ଡେରାଡୁନ୍, ୦୬/୦୯: ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ହେବାକୁ ଯାଉଥିବା ଜି୨୦ ବୈଠକକୁ ନେଇ କେନ୍ଦ୍ର ସରକାର ପ୍ରସ୍ତୁତି ଚଳାଇଛନ୍ତି । ଦିଲ୍ଲୀରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ଏଥିସହ ଜି୨୦ ଶିଖର ସମ୍ମିଳନୀରେ ସାମିଲ୍ ହେବାକୁ ଆସୁଥିବା ଅତିଥିଙ୍କ ପାଇଁ ହୋଇଛି ବିଶେଷ ବ୍ୟବସ୍ଥା । ଏହି ଶିଖର ସମ୍ମିଳନୀର ପ୍ରଭାବ କେଦାରନାଥ ଯାତ୍ରା ଉପରେ ପଡ଼ିଛି ।
କେଦାରନାଥ ଯାତ୍ରାରେ ସେବା ଯୋଗାଉଥିବା ସମସ୍ତ ହେଲିପ୍ୟାଡ୍ ସେବାକୁ ବନ୍ଦ କରି ଦିଆଯାଇଛି । ସେପ୍ଟେମ୍ବର ୭ରୁ ୧୧ ତାରିଖ ଯାଏ କେଦାରନାଥରେ ସମ୍ପୂର୍ଣ୍ଣ ଭାବେ ହେଲିକପ୍ଟର ସେବା ବନ୍ଦ ରହିବ । ଏହି ହେଲିକପ୍ଟର ସେବାର ବ୍ୟବହାର ଜି୨୦ ବୈଠକରେ ପହଞ୍ଚୁଥିବା ନେତାଙ୍କ ଲାଗି କରାଯିବ ।
ଉତ୍କଟ ଗନ୍ଧ କରୁଛି ଆବଟ୍ଟ କମ୍ପାନୀର ଡାଇଜିନ୍ ଜେଲ୍, ଡିସିଜିଆଇଙ୍କ ଚେତାବନୀ ପରେ ଔଷଧ ଫେରାଇ ନେବ କମ୍ପାନୀ
ଭାରତ ସରକାର କେଦାରନାଥରେ ଉଡ଼ାଣ କରୁଥିବା ସମସ୍ତ ହେଲିକପ୍ଟର ସେବାକୁ ଜି୨୦ ବୈଠକ ଲାଗି ବୁକ୍ କରିଛନ୍ତି । ଏବେ କେଦାରନାଥରେ ପ୍ରାୟ ୮ଟି କମ୍ପାନୀ ହେଲିକପ୍ଟର ସେବା ଯୋଗାଇ ଦେଉଛନ୍ତି । ଜି୨୦ ବୈଠକରେ ଯୋଗ ଦେଉଥିବା ଅତିଥିଙ୍କ ସଂଖ୍ୟା ଓ ଯାତାୟତକୁ ଦେଖି ସବୁ ହେଲିକପ୍ଟରକୁ ଦିଲ୍ଲୀ ଅଣାଯାଇଛି ।
ତେବେ କେଦାରନାଥରେ ହେଲିକପ୍ଟର ସେବା ଏବେ ବନ୍ଦ ରହିଥିବା ବେଳେ ଶ୍ରଦ୍ଧାଳୁ ଚାଲି କରି ଯାଇ ପାରିବେ । ଯେଉଁମାନେ ହେଲିକପ୍ଟର ବୁକ୍ କରିଥିଲେ ସେମାନଙ୍କୁ ୧୧ ତାରିଖ ପରେ ଯାତ୍ରା ପାଇଁ ଅନୁମତି ମିଳିବ । ଏବେ ଜି୨୦ ପରେ ସମସ୍ତ ହେଲିକପ୍ଟରକୁ ଦିଲ୍ଲୀରେ ରଖାଯାଇଛି ।
ପାକିସ୍ତାନର ବ୍ୟାଟିଂ ବେଳେ ବନ୍ଦ ହୋଇଗଲା ଫ୍ଲଡଲାଇଟ୍, ପ୍ରାୟ ଅଧଘଣ୍ଟା ବନ୍ଦ ରହିଲା ଖେଳ
