ନୂଆଦିଲ୍ଲୀ,୧୭/୦୩: ବର୍ତ୍ତମାନ ଟି -୨୦ ବିଶ୍ୱକପ ୨୦୨୪ ର ଶୁଭାରମ୍ଭ ପାଇଁ ଆଉ ମାତ୍ର କେଇଟା ଦିନ ବାକି। ଜୁନ୍ ୨ ତାରିଖରୁ ଜୁନ୍ ୨୯ ତାରିଖ ପର୍ଯ୍ୟନ୍ତ ୱେଷ୍ଟଇଣ୍ଡିଜ୍ ଏବଂ ଆମେରିକାରେ ଟି୨୦ ବିଶ୍ବକପ୍ ଖେଳାଯିବ। ଏହି ଟି ୨୦ ବିଶ୍ୱକପରେ ଭାରତୀୟ ଦଳର ମିଶ୍ରଣ କ’ଣ ହେବ ତାହା ସମ୍ପୂର୍ଣ୍ଣ ସ୍ପଷ୍ଟ ହୋଇନାହିଁ। ବିରାଟ କୋହଲି ଏହି ବିଶ୍ୱକପ୍ରେ ଦଳର ଅଂଶ ହେବେ କି ନାହିଁ ସେ ନେଇ ମଧ୍ୟ କଳ୍ପନାଜଳ୍ପନା ଚାଲିଛି।
ନିକଟରେ ଇଂରାଜୀ ଖବରକାଗଜ ଦି ଟେଲିଗ୍ରାଫରେ ଏକ ରିପୋର୍ଟ ପ୍ରକାଶ ପାଇଥିଲା। ଏହି ରିପୋର୍ଟ ଅନୁଯାୟୀ, କୋହଲି ଟି ୨୦ ବିଶ୍ୱକପରୁ ଦୂରେଇ ରହିପାରନ୍ତି, କାରଣ ସେ ଟି ୨୦ ପାଇଁ ଉପଯୁକ୍ତ ବିବେଚିତ ନୁହଁନ୍ତି। ରିପୋର୍ଟ ଅନୁଯାୟୀ, ଯେତେବେଳେ ସେ ଆଇପିଏଲରେ ଦୃଢ଼ ପ୍ରଦର୍ଶନ ପ୍ରଦର୍ଶନ କରିବେ ସେତେବେଳେ କୋହଲି ବିଶ୍ୱକପ ପାଇଁ ବିବେଚିତ ହୋଇପାରନ୍ତି। କେବଳ ମୁଖ୍ୟ ଚୟନକର୍ତ୍ତା ଅଜିତ ଅଗରକର କୋହଲିଙ୍କ ବିଷୟରେ ଚୂଡ଼ାନ୍ତ ନିଷ୍ପତ୍ତି ନେବେ, କାରଣ ଅନ୍ୟ ଅଧିକାରୀମାନେ ଏହି ପ୍ରସଙ୍ଗରେ ସାମିଲ ହେବାକୁ ଚାହାଁନ୍ତି ନାହିଁ।
କିର୍ତ୍ତି ଆଜାଦଙ୍କ ବଡ଼ ବୟାନ:
ତେବେ ପୂର୍ବତନ ଟିମ୍ ଇଣ୍ଡିଆ କ୍ରିକେଟର କିର୍ତ୍ତୀ ଆଜାଦଙ୍କ ଏକ ସୋସିଆଲ ମିଡିଆ ପୋଷ୍ଟରେ ସମସ୍ତ ଦାବିକୁ ଖଣ୍ଡନ କରିଛନ୍ତି। କିର୍ତ୍ତୀ ଆଜାଦଙ୍କ ଅନୁଯାୟୀ, ଭାରତୀୟ ଅଧିନାୟକ ରୋହିତ ଶର୍ମା କ୍ରିକେଟ୍ ବିସିସିଆଇ ଅଧ୍ୟକ୍ଷ ଜୟ ଶାହାଙ୍କୁ କହିଛନ୍ତି ଯେ ଯେକୌଣସି ପରିସ୍ଥିତିରେ ଟି ୨୦ ବିଶ୍ୱକପ ପାଇଁ ତାଙ୍କୁ ବିରାଟ କୋହଲି ଦରକାର। କୀର୍ତ୍ତି ଆଜାଦ ଏକ୍ସ ପୋଷ୍ଟରେ ଲେଖିଥିଲେ ଯେ, 'ଅଜିତ ଅଗରକରଙ୍କୁ ଦାୟିତ୍ବ ଦିଆଯାଇଥିଲା ଯେ, ସେ ଅନ୍ୟ ଚୟନକର୍ତ୍ତାଙ୍କ ସହିତ ଆଲୋଚନା କରନ୍ତୁ। କିନ୍ତୁ ସେ ନିଜକୁ କିମ୍ବା ଅନ୍ୟ ଚୟନକର୍ତ୍ତାଙ୍କୁ ମନାଇପାରୁନାହାନ୍ତି। ଜୟ ଶାହା ମଧ୍ୟ ରୋହିତ ଶର୍ମାଙ୍କୁ ପଚାରିଥିଲେ, କିନ୍ତୁ ରୋହିତ କହିଛନ୍ତି ଯେ ଯାହାବି ହେଉ ନା କାହିଁ, ଆମର ବିରାଟ କୋହଲି ଦରକାର। ବିରାଟ କୋହଲି ଟି ୨୦ ବିଶ୍ୱକପ ଖେଳିବେ ଏବଂ ଦଳ ଚୟନ ପୂର୍ବରୁ ଏହାର ସରକାରୀ ଘୋଷଣା କରାଯିବ।
ଆଫଗାନିସ୍ତାନ ସିରିଜ୍ ଜରିଆରେ ବିରାଟ କୋହଲି ଚଳିତ ବର୍ଷ ଭାରତ ପାଇଁ ଟି ୨୦କୁ ପ୍ରତ୍ୟାବର୍ତ୍ତନ କରିଛନ୍ତି। କୋହଲି ୧୪ ମାସ ପରେ ଏକ ଟି ୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ। କୋହଲିଙ୍କ ପାଇଁ ୨୦୨୩ ବର୍ଷ ଏକ ଉତ୍ତମ ବର୍ଷ ଥିଲା ଏବଂ ସେ ଟେଷ୍ଟରେ ଏବଂ ଦିନିକିଆ କ୍ରିକେଟ୍ରେ ଚମତ୍କାର ଖେଳିଥିଲେ। କୋହଲି ୨୦୨୩ରେ ଭାରତ ପାଇଁ ମୋଟ ୩୫ ଟି ମ୍ୟାଚ୍ ଖେଳି ୨୦୪୮ ରନ୍ କରିଥିଲେ, ଯେଉଁଥିରେ ସେ ୮ଟଠି ଶତକ ଏବଂ ୧୦ଟି ଅର୍ଦ୍ଧଶତକ ହାସଲ କରିଥିଲେ। କୋହଲି କ୍ରିକେଟ୍ ବିଶ୍ୱକପ୍ ୨୦୨୩ ରେ ସର୍ବାଧିକ ରନ୍ ସ୍କୋରର୍ ହୋଇପାରିଥିଲେ।
