ଜଳେଶ୍ବର,୨୭/୯ : ସୁବର୍ଣ୍ଣରେଖା ନଦୀକୁ ଗାଧୋଇବାକୁ ଯାଇ କଦଳୀ ଭେଳା ଉପରେ ଖେଳୁଥିଲାବେଳେ କଦଳୀ ଭେଳା ଓଲଟି ବୁଡ଼ି ଗଲେ ୪ଜଣ ସାଙ୍ଗ । ଜଣେ ମୃତ, ଜଣେ ଗୁରୁତର। ଗୁରୁତର ବାଲିପାଳ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ମୃତକ ଜଣକ ହେଲେ ୧୭ ବର୍ଷର ତାପସ କୁମାର ରଣା । ଦୁଇ ଜଣ ସୁରକ୍ଷିତ ଭାବେ ଉଦ୍ଧାର। ଏଭଳି ଘଟଣା ଘଟିଛି ବାଲେଶ୍ଵର ଜିଲ୍ଲା ବାଲିଆପାଳ ଥାନା ଅନ୍ତର୍ଗତ ଅସ୍ତି ପଞ୍ଚାୟତର ବଢାପାଳ ଗ୍ରାମରେ। 

ପ୍ରକାଶ ଯେ, ଆଜି ମଧ୍ୟାହ୍ନ ସମୟରେ ବଢାପାଳ ଗ୍ରାମର ୪ଜଣ ସାଙ୍ଗ ସୁବର୍ଣ୍ଣରେଖା ନଦୀକୁ ଗାଧୋଇବାକୁ ଯାଇଥିଲେ । କୂଳରେ ଥିବା ଏକ କଦଳୀ ଭେଳା ଉପରେ ୪ ଜଣ ସାଙ୍ଗ ଚଢି ଯାଇ ଖେଳୁଥିଲାବେଳେ କଦଳୀ ଭେଳାଟି ଓଲଟି ପଡ଼ିଥିଲା । କଦଳୀ ଭେଳା ଓଲଟି ପଡିବାରୁ ୪ ଜଣ ସାଙ୍ଗ ନଦୀର ଅକାଳ କାତ ପାଣିରେ ବୁଡ଼ି ଯାଇଥିଲେ । ସ୍ଥାନୀୟ ଲୋକେ ଜାଣି ପାରି ସେମାନଙ୍କୁ ଉଦ୍ଧାର କରି କରିଥିଲେ। ସେମାନଙ୍କୁ ଉଦ୍ଧାର କରି ବାଲିଆପାଳ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ । ସେମାନଙ୍କ ମଧ୍ୟରୁ ଦୁଇ ଜଣ ସୁରକ୍ଷିତ ଭାବେ ଉଦ୍ଧାର ହୋଇଥିବାବେଳେ ଜଣେ ଗୁରୁତର ହୋଇ ବାଲିପାଳ ଡାକ୍ତରଖାନାରେ ଚିକିତ୍ସିତ ହେଉଛନ୍ତି, ଜଣକର ମୃତ୍ୟୁ ଘଟିଛି । ଖବରପାଇ ବାଲିଆପାଳ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରୀ ରଖିଛି।