କାଶୀପୁର,୧୦/୧୧ : କାଶୀପୁର ବ୍ଲକ ଗୋଡ଼ିବାଲି ପଞ୍ଚାୟତ ବର୍ତ୍ତିବାଲି ଘାଟିରେ ଶୁକ୍ରବାର ବାଇକ, ଅଟୋ ଧକ୍କାରେ ବାଇକ ଚାଳକର ମୃତ୍ୟୁ ହୋଇଥିବା ଜଣାପଡ଼ିଛି । ମୃତକ ହେଲେ କଦମ ଚରା ଗ୍ରାମର ରାମ ମାଝି ବୋଲି ଜଣାପଡ଼ିଛି । ରାମ ଆଜି ସନ୍ଧ୍ୟାରେ କାଶିପୁରଠାରୁ ଘରକୁ ଫେରୁଥିବା ସମୟରେ ବିପରୀତ ଦିଗରୁ ଆସୁଥିବା ଏକ ଅଟୋ ସହ ଧକ୍କା ହୋଇଥିଲା । ଦୁର୍ଘଟଣାରେ ରାମ ମାଝୀର ଘଟଣାସ୍ଥଳରେ ମୃତ୍ୟୁ ହୋଇଥିବାବେଳେ ଅନ୍ୟ ଦୁଇ ଜଣ ଆହତ ହୋଇଛନ୍ତି । ଆହତଙ୍କୁ କାଶୀପୁର ସିଏଚସିରେ ଚିକିତ୍ସା କରାଯାଉଛି । ବିଭିନ୍ନ ସମୟରେ ବର୍ତ୍ତିବାଲି ଘାଟିରେ ଦୁର୍ଘଟଣା ଘଟୁଥିବାରୁ ଜନ ଜୀବନ ହାନି ହେଉଛି । ଖବରପାଇ କାଶୀପୁର ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
