ନୂଆଦିଲ୍ଲୀ ୧୮/ ୦୫: ହରିୟାଣାରେ ଭୟଙ୍କର ସଡକ ଦୁର୍ଘଟଣା ହୋଇଛି । ହରିୟାଣାର ନୁଂହ ଜିଲ୍ଲାରେ ଏକ ଟୁରିଷ୍ଟ ବସ୍‌ରେ ଅଗ୍ନିକାଣ୍ଡ।  ନିଆଁ ଲାଗି ୮ ଜଣ ଯାତ୍ରୀ ଜୀବନ୍ତ ଦଗ୍ଧ। ୨୪ରୁ ଅଧିକ ଯାତ୍ରୀ  ଗୁରୁତର। ବସ୍‌ରେ ଥିଲେ ୬୦ରୁ ଅଧିକ ଯାତ୍ରୀ। ସମସ୍ତଙ୍କ ଗୁରୁତରଙ୍କୁ ଉଦ୍ଧାର କରାଯାଇ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛ। କିଛି ଯାତ୍ରୀ ଅବସ୍ଥା ସଙ୍କଟାପନ୍ନ ଥିବା ଜଣାପଡିଛି। 

ମିଳିଥିବା ସୂଚନା ଅନୁଯାୟୀ, ବସ୍ ପ୍ରାୟ ୬୦ ଜଣ ଯାତ୍ରା କରୁଥିଲେ। ଯେଉଁମାନେ ପଞ୍ଜାବ ଏବଂ ଚଣ୍ଡିଗଡ଼ର ବାସିନ୍ଦା ବୋଲି କୁହାଯାଉଛି। ଏହା ରାତି ପ୍ରାୟ ୧.୩୦ ସମୟରେ ଏହି ଦୁର୍ଘଟଣା ଘଟିଛି । ବନାରସ ଏବଂ ବୃନ୍ଦାବନ ପରିଦର୍ଶନ କରିବା ପରେ ଯାତ୍ରୀମାନେ ଫେରୁଥିଲେ। ଆହତ ପର୍ଯ୍ୟଟଙ୍କ  ମଧ୍ୟରେ ମହିଳା ଏବଂ ଶିଶୁ ମଧ୍ୟ ଅଛନ୍ତି। ଏହି ଦୁର୍ଘଟଣାର ପ୍ରତ୍ୟକ୍ଷଦର୍ଶୀ ସାବୀର, ନାସିମ ଏବଂ ସେମାନଙ୍କ ସାଙ୍ଗମାନେ କହିଛନ୍ତି ଯେ ବସ୍ ପଛ ପଟରୁ ଜଳୁଛି ଏବଂ ଯାତ୍ରୀମାନେ ଚିତ୍କାର କରୁଛନ୍ତି। ସେ ବାଇକରେ ବସକୁ ଫଲୋ କରି ଡ୍ରାଇଭରଙ୍କୁ ଜଣାଇ ବସ୍ ଅଟକାଇଥିଲେ। ଯାତ୍ରୀମାନେ ଓହ୍ଲାଇବା ବେଳକୁ ନିଆଁ ପୁରା ବସ୍ ଲାଗିଯାଇଥିଲ। ଯାତ୍ରୀମାନେ ଅଗ୍ନିକାଣ୍ଡ ସମ୍ପର୍କରେ ପୋଲିସ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ। ଘଟଣାସ୍ଥଳରେ ଉଦ୍ଧାରକାରୀ ଟିମ୍‌ ପହଞ୍ଚି ଯାତ୍ରୀଙ୍କୁ ରେସ୍କ୍ୟୁ କରିଥିବା ଜଣାପଡିଛି।