କୋଣାର୍କ, ୩।୧୨: ଅନ୍ତର୍ଜାତୀୟ ବାଲୁକା କଳା ମହୋତ୍ସବ ଏବଂ କୋଣାର୍କ ମହୋତ୍ସବ ପାଇଁ କୋଣାର୍କରେ ଜମୁଛି ପର୍ଯ୍ୟଟକଙ୍କ ଭିଡ଼ । ଶୁକ୍ରବାର ଏହି ମହୋତ୍ସବର ଶୁଭ ଉଦ୍‌ଘାଟନ ପରେ ଶନିବାର ଥିଲା ମହୋତ୍ସବର ଦ୍ବିତୀୟ ଦିନ । ଏହି ମହୋତ୍ସବରେ ଭାଗ ନେବା ପାଇଁ ଦେଶ ଓ ବିଦେଶରୁ ମୋଟ୍ ୩୫ ଜଣ ବାଲୁକା ଶିଳ୍ପୀ ନିଜ ନିଜ ଟିମ୍ ସହ ଅଂଶଗ୍ରହଣ କରିଥିଲେ । 

ଅନ୍ତର୍ଜାତୀୟ ସ୍ତରରୁ ମୋଟ୍ ୬ଟି ଦେଶ ଯଥା: ଅଷ୍ଟ୍ରେଲିଆ, କେଚ୍ ରିପବ୍ଲିକ, ଶ୍ରୀଲଙ୍କା, ରୁଷିଆ, ବେଲାରୁସ, ୟୁ.ଏସ.ଏ ଏଥିରେ ଅଂଶ ଗ୍ରହଣ କରିଥିଲେ । ଜାତୀୟ ସ୍ତରରୁ ୬ଟି ରାଜ୍ୟ ବିହାର, ଆସାମ, ପଶ୍ଚିମବଙ୍ଗ,   ଗୁଜୁରାଟ, ତେଲେଙ୍ଗାନା ଏବଂ ତାମିଲନାଡ଼ୁରୁ ବାଲୁକାଶିଳ୍ପୀମାନେ ଅଂଶଗ୍ରହଣ କରିଥିଲେ । ସେହିଭଳି ରାଜ୍ୟର ବିଭିନ୍ନ ଜିଲ୍ଲାର ଅନେକ ବାଲୁକାଶିଳ୍ପୀ ଏଥିରେ ଅଂଶଗ୍ରହଣ କରିଥିଲେ । ଦ୍ବିତୀୟ ଦିନର ବିଷୟ ଥିଲା ଇକୋ ଟୁରିଜିମ୍ ଏବଂ ଏନଭାଇରମେଣ୍ଟ ଯାହାକୁ ନେଇ ଚନ୍ଦ୍ରଭଗାର ବିସ୍ତୀର୍ଣ୍ଣ ବେଳାଭୂମିରେ ବାଲୁକାଶିଳ୍ପୀ ନିଜର ଦକ୍ଷତା ପ୍ରଦର୍ଶନ କରିଥିଲେ ।