ଭୁବନେଶ୍ୱର,୦୩/୦୨: ଏନ୍ଟିଏ ପରିଚାଳିତ ଏକକ ବିଶ୍ୱବିଦ୍ୟାଳୟ ପ୍ରବେଶିକା ପରୀକ୍ଷା (ସିୟୁଇଟି ପିଜି) ଆବେଦନ ଅବଧି ବୃଦ୍ଧି ହୋଇଛି। ଆସନ୍ତା ୭ ତାରିଖ ଯାଏ ଅନ୍ଲାଇନ୍ରେ ଆବେଦନ କରିହେବ । ୮ ତାରିଖ ମଧ୍ୟରେ ଆବେଦନ ଫି ଦାଖଲ କରିବେ । ମାର୍ଚ୍ଚ ୧୧ରୁ ୨୮ ମଧ୍ୟରେ କମ୍ପ୍ୟୁଟର ପ୍ରବେଶିକା ପରୀକ୍ଷା କରାଯିବ ।
ଓଡ଼ିଶାର କୋରାପୁଟସ୍ଥିତ କେନ୍ଦ୍ରୀୟ ବିଶ୍ୱବିଦ୍ୟାଳୟରେ ପିଜି ନାମଲେଖା ପାଇଁ ଇଛୁକ ଶିକ୍ଷାର୍ଥୀମାନେ ମଧ୍ୟ ଆବେଦନ କରିପାରିବେ । ଚଳିତ ବର୍ଷ କେନ୍ଦ୍ରୀୟ ବିଶ୍ୱବିଦ୍ୟାଳୟରେ ୧୩ଟି ସ୍ନାତକୋତ୍ତର ପାଠ୍ୟକ୍ରମ (୨ବର୍ଷିଆ) ପାଇଁ ନାମଲେଖା ହେବ । ଓଡ଼ିଆ, ଇଂରାଜୀ, ହିନ୍ଦୀ, ସଂସ୍କୃତ, ନୂତତ୍ତ୍ୱ ବିଭାଗ, ସାମାଜିକ ବିଜ୍ଞାନ, ଅର୍ଥନୀତି, ସାମ୍ବାଦିକତା ଓ ଗଣଯୋଗାଯୋଗ, ଏମ୍ବିଏ, ଅର୍ଥନୀତି, କମ୍ପ୍ୟୁଟର ସାଇନ୍ସ, ବିଏଡ୍ ପାଠ୍ୟକ୍ରମ ପାଇଁ ନାମଲେଖା ହେବ । ଏସଂପର୍କିତ ସମସ୍ତ ତଥ୍ୟ pgcuet.samarth.ac.inରେ ଉପଲବ୍ଧ ରହିଛି ।