ନୂଆଦିଲ୍ଲୀ ୧୩/୧୧: ଜାପାନର ସେଫ୍‌ ଆଲାନ ଫିଶର୍‌ ରାନ୍ଧଣାରେ ଦୁଇଟି ବିଶ୍ୱ ରେକର୍ଡ  ଭାଙ୍ଗିଛନ୍ତି । ମାଟ୍‌ସୁ ସ୍ଥିତ ନିଜର ଆଇରିଶ୍‌-ଥିମ୍‌ ରେସ୍ତୋରାଁରେ ସେ ଅବିରତ ୧୧୯ ଘଣ୍ଟା ୫୭ ମିନିଟ୍‌ ରୋଷେଇ କରିଛନ୍ତି । ଏ କ୍ଷେତ୍ରରେ ପୂର୍ବରୁ ବିଶ୍ୱ ରେକର୍ଡ କରିଥିବା ନାଇଜେରିଆର ମହିଳା ସେଫ୍‌  ହିଲ୍‌ଡା ବାସିଙ୍କଠାରୁ ସେ ଅଧିକ ୨୪ ଘଣ୍ଟା ରୋଷେଇ କରିଛନ୍ତି ।  

ଫିଶର୍‌ ଆଉ ଏକ ରେକର୍ଡ ମଧ୍ୟ ଭାଙ୍ଗିଛନ୍ତି । ସର୍ବାଧିକ ୪୭ ଘଣ୍ଟା  ୨୧ ମିନିଟ୍‌ ଲଗାତାର ବେକିଂ କରି ସର୍ବାଧିକ ସମୟ ବେକିଂ  ମାରାଥନ୍‌ ବିଭାଗରେ ସେ ଆମେରିକାର ପୂର୍ବ ରେକର୍ଡଧାରୀ ୱେଣ୍ଡି ସ୍ୟାଣ୍ଡନରଙ୍କୁ ପଛରେ ପକାଇଛନ୍ତି । ଫିଶର୍‌ ଏକସଙ୍ଗେ ଗୋଟିଏ ପରେ ଗୋଟିଏ ପ୍ରୟାସ କରିଥିଲେ । ଏଥିପାଇଁ ସେ ରୋଷେଇ ଘରେ ୧୬୦ ଘଣ୍ଟାରୁ ଅଧିକ ସମୟ କାମ କରିଥିଲେ । ମଝିରେ ମାତ୍ର ଦିନଟିଏ ଆରାମ କରିଥିଲେ । ସୋସିଆଲ ମିଡିଆ ୟୁଜର ଏହି କୃତିତ୍ୱ ପାଇଁ ଫିଶର୍‌ଙ୍କୁ ଖୁବ୍‌ ପ୍ରଶଂସା କରୁଛନ୍ତି । ଏଥିଲାଗି ସେ  ଅନେକ ରାତି ଅନିଦ୍ରା ହୋଇଛନ୍ତି । ଅନେକ ମାନସିକ,  ଆର୍ଥିକ ସମସ୍ୟା ଦେଇ ଗତି କରିଛନ୍ତି ବୋଲି ଗିନିଜ୍‌  ବିଶ୍ୱ ରେକର୍ଡସ୍‌କୁ ଫିଶର୍‌ କହିଛନ୍ତି ।