ମୁମ୍ୱାଇ : ବବି ଦେଓଲ ଏହି ସମୟରେ ଫିଲ୍ମ ‘ଆନିମଲ’କୁ ନେଇ ଖୁବ୍‌ ଚର୍ଚ୍ଚାରେ ଅଛନ୍ତି। ଫିଲ୍ମରେ ବବିଙ୍କ କାମକୁ ଖୁବ୍‌ ପ୍ରଶଂସା କରାଯାଉଛି ଏବଂ ସେ ଏହି ସମୟରେ ଆନିମଲର ଜୋରସୋରରେ ପ୍ରମୋସନ କରୁଛନ୍ତି। ଏବେ ଏହି ମଧ୍ୟରେ ବବି ନିଜ ପର୍ସନାଲ ଲାଇଫ୍‌ ବିଷୟରେ ଖୁଲାସା କରିଛନ୍ତି। କହିଛନ୍ତି ,ସେ ଖୁବ୍‌ ଓପନ ମାଇଣ୍ଡେଡ୍ ଏବଂ ନିଜ ପିତା ଧର୍ମେନ୍ଦ୍ରଙ୍କ ଭଳି ନୁହଁନ୍ତି। ଏହା ବ୍ୟତୀତ ବବି ପୁଅ ସହ ନିଜର ବଣ୍ଡିଂକୁ ନେଇ ମଧ୍ୟ କହିଛନ୍ତି। 

ଧର୍ମେନ୍ଦ୍ରଙ୍କ ସହ ସଂପର୍କ –

ଜୁମ୍‌ ସହ କଥା ହୋଇ ବବି କହିଛନ୍ତି, ଯେବେ ମୁଁ ବଡ଼ ହେଉଥିଲି , ଜିନିଷ କିଛି ଭିନ୍ନ ଥିଲା। ଆପଣଙ୍କୁ ନିଜ ପିତାମାତାଙ୍କର ସମ୍ମାନ କରିବାକୁ ହୋଇଥାଏ । ଏହା ବ୍ୟତୀତ ଆପଣ କିଛି କରି ପାରିବେ ନାହିଁ। ମାଆଙ୍କ ସହ ଆପଣ ପୁଣି ଝଗଡ଼ା କରି ପାରିବେ , ମଜା କରି ପାରିବେ। କିନ୍ତୁ ପିତାଙ୍କ ସହ ରାଗରୁଷା ଲାଗି ରହିଥାଏ। 

ମୁଁ ବହୁତ ଓପନ ମାଇଣ୍ଡେଡ୍‌ – 

ବବି ପୁଣି କହିଛନ୍ତି , ମୁଁ ଦେଖିଛି ଏମିତି ମୋର କି, ମୋ ପିତାଙ୍କ ମଧ୍ୟରେ ନାହିଁ। ଏଥିରେ ମୋ ବାପାଙ୍କ ଭୁଲ୍‌ ନୁହେଁ , କାରଣ ସେ ମଧ୍ୟ ସେମିତି ମାହୋଲରେ ବଢିଛନ୍ତି। ହେଲେ , ମୁଁ ବହୁତ ଓପନ ମାଇଣ୍ଡେଡ୍‌। ମୁଁ କେବେ ବି ନିଜ ପତ୍ନୀଙ୍କୁ କାମ କରିବାରେ ରୋକି ନାହିଁ। ମୁଁ ଆଜି ଯାହା ମଧ୍ୟ ହୋଇଛି ନିଜ ପତ୍ନୀଙ୍କ ଯୋଗୁଁ ହୋଇଛି। ମୁଁ ବହୁତ ଭାଗ୍ୟବାନ।

କହି ରଖୁଛୁ କି, ଗତ କିଛି ଦିନରେ ବବିଙ୍କ ସହ ପ୍ରମୋସନାଲ ଇଭେଣ୍ଟରେ ତାଙ୍କର ବଡ଼ ପୁଅ ଆର୍ଯ୍ୟମାନ ମଧ୍ୟ ନଜର ଆସିଥାନ୍ତି। ନିକଟରେ ହିନ୍ଦୁସ୍ତାନ ଟାଇମ୍ସ ସହ କଥା ହୋଇ ବବି କହିଥିଲେ , ମୋ ପିଲା ସ୍ପେଶାଲ ନୁହଁନ୍ତି। ସେ ନର୍ମାଲ, ଯଦିଓ ସେ ମୋର ପିଲା, କିନ୍ତୁ ତାଙ୍କୁ ଗ୍ଲାମରର ଦୁନିଆରେ ଅଧିକ ରଖିନାହିଁ , କାହିଁକି ନା ଏହି ଜିନିଷ ଆପଣଙ୍କ ଠାରୁ ବହୁତ କିଛି ଜିନିଷ ନେଇ ଯାଇଥାଏ। ବାସ୍‌ ଏମିତି ହିଁ ଆମେ। ଆମକୁ ଏମିତି ପାଳନ କରାଯାଇଛି। ଏହାସହ ମୋ ପିଲା ଖୁବ୍‌ ଲାଜୁଆ ସ୍ୱଭାବର ଏବଂ ସେମାନେ ଫଟୋ କ୍ଲିକ୍‌ କରିବା ପସନ୍ଦ କରନ୍ତି ନାହିଁ।