ନୂଆଦିଲ୍ଲୀ,୫।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ସଂସଦରେ ବିରୋଧିଙ୍କୁ କଟାକ୍ଷ କରିଛନ୍ତି। ପ୍ରଧାନମନ୍ତ୍ରୀ ମୋଦି କହିଛନ୍ତି, ବିରୋହଧି ଯେଉଁ ସଂକଳ୍ପ ନେଇଛନ୍ତି, ଏହା ଫଳରେ ସେ ଦୀର୍ଘ ସମୟ ପର୍ଯ୍ୟନ୍ତ ସେଠାରେ ରହିବେ। ପ୍ରଧାନମନ୍ତ୍ରୀ ମୋଦି ରାଷ୍ଟ୍ରପତିଙ୍କ ଅବିଭାଷଣ ଉପରେ ଧନ୍ୟବାଦ ପ୍ରସ୍ତାବ ଉପରେ ନିଜର ମନ୍ତବ୍ୟ ରଖିଛନ୍ତି। ମୋଦି କହିଛନ୍ତି, ବିରୋଧିଙ୍କ ସଂକଳ୍ପକୁ ମୁଁ ପ୍ରଶଂସା କରୁଛି। ତାଙ୍କର ଗୋଟିଏ ଗୋଟିଏ ଭାଷଣ ମୋର ଓ ଦେଶର ବିଶ୍ବାସ ପକ୍କା ହୋଇଯାଇଛି ଯେ, ସେ ଦୀର୍ଘ ସମୟ ପର୍ଯ୍ୟନ୍ତ ସଂକଳ୍ପ ନେଇଛନ୍ତି... ଆପଣମାନେ ଯେଉଁଭଳି ଭାବରେ ଆଜିକାଲି ପରିଶ୍ରମ କରୁଛନ୍ତି, ମୁଁ ମାନୁଛି ଯେ, ଜନତା ଜନାର୍ଦ୍ଧନ ଆପଣଙ୍କୁ ନିଶ୍ଚୟ ଆର୍ଶୀବାଦ କରିବେ ଓ ଆପଣ ଯେଉଁଭଳି ଉଚ୍ଚତାରେ ଅଛନ୍ତି, ତାକୁ ଅଧିକ ଉଚ୍ଚାରେ ପହଁଞ୍ଚାଇବେ। ଆଗାମୀ ନିର୍ବାଚନରେ ଦର୍ଶକ ଗ୍ୟାଲେରୀରେ ଦେଖିବାକୁ ମିଳିବେ।

ପ୍ରଧାନମନ୍ତ୍ରୀ ମୋଦି କେବଳ ସେତିକି ନୁହେଁ କଂଗ୍ରେସକୁ ଆହୁରି ଟାର୍ଗେଟ କରିଛନ୍ତି। ମୋଦି କହିଛନ୍ତି, ବିରୋଧି ଭାବରେ ଆପଣ ନିଜର ଦାୟିତ୍ବ ତୁଲାଇବାରେ ବିଫଳ ହୋଇଛନ୍ତି। ମୁଁ ସବୁବେଳେ କହୁଛି ଯେ, ଦେଶକୁ ଏକ ଭଲ ବିରୋଧି ଦଳ ଦରକାର। ନିର୍ବାଚନୀ ବର୍ଷରେ କିଛି ଶିଖିବା ଦରକାର। ଆଜି ଦେଶର ସ୍ଥିତି ପାଇଁ କଂଗ୍ରେସ ଦାୟୀ। ସେ କହିଛନ୍ତି, ଏହି ଲୋକ ନିଜକୁ ବିରୋଧି ଭାବରେ ପ୍ରମାଣିତ କରିବାରେ ବିଫଳ ହୋଇଛନ୍ତି। ମୁଁ ଦେଖୁଛି ଆପଣଙ୍କ ଭିତରେ ବହୁ ଲୋକ  ନିର୍ବାଚନ ଲଢିବାର ସାହାସ ମଧ୍ୟ ହରାଇ ସାରିଲେଣି। ବହୁ ଲୋକ ଆସନ ବଦଳାଇବାର ଯୋଜନାରେ ଅଛନ୍ତି। ଆଉ କିଛି ଲୋକସଭ ବଦଳରେ ରାଜ୍ୟସଭାକୁ ଯିବାକୁ ଚାହୁଁଛନ୍ତି।

କଂଗ୍ରେସକୁ କଟାକ୍ଷ କରି ମୋଦି କହିଛନ୍ତି, ମାଲିକାର୍ଜୁନ ଖଡଗେ ଗୋଟିଏ ଗୃହରୁ ଆଉ ଏକ ଗୃହକୁ ଚାଲିଗଲେ। ଗୁଲାମନବୀ ଆଜାଦ ଦଳ ହିଁ ବଦଳାଇ ଦେଲେ। ଗୋଟିଏ ପ୍ରଡକ୍ଟ ଲଞ୍ଚ କରିବାକୁ ଯାଇ କଂଗ୍ରେସର ଦୋକାନରେ ତାଲା ଲଗାଇବାର ସମୟ ଆସିଯାଇଛି। ଏହି ସମୟରେ ମୋଦି ନିଜ ସରକାର ଉପଲବ୍ଧି ବିଷୟରେ ମଧ୍ୟ କହିଛନ୍ତି। ସେ କହିଛନ୍ତି, ଯେଉଁ ଭଳି ଗତିରେ ଦେଶର ବିକାଶ ହେଉଛି,ସେହି ଆଧାରରେ ଆମର ତୃତୀୟ କାର୍ଯ୍ୟକାଳରେ ଭାରତ ଦୁନିଆର ତୃତୀୟ ବଡ ଆର୍ଥିକ ଶକ୍ତି ହେବ, ଏହା ମୋଦିଙ୍କ ଗ୍ୟାରେଣ୍ଟି।