ଦଶରଥପୁର, ୧୦/୧୧ : ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର। ଦଶରଥପୁର ଥାନା ଖୋସାଲପୁର ଗ୍ରାମର ଅନତି ଦୂରରେ ଥିବା ଏକ ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର ହୋଇଛି। ଦଶରଥପୁର ଅଗ୍ନିଶମ କର୍ମଚାରୀ ସ୍ଥାନୀୟ ଲୋକଙ୍କ ସହାୟତାରେ ମୃତଦେହ ଉଦ୍ଧାର କରିଛି।

ସୂଚନାନୁଯାୟୀ, ମୃତକ ଜଣକ ସ୍ଥାନୀୟ ଖୋସାଲପୁର ଗ୍ରାମର ଅଶୋକ ପାଣିଗ୍ରାହୀଙ୍କ ପୁଅ ଅଭିମନ୍ୟୁ ପାଣିଗ୍ରାହୀ। ତାଙ୍କର ମୃତ୍ୟୁର କାରଣ ଅସ୍ପଷ୍ଟ ରହିଛି। ତାଙ୍କୁ କେହି ହତ୍ୟା କରି ପୋଖରୀ ଭିତରେ ଫିଙ୍ଗି ଦେଇଥିବା ସ୍ଥାନୀୟ ଲୋକେ ସନ୍ଦେହ କରୁଛନ୍ତି। ଖବରପାଇ ଦଶରଥପୁର ଥାନାଧିକାରୀ ବଦ୍ରିକାନାଥ ବେହେରା ସଦଳବଳେ ଘଟଣାସ୍ଥଳରେ ପହଁଚି ମୃତଦେହକୁ ବ୍ୟବଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଘଟଣାର ତଦନ୍ତ ଆରମ୍ଭ କରିଛନ୍ତି।