ପୁରୀ, ୧୪/୧୧ : ପୁରୀ ଷ୍ଟେସନ କୋଚିଂ ଡିପୋରେ ଅଗ୍ନିକାଣ୍ଡ। କୋଚିଂ ଡିପୋରେ ଥିବା ଏକ ଟ୍ରେନର ଦୁଇଟି ଏସି ବିଗିରେ ନିଆଁ ଲାଗି ନଷ୍ଟ ହୋଇଯାଇଛି। ମଙ୍ଗଳବାର ପୂର୍ବାହ୍ନ ପ୍ରାୟ ସାଢେ଼ ୧୨ଟା ବେଳେ ଏହି ଘଟଣା ଘଟିଛି। ଅଗ୍ନିକାଣ୍ଡ ପରେ ୨ଟି ଦମକଳ ପହଞ୍ଚି ନିଆଁକୁ ଆୟତ କରିବାକୁ ଚେଷ୍ଟା କରିଥିଲା। ପରେ ଆଉ ଗୋଟିଏ ମେସିନରେ ପାଣି ପକାଇ ନିଆଁକୁ ଆୟତ୍ତ କରାଯାଇଛି। ସମ୍ପୂର୍ଣ୍ଣ ଅଞ୍ଚଳ ଧୂଆଁମୟ ହୋଇଯାଇଛି।

ସୂଚନା ଅନୁଯାୟୀ, ମରାମତି କରିବା ସମୟରେ ରେଲୱେ ଏସି ବଗିରେ ଥିବା ବ୍ୟାଟେରୀରୁ ନିଆଁ ଲାଗିଥିବା କର୍ମଚାରୀମାନେ କହୁଛନ୍ତି । କିପରି ନିଆଁ ଲାଗିଲା ତାହାର ତଦନ୍ତ କରାଯିବ ବୋଲି ରେଲୱେ ଅଧିକାରୀ ସୂଚନା ଦେଇଛନ୍ତି। ଏହି ଘଟଣାରେ କେହି ମୃତ ଆହତ ହୋଇନାହାଁନ୍ତି। ପ୍ରାୟ ଘଂଟାଏ ପରିଶ୍ରମ କରି ୨୦ଜଣ ଦମକଳ ବାହିନୀ ନିଆଁକୁ ଆୟତ କରିଥିଲେ। ନିଆଁ ଲାଗିବା ପରେ ଟ୍ରେନରୁ ପ୍ରଥମେ ଏହି ଦୁଇ ବଗିକୁ ଅଲଗା କରାଯାଇଥିଲା। ଅଗ୍ନିକାଣ୍ଡର କାରଣ ଜଣାପଡିନି।