ଦଶପଲ୍ଲା, ୩୧/୦୧ : ଦୁଇ ବାଇକ୍କୁ ଧକ୍କା ଦେଲା ମଦ ବୋଝେଇ ଟ୍ରକ୍। ଗଣିଆ ରାସ୍ତାର ଡିହଗାଁ ଗ୍ରାମ ନିକଟରେ ଏହି ଦୁର୍ଘଟଣା ଘଟିଛି। ଘଟଣା ସ୍ଥଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ଯ ଜଣେ ଗୁରୁତର ଆହତ ହୋଇଥିବା ଜଣାପଡିଛି।
ସୂଚନାନୁଯାୟୀ, ଖଣ୍ଡପଡ଼ା ଥାନା ବଳଭଦ୍ର ପ୍ରସାଦ ଗ୍ରାମର ବସନ୍ତ କୁମାର ଦଳେଇ (୪୦ ବର୍ଷ) ଓ ପ୍ରଫୁଲ ଦଳେଇ ଦୁଇଟି ଏକ୍ସେଲ ବାଇକ୍ ଯୋଗେ ଦଶପଲ୍ଲା ଅଭିମୁଖେ ଆସୁଥିଲେ। ଗଣିଆ ରାସ୍ତାର ଡିହଗାଁ ଗ୍ରାମ ନିକଟରେ ତାଙ୍କ ପଛରୁ ଏକ ଆଇଚର୍ ଟ୍ରକ୍ ଧକ୍କା ଦେଇଥିଲା। ଫଳରେ ଘଟଣା ସ୍ଥଳରେ ବସନ୍ତ କୁମାର ଦଳେଇଙ୍କର ମୃତ୍ୟୁ ଘଟିଛି ଓ ପ୍ରଫୁଲ କୁମାର ଦଳେଇ ଗୁରୁତର ଭାବେ ଆହତ ହୋଇଛନ୍ତି। ଖବର ପାଇ ସ୍ଥାନୀୟ ଲୋକଙ୍କ ସହାୟତାରେ ପୋଲିସ ଉଭୟଙ୍କୁ ଉଦ୍ଧାର କରି ଦଶପଲ୍ଲା ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲା । ସେଠାରେ ବଳଭଦ୍ରଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ପୋଲିସ ଘଟଣାସ୍ଥଳରେ ପହଞ୍ଚି ତିନୋଟି ଗାଡ଼ିକୁ ଜବତ କରିବା ସହିତ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି।