ପ୍ରମୁଖ ଖବର
  • ଜମ୍ମୁ-କାଶ୍ମୀରକୁ ଖୁବ୍‌ଶୀଘ୍ର ମିଳିବ ପୂର୍ଣ୍ଣ ରାଜ୍ୟ ମାନ୍ୟତା, ଉଦ୍ଧମପୁରରେ ପ୍ରଧାନମନ୍ତ୍ରୀଙ୍କ ବଡ଼ ଘୋଷଣା
  • ||
  • କାଳିକାଦେବୀ ସାହିରେ ବୁଲେ ମାଟିମଣ୍ଡପ ସାହି ପଟୁଆର, ଆଜି ବାଲିସାହି-ହରଚଣ୍ଡି ସାହି ଶାନ୍ତି କମିଟି ବୈଠକ
  • ||
  • ପ୍ୟାରିସ ଅଲିମ୍ପିକ୍ସ: ୧୭ରେ ବିକ୍ରି ହେବ ୨୫୦,୦୦୦ ଟିକେଟି
  • ||
  • ଗ୍ରୀଷ୍ମ ଛୁଟିରେ ଅନ୍‌ଲାଇନ୍‌ କ୍ଲାସ୍‌, ଆଜି ପ୍ରଧାନଶିକ୍ଷକମାନଙ୍କ ବୈଠକରେ ହେବ ଆଲୋଚନା
  • ||
  • ତୃତୀୟ ପର୍ଯ୍ୟାୟ ନିର୍ବାଚନ: ଶୁକ୍ରବାର ପ୍ରକାଶ ପାଇବ ବିଜ୍ଞପ୍ତି, ଆରମ୍ଭ ହେବ ନାମାଙ୍କନ ପ୍ରକିୟା
  • ||
  • ଜାତୀୟ ପଥପ୍ରାନ୍ତ ନାଟକ ଦିବସ: ସରକାରୀ ସ୍ୱୀକୃତିକୁ ଅପେକ୍ଷା, ଅନେକ ଦାବି ପରେ ବି ଅବହେଳିତ
  • ||
  • ଦିଲ୍ଲୀ ମଦ ନୀତି ମାମଲା: ଆଜି କୋର୍ଟରେ ହାଜର ହେବେ ବିଆର୍‌ଏସ୍‌ ନେତ୍ରୀ କେ.କବିତା, ରିମାଣ୍ଡ ଆବେଦନ କରିବ CBI
  • ||
  • IPL 2024: ସୁପରଜାଏଣ୍ଟ୍‌ସ - କ୍ୟାପିଟାଲ ଲଢ଼େଇ, ଏକାନ୍ନାରେ ଚ୍ୟାଲେଞ୍ଜ ହେବ ସ୍ପିନ
  • ||
  • ପୂର୍ବତନ ସ୍ୱାସ୍ଥ୍ୟମନ୍ତ୍ରୀ କମଳା ଦାସଙ୍କ ପରଲୋକ, ୭୯ ବର୍ଷ ବୟସରେ କଲେ ଶେଷ ନିଶ୍ୱାସ ତ୍ୟାଗ
  • ||
  • ବଦଳିବ ପାଣି ପାଗ ମିଜାଜ୍: ୪ ଦିନରେ ୮ ଡିଗ୍ରୀ ବଢ଼ିପାରେ ତାପମାତ୍ରା, ପୁଣି କଲବଲ କରିବ ତାତି
  • ||

ସୁନ୍ଦରଗଡ଼ ଜିଲ୍ଲାରେ ୩ ବିଜେପି ବିଧାୟକ ରିପିଟ୍, ରାଜଗାଙ୍ଗପୁରରେ ନରସିଂହ

ରାଜଗାଙ୍ଗପୁର, ୩।୪: ରାଜଗାଙ୍ଗପୁର ବିଧାନସଭା ପାଇଁ ପୁଣିଥରେ ନରସିଙ୍ଘ ମିଞ୍ଜଙ୍କୁ ପ୍ରାର୍ଥୀ ଭାବେ ଘୋଷଣା କରିଛି ବିଜେପି । ଶ୍ରୀ ମିଞ୍ଜ ଗତ ୨୦୧୯ ନିର୍ବାଚନରେ ୫୨,୮୯୬ ଖଣ୍ଡ ଭୋଟ ଆଣି ବିଜେଡିର ମଙ୍ଗଳା କିଷାନଙ୍କଠାରୁ ମାତ୍ର ୯୬ ଭୋଟରେ ପଛରେ ଥିବା ବେଳେ ବିଜୟୀ ପ୍ରାର୍ଥୀ କଂଗ୍ରେସର ଡ. ସିଏସ୍‌ ରାଜନ ଏକ୍କାଙ୍କଠାରୁ ମାତ୍ର ୧୦୨୨ ଭୋଟରେ ପରାସ୍ତ ହୋଇଥିଲେ ।

ସୁନ୍ଦରଗଡ଼ରୁ କୁସୁମ 

ବିଜେପି ପକ୍ଷରୁ ସୁନ୍ଦରଗଡ଼ ବିଧାନସଭା ପାଇଁ ଦଳ ପକ୍ଷରୁ ବିଧାୟିକା କୁସୁମ ଟେଟେଙ୍କୁ ପୁଣିଥରେ ଟିକେଟ ଦିଆଯାଇଛି । ତାଲିକାରେ କୁସୁମଙ୍କ ନାମ ଚୟନ ହେବା ପରେ ଏଥିପାଇଁ ସେ ପ୍ରଧାନମନ୍ତ୍ରୀ, ରାଷ୍ଟ୍ରୀୟ ଅଧ୍ୟକ୍ଷ, ରାଜ୍ୟ ସଭାପତିଙ୍କୁ କୃତଜ୍ଞତା ଜଣାଇଛନ୍ତି । ଏ ନେଇ ସେ କହିଛନ୍ତି, ଦଳ ମୋ ଉପରେ ପୁନର୍ବାର ଆସ୍ଥାଭାଜନ କରିଥିବାରୁ ଏଥିପାଇଁ ସମସ୍ତଙ୍କୁ ସାଧୁବାଦ ଦେଇଛନ୍ତି । ଦଳର ଏହି ବିଶ୍ୱାସକୁ ପୁଣିଥରେ ଜିଣିବି ବୋଲି ମୋର ଆଶା ।

ବଣାଇରୁ ସେବତୀ 

ସୁନ୍ଦରଗଡ଼ ଜିଲ୍ଲାର ବଣାଇ ବିଧାନସଭା ଆସନରୁ ସେବତୀ ନାଏକଙ୍କ ନାମ ଘୋଷଣା କରାଯାଇଛି । ଶ୍ରୀମତୀ ନାଏକ ପ୍ରଥମେ ବାବା ବାଣେଶ୍ୱର ଶୈବପୀଠ, ମା’ ମଙ୍ଗଳା ପୀଠକୁ ଯାଇ ଦର୍ଶନ କରିବା ସହ ଆଶୀର୍ବାଦ ଭିକ୍ଷା କରିଛନ୍ତି ।

ବୀରମିତ୍ରପୁରରୁ ଶଙ୍କର 

ବୀରମିତ୍ରପୁର ନିର୍ବାଚନମଣ୍ଡଳୀ ଲାଗି ବିଜେପି ପ୍ରାର୍ଥୀ ଘୋଷଣା କରିଛି । ବୀରମିତ୍ରପୁର ବିଧାୟକ ଶଙ୍କର ଓରାମଙ୍କୁ ପୁଣିଥରେ ରିପିଟ୍‌ କରିଛି ଦଳ । ୨୦୧୯ ନିର୍ବାଚନରେ ଶଙ୍କର ବିଜେଡି ପ୍ରାର୍ଥୀ ମଖଲୁ ଏକ୍କାଙ୍କୁ ୧୬,୩୫୧ ଖଣ୍ଡ ଭୋଟ ବ୍ୟବଧାନରେ ପରାସ୍ତ କରି ବିଜୟ ହାସଲ କରିଥିଲେ । ଶଙ୍କର ୬୦,୯୩୭ ଖଣ୍ଡ ଭୋଟ ପାଇଥିବା ବେଳେ ମଖଲୁ ପାଇଥିଲେ ୪୪,୫୮୬ ଖଣ୍ଡ ଭୋଟ । ଚଳିତ ନିର୍ବାଚନରେ ବିଜେପି ସହ ବିଜେଡିର ସିଧାସଳଖ ଲଢ଼େଇ ଜୋରଦାର ହେବ ବୋଲି କହିଛନ୍ତି ଶଙ୍କର ।

ରଘୁନାଥପାଲିରୁ ଦୁର୍ଗା  

ରଘୁନାଥପାଲି ନିର୍ବାଚନ ମଣ୍ଡଳୀରେ ବିଜେପି ଏଥର ନୂଆମୁହଁ ଭାବେ ଦୁର୍ଗାଚରଣ ତନ୍ତୀଙ୍କୁ ପ୍ରାର୍ଥୀ କରିଛି । ସେ ରାଜ୍ୟ ଅନୁସୂଚିତ ଜାତି ମୋର୍ଚ୍ଚାର ଉପସଭାପତି ଥିବାବେଳେ ପ୍ରଥମଥର ପାଇଁ ନିର୍ବାଚନ ଲଢ଼ିବେ ।

ତଲସରାରୁ ଭବାନୀ  

ତଲସରା ନିର୍ବାଚନମଣ୍ଡଳୀ ପାଇଁ ବିଜେପି ପକ୍ଷରୁ ତଳସରାରୁ ପୁଣିଥରେ ବିଧାୟକ ପ୍ରାର୍ଥୀ ଭାବେ ବିଧାୟକ ଭବାନୀ ଶଙ୍କର ଭୋଇଙ୍କୁ ଦଳ ଚୟନ କରିଛି । ଦୀର୍ଘବର୍ଷର ପରିଶ୍ରମ, ଲୋକ ସମ୍ପର୍କ, ଦଳୀୟ ପ୍ରଚାର ତଥା ସଂଗଠନକୁ ଦୃଷ୍ଟିରେ ରଖି ରାଜ୍ୟ ତଥା କେନ୍ଦ୍ରୀୟ ଚୟନ କମିଟି ପକ୍ଷରୁ ତଳସରାରୁ ଶ୍ରୀ ଭୋଇଙ୍କୁ ପ୍ରାର୍ଥୀ କରାଯାଇଛି । ବାଲିଶଙ୍କରା, ସବଡେଗା, ବଡ଼ଗାଁ, ଲେଫ୍ରିପଡ଼ା ତଥା ଆଖପାଖ ଅଞ୍ଚଳରେ ଏ ଖବର ପ୍ରଚାରିତ ହେବା ପରେ ଶ୍ରୀ ଭୋଇଙ୍କୁ ଶୁଭେଚ୍ଛୁ, ସମର୍ଥକଙ୍କ ମହଲରେ ଖୁସିର ଲହରି ଖେଳିଯାଇଛି ।

 

 

  • prameyanews
  • PrameyaOdia
  • prameya
  • General Election 2024
  • Odisha election 2024
  • lok sabha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.