ଭୁବନେଶ୍ୱର ୦୯/୦୨: ଭାରତୀୟ ମସଲା ଭିତରେ ମେଥିର ଭୂମିକା ବେଶ୍ ଗୁରୁତ୍ୱପୂର୍ଣ୍ଣ । ଏହା ଔଷଧୀୟ ଗୁଣରେ ଭରା । ଆଜିକାଲି ପ୍ରାୟ ଲୋକଙ୍କଠାରେ କୋଲେଷ୍ଟେରଲ୍ ସମସ୍ୟା ଦେଖିବାକୁ ମିଳୁଛି । ବିଶେଷତଃ ଯୁବବର୍ଗଙ୍କଠାରେ ବେଶୀ ଦେଖିବାକୁ ମିଳୁଛି । ଘରୋଇ ଭାବେ ଏହାର ଉପଚାର କରିବା ସମ୍ଭବ । ସେଥିପାଇଁ ମେଥିମଞ୍ଜି ଖୁବ୍ ଉପକାରୀ । ମେଥି ପାଣି ଧମନୀରୁ ଖରାପ(ଏଲ୍‌ଡିଏଲ୍) କୋଲେଷ୍ଟେରଲ୍କୁ କମ୍ କରିବା ଥାଏ । ଏହାବ୍ୟତୀତ ମେଥିର ଆହୁରି ଅନେକ ଔଷଧୀୟ ଗୁଣ ରହିଛି । ଏହା ଆଣ୍ଟି-ଅକ୍ସିଡାଣ୍ଟ, ଆଣ୍ଟି-ଇନଫ୍ଲାମୋଟୋରୀ ଗୁଣରେ ଭରା  । 

ଖରାପ କୋଲେଷ୍ଟେରଲ୍ କମାଏ :

ଖରାପ(ଏଲ୍‌ଡିଏଲ୍) କୋଲେଷ୍ଟେରଲ୍ ସ୍ତର ହ୍ରାସ କରିବା ପାଇଁ ମେଥି ଖୁବ୍ ଉପକାରୀ । ମେଥିମଞ୍ଜିକୁ ରାତିରେ ପାଣିରେ ବତୁରାଇ ଦିଅନ୍ତୁ । ସକାଳେ ସେହି ପାଣିକୁ ଛାଣି ଖାଲି ପେଟରେ ପିଇପାରିବେ । 

ଟ୍ରାଇଗ୍ଲାଇସରାଇଡ୍ ହ୍ରାସ କରେ :

ମେଥି କେବଳ କୋଲେଷ୍ଟେରଲ୍ ନୁହେଁ, ଟ୍ରାଇଗ୍ଲାଇସରାଇଡ୍ ମଧ୍ୟ ହ୍ରାସ କରେ । ଟ୍ରାଇଗ୍ଲାଇସରାଇଡ୍ ହେଉଛି ରକ୍ତରେ ଥିବା ଚର୍ବି । ଏହା ବଢିବା ଦ୍ୱାରା ହୃଦ୍‌ଘାତର ଆଶଙ୍କା ବଢିଥାଏ । 

ଏଚ୍‌ଡିଏଲ୍ ବଢାଏ :

ମେଥି ପାଣି ଖରାପ କୋଲେଷ୍ଟେରଲ୍ ଅର୍ଥାତ ଏଲ୍‌ଡିଏଲ୍ ସ୍ତରକୁ କମାଇ ଭଲ କୋଲେଷ୍ଟେରଲ୍(ଏଚ୍‌ଡିଏଲ୍) ସ୍ତରକୁ ବଢାଇଥାଏ ।

ଓଜନ କମାଏ :

ଯଦି ଆପଣ ବଢୁଥିବା ଓଜନକୁ ନେଇ ଚିନ୍ତାରେ ରହୁଥାନ୍ତି, ତେବେ ମେଥି ପାଣିର ବ୍ୟବହାର କରନ୍ତୁ । ଏହା ଓଜନକୁ ମଧ୍ୟ କମାଇଥାଏ । ନିୟମିତ ସକାଳେ ଖାଲି ପେଟରେ ମେଥି ପାଣି ପିଇବା ଦ୍ୱାରା ଓଜନ କମ ହୋଇଥାଏ ।