ଲାହୋର, ୦୫/୦୯: ଆଫଗାନିସ୍ତାନକୁ ହରାଇଲା ଶ୍ରୀଲଙ୍କା । ରୋମାଞ୍ଚକର ମୁକାବିଲାରେ ଶ୍ରୀଲଙ୍କା ଆଫଗାନିସ୍ତାନକୁ ୨ ରନରେ ପରାସ୍ତ କରିଛି । ସୁପର-୪ରେ ପ୍ରବେଶ ପାଇଁ ଚେଷ୍ଟା କରିଥିବା ଆଫଗାନିସ୍ତାନକୁ ପରାଜୟବରଣ କରିବାକୁ ପଡ଼ିଛି । ଏହା ସହ ଟୁର୍ଣ୍ଣାମେଣ୍ଟରୁ ବିଦାୟ ନେଇଛି ଆଫଗାନିସ୍ତାନ । ଆଫଗାନିସ୍ତାନ ହାରିଯିବାରୁ ବାଂଲାଦେଶ ଏସିଆ କପରେ ଚତୁର୍ଥ ଦଳ ଭାବେ ସୁପର-୪ରେ ପ୍ରବେଶ କରିଛି।
ଶ୍ରୀଲଙ୍କାରୁ ପାକିସ୍ତାନ ଭେନ୍ୟୁକୁ ପରିବର୍ତ୍ତନ ହେବନି ଏସିଆ କପ୍ ମ୍ୟାଚ୍, ସ୍ପଷ୍ଟ କଲେ ଜୟ ଶାହ
ଏଥିସହ ଟୁର୍ଣ୍ଣାମେଣ୍ଟର ଲିଗ୍ ପର୍ଯ୍ୟାୟ ଶେଷ ହୋଇଛି । ଶ୍ରୀଲଙ୍କା ୨୯୨ ରନର ବିଜୟ ଲକ୍ଷ୍ୟ ଦେଇଥିଲା ପାକିସ୍ତାନକୁ । ଯଦି ଏହି ଲକ୍ଷ୍ୟ ଆଫଗାନିସ୍ତାନ ୩୭.୧ ଓଭରରେ ପିଛା କରିବାରେ ସଫଳ ହୋଇଥାନ୍ତା ତେବେ ଦଳ ଭଲ ନେଟ୍ ରନ ରେଟ୍ ସହ ସୁପର-୪ରେ ପ୍ରବେଶ କରିପାରିଥାନ୍ତା । ସୁପର-୪ ତ ଦୂରର କଥା ଜିତିବାର ଦ୍ଵାର ଦେଶରେ ଥାଇ ଶେଷରେ ପରାଜୟବରଣ କରିଛି ଆଫଗାନିସ୍ତାନ ।
ଟସ୍ ଜିତି ପ୍ରଥମେ ବ୍ୟାଟିଂ କରିଥିଲା ଶ୍ରୀଲଙ୍କା । କୁଶଲ ମେଣ୍ଡିସଙ୍କ ୯୨ ରନ, ପଥୁନ ନିଶଙ୍କାଙ୍କ ୪୧ ଓ ଅନ୍ୟ ବ୍ୟାଟରଙ୍କ ସୁନ୍ଦର ଇନିଂସ ବଳରେ ନିର୍ଦ୍ଧାରିତ ଓଭରରେ ୮ ଓ୍ଵିକେଟ୍ ହରାଇ ୨୯୧ ରନ କରିଥିଲା ଶ୍ରୀଲଙ୍କା । ଜବାବରେ ଆଫଗାନିସ୍ତାନ ଲଢୁଆ ପ୍ରଦର୍ଶନ କରିଥିଲା । ମହମ୍ମଦ ନବି(୬୫ ରନ), ହସମୁତଲ୍ଲା ସାହିଦି(୫୯) ଏବଂ ରମହତ ଶାହ(୪୫)ଙ୍କ ଲଢୁଆ ଇନିଂସ ସତ୍ତ୍ବେ ୩୭.୪ ଓଭରରେ ୨୮୯ ରନରେ ଅଲଆଉଟ୍ ହୋଇଛି ଆଫଗାନିସ୍ତାନ । ଏହି ମ୍ୟାଚ୍ ପରେ ଏସିଆ କପର ସୁପର-୪ରେ ଭାରତ, ପାକିସ୍ତାନ, ଶ୍ରୀଲଙ୍କା ଓ ବାଂଲାଦେଶ ପହଞ୍ଚିଛନ୍ତି ।
You can also read: ୨୦୨୩ ଦିନିକିଆ ବିଶ୍ବକପ୍ ପାଇଁ ଘୋଷଣା ହେଲା ଟିମ୍ ଇଣ୍ଡିଆ; ଜାଣନ୍ତୁ କାହାକୁ ମିଳିଛି ସୁଯୋଗ