ନୂଆଦିଲ୍ଲୀ,୧୩/୦୯: ଏଥର ଭାରତୀୟ କ୍ରିକେଟ୍ ଦଳର ଉଭୟ ପୁରୁଷ ଏବଂ ମହିଳା ଦଳ ଏସୀୟ ଗେମ୍ସରେ ଖେଳିବାକୁ ଯାଉଛନ୍ତି। ଚୀନ୍ରେ ହେବାକୁ ଥିବା ଏହି ମେଗା ଇଭେଣ୍ଟ ୧୯ ସେପ୍ଟେମ୍ବରରୁ ୮ ଅକ୍ଟୋବର ପର୍ଯ୍ୟନ୍ତ ଆୟୋଜିତ ହେବ। ଏହି ମେଗା ଇଭେଣ୍ଟକୁ ଯିବା ପୂର୍ବରୁ ଭାରତୀୟ ପୁରୁଷ କ୍ରିକେଟ୍ ଦଳ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛି। ଦିନିକିଆ ବିଶ୍ୱକପ ୨୦୨୩ ଯୋଗୁଁ, ବିସିସିଆଇ ଏସୀୟ ଗେମ୍ସ ପାଇଁ ଏକ ଯୁବ ଦଳ ଚୟନ କରିଛି। ଏହି ଦଳକୁ ଋତୁରାଜ ଗାଇକୱାଡ ଅଧିନାୟକତ୍ୱ କରୁଛନ୍ତି।
ଏହିପରି ଅନେକ ଯୁବ ଖେଳାଳିଙ୍କୁ ଏହି ଭାରତୀୟ ଦଳରେ ଅନ୍ତର୍ଭୁକ୍ତ କରାଯାଇଛି। ତେବେ ଏହି ଟିମ୍ରେ ସାମିଲ ଥିବା ଦ୍ରୁତ ବୋଲର ଶିବମ ମାବିଙ୍କୁ ଆଘାତ ଲାଗିଥିବା ଖବର ଆସିଛି। ତାଙ୍କ ପିଠିରେ ଆଘାତ ହେତୁ ସେ ହୁଏତ ଏସୀୟ ଗେମ୍ସ ୨୦୨୩ରୁ ବାଦ୍ ପଡ଼ିପାରନ୍ତି। ଏଭଳି ପରିସ୍ଥିତିରେ ଉମ୍ରାନ ମଲିକଙ୍କୁ ତାଙ୍କ ସ୍ଥାନରେ ସାମିଲ କରାଯାଇପାରେ। ଶିବମ ମାବିଙ୍କ ଆଘାତ ଅତ୍ୟନ୍ତ ଗମ୍ଭୀର ନୁହେଁ ବୋଲି କୁହାଯାଉଛି, କିନ୍ତୁ ତାଙ୍କୁ ଏସିଆନ୍ ଗେମ୍ସ ୨୦୨୩ ପୂର୍ବରୁ ଫିଟ୍ ହେବା ପାଇଁ ଆଶା କମ୍ ରହିଛି। ଶିବମ ମାବିଙ୍କ ସ୍ଥାନ ପାଇଁ ଉମ୍ରାନ ମଲିକଙ୍କୁ ଦଳରେ ଅନ୍ତର୍ଭୁକ୍ତ କରିବାକୁ ବିସିସିଆଇ ଖୁବ ଶୀଘ୍ର ଘୋଷଣା କରିପାରେ। ୱେଷ୍ଟଇଣ୍ଡିଜ୍ ଗସ୍ତରେ ସୀମିତ ଓଭର ସିରିଜରେ ଉମ୍ରାନ୍ ଟିମ୍ ଇଣ୍ଡିଆର ଏକ ଅଂଶ ହୋଇଥିଲେ। ଉମ୍ରାନ୍ ଏପର୍ଯ୍ୟନ୍ତ ୮ ଟି ଟି-୨୦ ଅନ୍ତର୍ଜାତୀୟ ମ୍ୟାଚରେ ୧୧ ୱିକେଟ୍ ନେଇଛନ୍ତି।
ଏସିଆନ୍ ଗେମ୍ସ ୨୦୨୩ ପାଇଁ ଭାରତୀୟ ପୁରୁଷ ଦଳ ପକ୍ଷରୁ ଭିଭିଏସ୍ ଲକ୍ଷ୍ମଣ ମୁଖ୍ୟ କୋଚ୍ ଭୂମିକାରେ ନଜର ଆସିବେ। ଯଦି ଆମେ ଦଳର କାର୍ଯ୍ୟସୂଚୀକୁ ଦେଖିବା, ତେବେ ଅକ୍ଟୋବର ୩ ରେ ଭାରତ ଏହାର ପ୍ରଥମ ମ୍ୟାଚ୍ ଖେଳିବ ଏବଂ ଏହି ମ୍ୟାଚ୍ ଜିତିଲେ ଟିମ୍ ସିଧାସଳଖ କ୍ୱାର୍ଟର ଫାଇନାଲରେ ପ୍ରବେଶ କରିବ। ଏହାକୁ ଜିତିବା ପରେ ଦଳ ଅକ୍ଟୋବର ୫ ରେ ସେମିଫାଇନାଲ ମ୍ୟାଚ୍ ଖେଳିବ। ଏହି ଇଭେଣ୍ଟର ଅନ୍ତିମ ମ୍ୟାଚ୍ ଅକ୍ଟୋବର ୭ ରେ ଖେଳାଯିବ।
ଏସିଆ ଗେମ୍ସ ୨୦୨୩ ପାଇଁ ଟିମ୍ ଇଣ୍ଡିଆ:
ରୁତୁରାଜ ଗାଇକୱାଡ (ଅଧିନାୟକ), ଯଶସ୍ୱୀ ଜୟସୱାଲ, ରାହୁଲ ତ୍ରିପାଠୀ, ତିଲକ ବର୍ମା, ରିଙ୍କୁ ସିଂ, ଜିତେଶ ଶର୍ମା (ୱିକେଟ୍ କିପର), ପ୍ରଭସୀମରନ୍ ସିଂ (ୱିକେଟ୍ କିପର), ୱାଶିଂଟନ୍ ସୁନ୍ଦର, ଶାହାବାଜ ଅହମ୍ମଦ, ରବି ବିଷ୍ଣୋଇ, ଆଓ୍ବେଶ ଖାନ, ଅର୍ଶଦୀପ ସିଂ, ମୁକେଶ କୁମାର, ଶିବମ୍ ମାବି ଓ ଶିବମ୍ ଦୁବେ
ରିଜର୍ଭ ଖେଳାଳି - ସାଇ କିଶୋର, ଭେଙ୍କଟେଶ ଆୟର, ସାଇ ସୁଦର୍ଶନ, ଦୀପକ ହୁଡା, ୟଶ ଠାକୁର
