ଭୁବନେଶ୍ବର,୫।୮  : ବରମୁଣ୍ଡା ରେଣ୍ଟାଲ କଲୋନୀ ହାଇସ୍କୁଲ ଉପରେ ବଜ୍ରପାତ ହୋଇ ୧୦ ଛାତ୍ରଛାତ୍ରୀ ଆହତ ହୋଇଛନ୍ତି।  ଆହତ ଛାତ୍ରଛାତ୍ରୀଙ୍କୁ ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ଶ୍ରେଣୀରେ ଶିକ୍ଷୟିତ୍ରୀ ପଠା ପଢ଼ାଉଥିବା ସମୟରେ ବଜ୍ରପାତ ହୋଇଥିଲା।  ପ୍ରଚଣ୍ଡ  ଶବ୍ଦ ଯୋଗୁ ପିଲାମାନେ ଭୟଭୀତ ହୋଇପଡିଥିଲେ। ସେହିପରି   ବଜ୍ରପାତରେ ସ୍କୁଲ ଛାତ ଭାଙ୍ଗିଯାଇଥିବା ଜଣାପଡିଛି। ସ୍କୁଲ ପାଖରେ ଥିବା ଏକ ନିମ୍ବ ଗଛ  ବଜ୍ରପାତରେ ଜଳି ଯାଇଥିବା ଛାତ୍ରଛାତ୍ରୀ କହିଛନ୍ତି।

ସୋମବାର ମଧ୍ୟାହ୍ନରେ ଭୁବନେଶ୍ବରରେ ବର୍ଷା ସହ ବଜ୍ରପାତ ହୋଇଥିଲା। ବର୍ଷାରେ  ସହରର ବିଭିନ୍ନ ସ୍ଥାନରେ ପାଣି  ଜମି ଯାଇଥିଲା। ଲୋକମାନେ ଯାତାୟତରେ ମଧ୍ୟ ଅସୁବିଧାର ସମ୍ମୁଖୀନ ହୋଇଥିଲେ। ରାସ୍ତାରେ ପାଣି ଜମି ରହିଥିବାରୁ ଲୋକମାନେ ଟ୍ରାଫିକ ଜାମରେ ଫସି ରହିଥିଲେ।