥିବା ମାମଲାରେ ନିଜର ପକ୍ଷ ରଖିଛନ୍ତି। ତାଙ୍କ ଅନୁସାରେ , ଭିନେଶଙ୍କ ସହ ଯାହା ହୋଇଛି ତାହା ନିୟମାନୁସାରେ କରାଯାଇଛି। ସଂସ୍ଥା ନିଜର ନିୟମରେ ପରିବର୍ତ୍ତନର ବିରୋଧରେ।
ୟୁନାଇଟେଡ୍ ୱାଲର୍ଡ ରେସଲିଂର ପ୍ରେସିଡେଣ୍ଟ ନେନାଦ ଲାଲୋଭିକ୍ ଭିନେଶଙ୍କ ଓଜନ ବିବାଦ ସମ୍ୱନ୍ଧରେ ଏକ ମହତ୍ତ୍ୱପୂର୍ଣ୍ଣ ସୂଚନା ଦେଇଛନ୍ତି। ଭିନେଶଙ୍କୁ ପ୍ୟାରିସ୍ ଅଲିମ୍ପିକ ମହିଳା ୫୦ କିଲୋଗ୍ରାମ ଫ୍ରିଷ୍ଟାଇଲ୍ କୁସ୍ତିର ଫାଇନାଲ ମୁକାବିଲା ପୂର୍ବରୁ ୧୦୦ ଗ୍ରାମ୍ ଓଜନ ଅଧିକ ହେବା କାରଣରୁ ଅଯୋଗ୍ୟ ଘୋଷିତ କରାଯାଇ ଥିଲା , ଯାହା ବିରୋଧରେ ଭିନେଶ ଫୋଗାଟ ବୁଧବାର ସ୍ପୋର୍ଟ୍ସ କୋର୍ଟରେ ଅପିଲ କରିଥିଲେ ଏବଂ ଦାବି କରିଥିଲେ କି, ତାଙ୍କୁ ରୌପ୍ୟ ପଦକ ଦିଆଯାଉ। ଏହି ମାମଲାର ଶୁଣାଣି ପୂରା ହୋଇ ସାରିଛି ଏବଂ ଏବେ ସମସ୍ତଙ୍କୁ ସ୍ପୋର୍ଟ୍ସ କୋର୍ଟଙ୍କ ରାୟକୁ ଅପେକ୍ଷା ରହିଛି। ଯାହାକି ଏବେ ୧୩ ଅଗଷ୍ଟରେ ଶୁଣାଣି ହେବ।
