ଛେଣ୍ଡିପଦା,୯/୯: ଅନୁଗୋଳ ଜିଲ୍ଲା ଅବକାରୀ ବିଭାଗ ପକ୍ଷରୁ ନକଲି ବିଦେଶୀ ମଦ ତିଆରି ହେଉଥିବା ବିସ୍ୱସ୍ତ ସୁତ୍ରରୁ ଖବରପାଇ ଛେଣ୍ତିପଦା ଥାନା ମଛକୁଟା ଗ୍ରାମରେ ଚଢଉ । ଏଥିରେ ବିପୁଳ ପରିମାଣରେ ନକଲି ଦେଶୀ ଓ ବିଦେଶୀ ମଦ ଜବତ କରିବା ସହ ନକଲି ବିଦେଶୀ ମଦ ପ୍ରସ୍ତୁତ ପାଇଁ ବ୍ୟବହୃତ ସାମଗ୍ରୀ ଏବଂ ଏଥିରେ ସମ୍ପୃକ୍ତ ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି l ଗିରଫ ୨ ଜଣ ହେଲେ ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଗୁଡିଡିହ ଗ୍ରାମର ବିପିନ ସାହୁ ଓ ମାଛକୁଟା ଗ୍ରାମର ଚିକୁ ବେହେରା l

ଘଟଣାରୁ ପ୍ରକାଶ ଯେ, ଅନୁଗୋଳ ଅବକାରୀ ବିଭାଗ ଛେଣ୍ତିପଦା ଥାନା ମଛକୁଟା ଅଞ୍ଚଳରେ ବେଆଇନ ନକଲି ବିଦେଶୀ ମଦ ପ୍ରସ୍ତୁତ କରି ସେଗୁଡିକୁ ଚାଲାଣ କରାଯାଉଥିବା ଖବରପାଇଥିଲା ଅନୁଗୋଳ ଅବକାରୀ ବିଭାଗ । ପରେ ଏକ ଟିମ ଗଠନ କରି ମଛକୁଟା ଗ୍ରାମରେ ଚଢଉ କରିଥିଲେ l ଅବକାରୀ ନିରୀକ୍ଷକ ରମ୍ଭା ବାଗ ଓ ଉପନିରୀକ୍ଷକ ସନ୍ତୋଷ ସାହୁଙ୍କ ସମେତ ଅବକାରୀ ବିଭାଗର କର୍ମଚାରୀମାନେ ପ୍ରଥମେ ମାଛକୁଟା ଗ୍ରାମର ଚିକୁ ବେହେରାଙ୍କ ଘରେ ଚଢଉ କରି କିଛି ବିଦେଶୀ ମଦ ଜବତ କରିବା ସହ ଏହି ବେଆଇନ ନକଲି ବିଦେଶୀ ମଦ ପ୍ରସ୍ତୁତ କରୁଥିବା ମାଷ୍ଟରମାଇଣ୍ତି ସମ୍ପର୍କରେ ଜାଣିବାକୁ ପାଇଥିଲେ l ମାଷ୍ଟରମାଇଣ୍ତ ଜଣଙ୍କ ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଗୁଡିଡିହି ଗ୍ରାମର ବିପିନ ସାହୁ ବୋଲି ଜଣାପଡ଼ିଥିଲା l ସେ ଏକ ଲୁଗା ବ୍ୟସାୟ ନାମରେ ମାଛକୁଟା ଗ୍ରାମରେ ଏକ ଦୋକାନ କରି ସେଠାରେ ନକଲି ମଦ ବିକ୍ରି କରୁଥିବା ଚଢ଼ଉ ବେଳେ ଜଣିବାକୁ ପାଇଥିଲେ l 

ଏ ନେଇ ଅବକାରୀ ବିଭାଗ ସେଠାରେ ଚଢଉ କରି ସେମାନଙ୍କ ନିକଟରୁ ୧୧.୧୬୦ଲିଟର ବିଦେଶି ମଦ,ନକଲି ମଦ ପ୍ରସ୍ତୁତ ବେଳେ ବ୍ୟବହୃତ ସାମଗ୍ରୀ,୯୦୦ଟି ବିଦେଶି ମଦ ଠିପି , ଏକ ମାରୁତି ୱାଗନର କାର ୪ଟି ଜାରକିନରେ ଥିବା ୧୫୦ଲିଟର ଦେଶୀ ମଦ ଓ ଏକ ସିଲମେସିନକୁ ଅବକାରୀ ବିଭାଗ ଜବତ କରିବା ସହ ଏହି ନକଲି ମଦ କାରବାରରେ ସମ୍ପୃକ୍ତ ବିପିନି ଓ ଚିକୁକୁ ଗିରଫ କରିଥିଲେ । ଏ ନେଇ ଅବକାରୀ ଥାନା କେସ ନଂ ୧୫୪/୨୩ରେ ଅବାକରୀ ବିଭାଗ ଏକ ମାମଲା ରୁଜୁ କାରିବା ସହିତ ସେମାନଙ୍କୁ କୋର୍ଟ ଚାଲାଣ କରିଥିଲେ ।