ଭୁବନେଶ୍ୱର,୨୯/୦୮: ଆଜିର ଦୁନିଆରେ କେବଳ ଟେକ୍ନୋଲୋଜି ନୁହେଁ ରୋଗ ମଧ୍ୟ ବଢିବାରେ ଲାଗିଛି ।  ଭୁଲ ଖାଦ୍ୟ ଖାଇବା ଏବଂ ଦୈନନ୍ଦିନ ଜୀବନରେ ଯଥେଷ୍ଟ ସକ୍ରିୟ ନହେବା କାରଣରୁ ଲୋକଙ୍କ ଶରୀରରେ ୟୁରିକ୍ ଏସିଡ୍ ପରିମାଣ ବଢୁଛି । ଆମ ସମସ୍ତଙ୍କ ଶରୀରରେ ୟୁରିକ୍ ଏସିଡ୍ ପରିମାଣ ଏକ ସୀମା ପର୍ଯ୍ୟନ୍ତ ରହିବା ଆବଶ୍ୟକ ।  ଯେତେବେଳେ ଶରୀରରେ ଏହାର ସ୍ତର ବଢିଯାଏ, ଏହା ଅନେକ ରୋଗକୁ ନିମନ୍ତ୍ରଣ ଦେଇଥାଏ । 

ୟୁରିକ୍ ଏସିଡ୍‌କୁ ଡାଏଟ୍ ମାଧ୍ୟମରେ ବହୁ ପରିମାଣରେ ନିୟନ୍ତ୍ରଣ କରାଯାଇପାରିବ । ଆସନ୍ତୁ ଜାଣିବା ଏକ ସବୁଜ ପନିପରିବା ବିଷୟରେ ଯାହା ମୂତ୍ର ମାଧ୍ୟମର ଗଣ୍ଠିରେ ଜମା ହୋଇଥିବା ପ୍ୟୁରିନକୁ ବାହାର କରିଥାଏ । ଆଜିକାଲି ଲୋକଙ୍କଠାରେ ଉଚ୍ଚ ୟୁରିକ୍ ଏସିଡ୍ ସମସ୍ୟା ବହୁ ମାତ୍ରାରେ ବୃଦ୍ଧି ପାଉଛି ।

ଶରୀରରେ କିପରି ଜମା ହୋଇଥାଏ ପ୍ୟୁରିନ୍‌?

ଯେତେବେଳେ ଶରୀରରେ ପ୍ୟୁରିନ୍ ନାମକ ଏକ ରାସାୟନିକ ପଦାର୍ଥ ଭାଙ୍ଗିଯାଏ, ସେଥିରୁ ୟୁରିକ୍ ଏସିଡ୍ ସୃଷ୍ଟି ହୁଏ । କିଡନୀ ଏହାକୁ ଫିଲ୍ଟର୍ କରି ପରିସ୍ରା ମାଧ୍ୟମରେ ବାହାର କରିଦିଏ । କିନ୍ତୁ ଯେତେବେଳେ ୟୁରିକ୍ ଏସିଡ୍‌ରର ପରିମାଣ ବଢିବାରେ ଲାଗେ କିମ୍ବା ବେଳେବେଳେ କିଡନୀ ସଠିକ୍ ଭାବରେ କାମ କରେ ନାହିଁ, ଏହା ଗଣ୍ଠିରେ ଜମା ହୋଇଥାଏ ।  ଯାହା ଫଳରେ ଗଣ୍ଠି ଯନ୍ତ୍ରଣା, ଫୁଲିବା ଏବଂ କିଡନୀରେ ଷ୍ଟୋନ ହେବାର ଆଶଙ୍କା ରହିଥାଏ ।

ତଥାପି, ଆପଣ ନିଜର ଖାଦ୍ୟ ଏବଂ ଜୀବନଶୈଳୀରେ ପରିବର୍ତ୍ତନ କରି ଶରୀରରେ ବଢିଥିବା ୟୁରିକ୍‌ ଏସିଡ୍‌କୁ ନିୟନ୍ତ୍ରଣ କରିପାରିବେ । ଏଥିପାଇଁ ଆପଣଙ୍କ ଖାଦ୍ୟରେ କିଛି ବିଶେଷ ଜିନିଷ ଅନ୍ତର୍ଭୁକ୍ତ କରନ୍ତୁ । ୟୁରିକ୍ ଏସିଡ୍ ନିୟନ୍ତ୍ରଣ କରିବା ପାଇଁ, ଆପଣଙ୍କ ଖାଦ୍ୟରେ ଲାଉକୁ ଅନ୍ତର୍ଭୁକ୍ତ କରନ୍ତୁ । ପ୍ରତିଦିନ ଲାଉ ଖାଇବା ଦ୍ୱାରା ଶରୀରରେ ୟୁରିକ୍ ଏସିଡ୍ ନିୟନ୍ତ୍ରଣ ହୋଇ ରହିଥାଏ ।

ୟୁରିକ୍ ଏସିଡ୍ ପାଇଁ ଲାଉ କେତେ ଲାଭଦାୟକ?

ୟୁରିକ୍ ଏସିଡ୍ ରୋଗୀଙ୍କ ପାଇଁ ଲାଉ ଅତ୍ୟନ୍ତ ଲାଭଦାୟକ ପରିବା । ଭିଟାମିନ୍ ବି, ଭିଟାମିନ୍ ସି, ଆୟରନ୍, ପୋଟାସିୟମ୍ ଏବଂ ମ୍ୟାଗ୍ନେସିୟମ୍ ପରି ଭିଟାମିନ୍ ଏବଂ ମିନେରାଲ୍ସ ଲାଉରେ ରହିଥାଏ । ଏହି ପୋଷକ ତତ୍ତ୍ୱ ହାଡକୁ ଶକ୍ତିଶାଳୀ କରିଥାଏ ଏବଂ ଏହା ସହ ଜଡିତ ସମସ୍ୟାକୁ ଦୂର କରିଥାଏ । ଲାଉରେ ଭଲ ପରିମାଣର ଫାଇବର ଏବଂ ଜଳୀୟଅଂଶ ରହିଥାଏ । ଯେଉଁଥିପାଇଁ ଏହା ଶରୀରରେ ଜମା ହୋଇଥିବା ମଇଳାକୁ ବାହାର କରିବାରେ ସାହାଯ୍ୟ କରିଥାଏ । ଲାଉ ଶରୀରକୁ ଡିଟକ୍ସିଫାଇ କରିଥାଏ । ଆର୍ଥ୍ରାଇଟିସରେ ଲାଉ ଖାଇବା ଅତ୍ୟନ୍ତ ଲାଭଦାୟକ ଏବଂ ଏହା ଓଜନ ହ୍ରାସ କରିବାରେ ମଧ୍ୟ ସାହାଯ୍ୟ କରିଥାଏ ।