ନୂଆଦିଲ୍ଲୀ,୦୫/୦୯: କେନ୍ଦ୍ରୀୟ ଅର୍ଦ୍ଧସାମରିକ ବାହିନୀ ସିଆରପିଏଫରେ ଗତ ୨୩ ଦିନ ଭିତରେ ୧୦ ଜଣ ଯବାନ ଆତ୍ମହତ୍ୟା କରିଛନ୍ତି। ସେମାନଙ୍କ ଭିତରେ ୨ ଜଣ ଇନ୍ସପେକ୍ଟର ଓ ଜଣେ ସବ୍-ଇନ୍ସପେକ୍ଟର ଅଛନ୍ତି । କେବଳ ଚଳିତ ମାସ ଅର୍ଥାତ ସେପ୍ଟେମ୍ବର ୧ରୁ ୪ ତାରିଖ ମଧ୍ୟରେ ୪ ଜଣ ଆତ୍ମହତ୍ୟା କରିସାରିଲେଣି। ଏହାକୁ ମିଶାଇଲେ ଗତ ୫ ବର୍ଷରେ ସିଆରପିଏଫରେ ୨୪୦ରୁ ଅଧିକ ଯବାନ ଆତ୍ମହତ୍ୟା କରିଛନ୍ତି। ଯଦି ସମସ୍ତ କେନ୍ଦ୍ରୀୟ ଅର୍ଦ୍ଧସାମରିକ ବାହିନୀକୁ ବିଚାରକୁ ନିଆଯିବ ତେବେ ଏହି ଆତ୍ମହତ୍ୟା ସଂଖ୍ୟା ୬୫୪ ରହିଥିବା ଜଣାପଡିଛି। କିନ୍ତୁ ଆତ୍ମହତ୍ୟାର ପ୍ରକୃତ କାରଣ ସମ୍ପର୍କରେ ତଦନ୍ତ କରାଯାଉନାହିଁ ।
ସ୍ୱରଷ୍ଟ୍ର ମନ୍ତ୍ରଣାଳୟ ପକ୍ଷରୁ ଗୋଟିଏ ଉତ୍ତର ଦିଆଯାଉଛି କି ପାରିବାରିକ କଳହ ଯୋଗୁ ସେମାନେ ଏଭଳି ପଦକ୍ଷେପ ନେଉଛନ୍ତି । ସ୍ୱରାଷ୍ଟ୍ର ମନ୍ତ୍ରଣାଳୟର ସଂସଦୀୟ କମିଟି ତାର ରିପୋର୍ଟରେ ଦର୍ଶାଇଥିଲା କି ଯବାନଙ୍କ ଆତ୍ମହତ୍ୟା ସୁରକ୍ଷା ବାହିନୀର କାର୍ଯ୍ୟଦକ୍ଷତା ଉପରେ ପ୍ରଭାବ ପକାଉଛି ।