ପ୍ୟାରିସ୍, ୨୦/୧୧: ଆଣବିକ ଶକ୍ତି କ୍ଷେତ୍ରରେ ମଜଭୁତ୍ ହେଉଛି ଫ୍ରାନ୍ସ । ରବିବାର ଫ୍ରାନ୍ସ ଏମ୍୫୧.୩ ଦୂରଗାମୀ ବାଲିଷ୍ଟିକ ମିସାଇଲ୍ର ସଫଳ ଉତକ୍ଷେପଣ କରିଛି । ଏନେଇ ସୂଚନା ଦେଇଛି ଫ୍ରାନ୍ସର ପ୍ରତିରକ୍ଷା ମନ୍ତ୍ରଣାଳୟ । ତେବେ ଏହି ମିସାଇଲରେ ଆଣବିକ ଅସ୍ତ୍ରଶସ୍ତ୍ର ପଠା ଯାଇନଥିବା ଫ୍ରାନ୍ସ କହିଛି ।

ଫ୍ରାନ୍ସର ଦକ୍ଷିଣପଶ୍ଚିମରେ ଥିବା ବିସାର୍ସୋ ମିସାଇଲ୍ ଟେଷ୍ଟିଂ ସାଇଟରୁ ମିସାଇଲ୍ ଉତକ୍ଷେପଣ କରିଥିଲା ସେନା । ଯାହାକି ଉତ୍ତର ଆଟଲାଣ୍ଟିକ ମହାସାଗରରେ ପଡ଼ିଥିଲା । ତେବେ ଉତକ୍ଷେପଣ କରାଯାଇଥିବା ଦୂରଗାମୀ ମିସାଇଲ୍ ନେଇ ଅଧିକ ସୂଚନା ଫ୍ରାନ୍ସ ଦେଇ ନାହିଁ ।

ଛଟ୍ ପୂଜାରୁ ଫେରୁଥିବା ବେଳେ ପରିବାର ଉପରକୁ ଗୁଳିମାଡ଼, ୨ ମୃତ, ୬ ଆହତ

୨୦୨୨ରେ ୟୁକ୍ରେନ୍ ଉପରେ ଋଷର ଆକ୍ରମଣ ପରେ ପୁଟିନ୍ ବାରମ୍ବାର ପାଶ୍ଚାତ୍ୟ ଦେଶକୁ ପରମାଣୁ ଆକ୍ରମଣ ଧମକ ଦେଇ ଆସୁଛନ୍ତି । ଏବେ ଫ୍ରାନ୍ସ ପରୀକ୍ଷଣ କରିଥିବା ଏମ୍୫୧.୩ ହେଉଛି ଏମ୍୫୧ର ବିକଶିତ ଭର୍ସନ । ଏହା ହେଉଛି ତିନିସ୍ତରର ସମୁଦ୍ର-ଭୂପୃଷ୍ଠ ଷ୍ଟ୍ରାଟେଜିକ୍ ବାଲିଷ୍ଟିକ୍ ମିସାଇଲ୍ । ଯାହାକୁ ନୌସେନାର ଯୁଦ୍ଧପୋତରୁ ଉତକ୍ଷେପଣ ଲାଗି ଫ୍ରାନ୍ସ ପ୍ରସ୍ତୁତ କରିଛି ।

୨୦୦୬ରେ ଫ୍ରାନ୍ସ ପ୍ରଥମଥର ପାଇଁ ଏମ୍୫୧ର ଉତକ୍ଷେପଣ କରିଥିଲା । ୨୦୧୦ରେ ଯୁଦ୍ଧପୋତରୁ ଉତକ୍ଷେପଣ କରାଯାଇ ସେନାରେ ସାମିଲ୍ କରାଯାଇଥିଲା । ଏବେ ନୂଆ ଏମ୍୫୧.୩ ମିସାଇଲକୁ ୨୦୨୫ ସୁଦ୍ଧା ସେନାରେ ସାମିଲ୍ କରାଯିବାକୁ ଲକ୍ଷ୍ୟ ରଖା ଯାଇଛି । ଏହାକୁ ଏରୋସ୍ପେଶ୍ ଫାର୍ମ ଆରିଅନେ ଗ୍ରୁପ୍, ଏୟାରବସ୍ ସହ ମିଶି ବିକଶିତ କରିଛି ।
ଉତ୍ତରକାଶୀ ଟ୍ରନେଲ୍ ଟ୍ରାଜେଡି: ଅନିଶ୍ଚିତତାରେ ୪୧ ଶ୍ରମିକଙ୍କ ଭାଗ୍ୟ, ଉଦ୍ଧାର କାର୍ଯ୍ୟରେ ରୋବୋ ମୁତୟନ