ନୂଆଗାଁ, ୫।୦୨: ନୂଆଗାଁ ଥାନା ୫୭ନଂ ଜାତୀୟ ରାଜପଥ ୫୭ ପଞ୍ଚୁପାଣ୍ଡବ ମନ୍ଦିର ନିକଟରେ ଦୁଇ ବାଇକ୍ ଦୁର୍ଘଟଣାଗ୍ରସ୍ତ । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଥିବା ସୂଚନା ମିଳିଛି । ସୂଚନା ଥାଉକି, ଜଗନ୍ନାଥପ୍ରସାଦ ଗ୍ରାମର ୪୨ ବର୍ଷୀୟ ଅଞ୍ଜଳି କରଣ ଓ ମସ୍କାବାରୀ ଗ୍ରାମର ପ୍ରଦୀପ ପରିଡ଼ା ଦୁହେଁ ଭାଇ ଭଉଣୀ ବାଇକରେ ରାତି ୧୦ଟା ସମୟରେ ମସ୍କାବାରି ଯାଉଥିଲେ । ଠିକ୍ ଏତିକି ବେଳେ ତାଙ୍କର ଅନ୍ୟ ଏକ ବାଇକ୍ ସହ ଧକ୍କା ହୋଇଥିଲା ।
ଖବର ପାଇ ଘଟଣାସ୍ଥଳରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ପହଞ୍ଚି ଆହତମାନଙ୍କୁ ଚିକିତ୍ସା ପାଇଁ ନୂଆଗାଁ ଅଗ୍ନିଶ୍ରମ ବିଭାଗ ଗାଡ଼ିରେ ନୟାଗଡ଼ ମେଡିକାଲକୁ ପଠାଇଥିଲେ । ସେଠାରେ ଅଞ୍ଜଳି କରଣଙ୍କ ମୃତ୍ୟୁ ହୋଇଥିବା ସୂଚନା । ଅନ୍ୟପଟେ ନୂଆଗାଁ ପୋଲିସ ଦୁଇଟି ବାଇକ ଜବତ କରିବା ସହ ଏନେଇ ମାମଲା ରୁଜୁ କରି ଶବ ବ୍ୟବଚ୍ଛେଦ ପରେ ମୃତଦେହକୁ ପରିବାରକୁ ହସ୍ତାନ୍ତର କରିଥିବା ଥାନାଧିକାରୀ ନାରାୟଣ ଲେଙ୍କା ସୂଚନା ଦେଇଛନ୍ତି ।