ପ୍ରମୁଖ ଖବର
  • କେନ୍ଦୁଝର ପାଟଣା ଗଣିତ ପ୍ରଶ୍ନପତ୍ର ଲିକ୍ ଅଭିଯୋଗ, ସୋସିଆଲ ମିଡିଆ​‌ରେ ଭାଇରାଲ
  • ||
  • କପି ଚେକିଂ ଆଳରେ ଅସଦାଚରଣ ଅଭିଯୋଗ, ଥାନାରେ ମାଟ୍ରିକ ପରୀକ୍ଷାର୍ଥୀ
  • ||
  • ଲୋକସେବା ଭବନ ଘେରିବ କଂଗ୍ରେସ, ବିଶାଳ ଶୋଭାଯାତ୍ରାରେ ସାମିଲ ହେବେ ହଜାର ହଜାର କଂଗ୍ରେସ କର୍ମୀ
  • ||
  • ଆଜି ଓଡ଼ିଶାର ୨୧ ଅମୃତ ଭାରତ ରେଳ ଷ୍ଟେସନର ଶିଳାନ୍ୟାସ କରିବେ ପ୍ରଧାନମନ୍ତ୍ରୀ
  • ||
  • ଗର୍ଭବତୀଙ୍କ ପେଟକୁ ନର୍ସ ଖୁନ୍ଦା ମାରିଥିବା ଅଭିଯୋଗ, ଚାଲିଗଲା ମା ଓ ଛୁଆଙ୍କ ଜୀବନ
  • ||
  • ଓଡ଼ିଶା ଗଞ୍ଜେଇ ଚକୋଲେଟ୍‌ରେ ଝୁମୁଛି ହାଇଦ୍ରାବାଦ: ବାଲେଶ୍ୱରରେ ତିଆରି, ଦାଦନଙ୍କ ମାଧ୍ୟମରେ ହେଉଛି ଚାଲାଣ
  • ||
  • ଓସ୍ତପୁର ହଳଦିଢ଼ିଅ ନିକଟ ଗଛକୁ ପିଟିଲା ବୋଲେରୋ: ୩ ମୃତ, ୪ ଗୁରୁତର
  • ||
  • ଆଜି ୫-ଟି ଅଧ୍ୟକ୍ଷଙ୍କ ଅନୁଗୁଳ ଗସ୍ତ, ଛାତ୍ରବୃତ୍ତି ପ୍ରମାଣପତ୍ର ବଣ୍ଟନ କାର୍ଯ୍ୟକ୍ରମରେ ଯୋଗଦେବେ
  • ||
  • ରାଜ୍ୟରେ ଆହୁରି ତିନି ଦିନ ବର୍ଷା: ଉପକୂଳରେ ଅଧିକ ବର୍ଷିବା ସମ୍ଭାବନା, ୨୮ ଯାଏ କୋହଲା ପାଗ
  • ||

