ପାଲେକେଲେ, ୦୪/୦୯: ଭାରତୀୟ କ୍ରିକେଟ ଟିମ୍ର ପ୍ରଥମ ମୁକାବିଲା ବର୍ଷା ପାଇଁ ରଦ୍ଦ ହୋଇଥିଲା । ହେଲେ ଆଜି ନେପାଳ ବିପକ୍ଷ ମ୍ୟାଚ୍ ରୋମାଞ୍ଚକର ମୋଡ ନେବାରେ ଲାଗିଛି । ଏସିଆକପ୍-୨୦୨୩ ଶ୍ରୀଲଙ୍କାର ପାଲେକେଲେରେ ଖଳାଯାଉଛି । ଟସ୍ ଜିତି ଟିମ୍ ଇଣ୍ଡିଆ ଫିଲ୍ଡିଂ ପାଇଁ ନିଷ୍ପତ୍ତି ନେଇଥିଲା । ସେପଟେ ନେପାଳ ପାଇଁ ଆଜି ଐତିହାସକ ଦିନ । କାରଣ ନେପାଳ ଟିମ୍ ଭାରତୀୟ ଟିମ୍ ସହ ପ୍ରଥମ ମ୍ୟାଚ୍ ଖେଳୁଛି । କିନ୍ତୁ ଭାରତୀୟ ଟିମ୍ ପାଇଁ ଏହା ଗୁରୁତ୍ବପୂର୍ଣ୍ଣ ମ୍ୟାଚ୍ । ଯଦି ଟିମ୍ ଇଣ୍ଡିଆ ଆଜିର ମ୍ୟାଚ୍ ହାରିଯାଏ ତେବେ ତା’ ପାଇଁ ସୁପର-୪ର ଦ୍ବାର ବନ୍ଦ ହୋଇଯିବ ।
ନେପାଳ ଟିମ୍ ପ୍ରଥମେ ବ୍ୟାଟିଂ କରି ୨୩୦ ରନ୍ କରିବାରେ ସକ୍ଷମ ହୋଇଛି। ୪୮ ଓଭର ୨ ଟା ବଲରେ ଅଲଆଉଟ ହୋଇଛି ଟିମ୍ ନେପାଳ । ଓ୍ବିକେଟ କିପର ଆସିଫ୍ ଶେଖ ସର୍ବାଧିକ ୫୮ ରନ୍ କରିଛନ୍ତି । ତାଙ୍କ ପରେ ସୋମପାଲ କାମି ୪୮, କୁଶାଲ ଭୁର୍ତ୍ତେଲ ୩୮, ଦିପେନ୍ଦ୍ର ସିଂହ ୨୯ ଏବଂ ଗୁଲଶନ ଝା ୨୩ ରନ୍ କରିଛନ୍ତି ।
ଭାରତ-ପାକିସ୍ତାନ ମ୍ୟାଚ୍କୁ ନେଇ ଗୌତମ ଗମ୍ଭୀରଙ୍କ ବୋଲ୍ଡ ବୟାନ, ବନ୍ଧୁତା ପଡିଆ ବାହାରେ ଦେଖାଅ...
ସେପଟେ ମହମ୍ମଦ ଶିରାଜ ଏବଂ ରବିନ୍ଦ୍ର ଜାଡେଜା ୩ଟି ଲେଖାଏଁ ଓ୍ବିକେଟ ନେବାରେ ସଫଳ ହୋଇଛନ୍ତି । ସେହିଭଳି ମହମ୍ମଦ ଶାମି, ହାର୍ଦ୍ଦିକ ପାଣ୍ଡ୍ୟା, ଶାର୍ଦ୍ଦୁଳ ଠାକୁର ଗୋଟିଏ ଲେଖାଏଁ ଓ୍ବିକେଟ ନେଇଛନ୍ତି । ତେବେ ୨୩୧ ରନ୍ ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇବ ଟିମ୍ ଇଣ୍ଡିଆ । ନେପାଳ ବିପକ୍ଷରେ ଭାରତୀୟ ଟିମ୍ ହାରିବାର ସମ୍ଭାବନା ବହୁତ କମ୍ ଥିବା କୁହାଯାଉଛି । ହେଲେ ଖେଳ କେଉଁ ମୋଡ ନେବ ତାକୁ ନେଇ ଖେଳପ୍ରେମୀଙ୍କ ଗହଣରେ ଉତ୍ସାହ ଭରିରହିଛି ।
You can also read: ଫର୍ମୁଲା ୱାନରେ ଭର୍ଷ୍ଟାପେନଙ୍କ ନୂଆ ରେକର୍ଡ, ସିଜନରେ କ୍ରମାନ୍ୱୟରେ ୧୦ଟି ରେସ ଜିତିବାରେ ପ୍ରଥମ ଚାଳକ