ଡିସେମ୍ବର ୧୧ରେ ଆନନ୍ଦ ବଜାର ଶୃଙ୍ଖଳା କମିଟି ବୈଠକ: ଅବଢ଼ା ଦର ନିର୍ଦ୍ଧାରଣ ସମ୍ଭାବନା

ପୁରୀ,୦୮/୧୨ ଆସୁଛି ନୂଆବର୍ଷ । ଶ୍ରୀମନ୍ଦିରକୁ ଠାକୁର ଦର୍ଶନ ନିମନ୍ତେ ଶ୍ରଦ୍ଧାଳୁଙ୍କ ଭିଡ଼ ବଢ଼ିବ । ଏହା ସାଙ୍ଗକୁ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ହେବାକୁ  ଯାଉଛି । ପର୍ଯ୍ୟଟନ ଋତୁ ମଧ୍ୟ ଆସି ଯାଇଛି । ଶ୍ରଦ୍ଧାଳୁଙ୍କ ଭିଡ଼ ଜମିବା ଆଶଙ୍କା ଥିବାରୁ ଶ୍ରୀମନ୍ଦିରରେ ମହାପ୍ରସାଦ ଦର ନିର୍ଦ୍ଧାରଣ କରିବା ଓ ଆନନ୍ଦ ବଜାରରେ ମହାପ୍ରସାଦ  ବିକ୍ରିକୁ ଏକ ଶୃଙ୍ଖଳିତ ସ୍ଥିତିକୁ ଆଣିବା ଆବଶ୍ୟକତା ହୋଇପଡ଼ିଛି । ଶ୍ରଦ୍ଧାଳୁମାନେ ଯେପରି ଏକ ନିର୍ଦ୍ଧାରିତ ଦାମ୍‌ ଦେଇ ପେଟପୂରା ମହାପ୍ରସାଦ ଖାଇପାରିବେ ଓ ପରିବାର  ଲୋକଙ୍କ ନିମନ୍ତେ ନେଇ ପାରିବେ ତାହା ଆବଶ୍ୟକ ହୋଇପଡ଼ିଛି । ଏନେଇ ବାରମ୍ବାର ଶ୍ରଦ୍ଧାଳୁମାନେ ପ୍ରଶାସନ  ନିକଟରେ ଦାବି କରି ଆସୁଛନ୍ତି । ଏପରିସ୍ଥିତିରେ ଆସନ୍ତା  ୧୧ ତାରିଖରେ ଆନନ୍ଦ ବଜାର ଶୃଙ୍ଖଳା କମିଟି ବୈଠକ  ବସିବାକୁ ସ୍ଥିର ହୋଇଥିବା ଜଣାପଡ଼ିଛି । 

ଅବଢ଼ା ଦର  ନିର୍ଦ୍ଧାରଣ ନେଇ ସୁଆର ମହାସୁଆର ନିଯୋଗ ମଧ୍ୟ  ରାଜିଥିବା ଏହାର ମୁଖିଆମାନେ ଗଣମାଧ୍ୟମରେ ପ୍ରକାଶ  କରିଛନ୍ତି । ଅନ୍ନ, ଡାଲି, ବେସର, ମହୁର ପ୍ରଭୃତି  ଶଙ୍ଖୁଡ଼ି ମହାପ୍ରସାଦ କୁଡ଼ିଆ ଦର କ’ଣ ରହିବା ଉଚିତ୍‌  ଶ୍ରୀମନ୍ଦିର ପ୍ରଶାସନକୁ ପ୍ରସ୍ତାବ ଦିଆଯାଇଛି । ତେବେ ଶ୍ରୀମନ୍ଦିର ପ୍ରଶାସନ ଏହି ପ୍ରସ୍ତାବ ନେଇ ଏପର୍ଯ୍ୟନ୍ତ  କୌଣସି ଆଲୋଚନା କରିନି । ଆନନ୍ଦ ବଜାରରେ  ଶୃଙ୍ଖଳା ଆଣିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦ୍ଦେଶ  ରହିଛି । ତେବେ ନିର୍ଦ୍ଦେଶକୁ ବହୁ ବର୍ଷ ବିତିଥିଲେ ହେଁ  ଏହାକୁ ଧ୍ୟାନ ଦିଆଯାଉନି । ଫଳରେ ଶ୍ରଦ୍ଧାଳୁମାନେ  ସୁଲଭ ମୂଲ୍ୟରେ ମହାପ୍ରସାଦ ପାଇପାରୁନାହାନ୍ତି ।  ବିଭିନ୍ନ ପର୍ବପର୍ବାଣି ବେଳେ ମହାପ୍ରସାଦର ଅହେତୁକ ମୂଲ୍ୟ ବଢ଼ିବା ଶ୍ରଦ୍ଧାଳୁଙ୍କ ଅସନ୍ତୋଷର କାରଣ ହେଉଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.