ଜୟପୁର,୦୭/୧୨: ଜଣେ  ନାବାଳିକା(୧୭)କୁ ଅପହରଣ ଏବଂ ଦୁଷ୍କର୍ମ  ମାମଲାରେ ଅଭିଯୁକ୍ତ ପ୍ରେମିକକୁ ଗିରଫ କରିଛି ମହିଳା ପୁଲିସ । ସେ ହେଲା ସ୍ଥାନୀୟ  ଛୋଟାଗୁଡ଼ାର ରୋହିତ ହରିଜନ(୨୦) ।  ତାକୁ କୋର୍ଟ ଚାଲାଣ କରାଯାଇଥିଲା । ଜାମିନ  ନାମଞ୍ଜୁର ହେବାରୁ ଜେଲ ପଠାଇ ଦିଆଯାଇଥିବା ଆଇଆଇସି ଅନିତା କୁଜୁର କହିଛନ୍ତି ।  

ପୁଲିସ ସୂଚନା ଅନୁଯାୟୀ, ନାବାଳିକାର ଘର  ସହରରେ । ୪ ବର୍ଷ ତଳେ ରୋହିତ ସହ ତା’ର ଭେଟ ହୋଇଥିଲା । ପରେ ସେମାନଙ୍କ ମଧ୍ୟରେ ପ୍ରେମ ସମ୍ପର୍କ ଗଢିଉଠିଥିଲା । ଗତ ଜୁଲାଇ ପ୍ରଥମ ସପ୍ତାହରେ ନାବାଳିକାକୁ ରୋହିତ ଅପହରଣ  କରିନେଇଥିଲା । ଘରେ ରଖି ଶାରୀରିକ ସମ୍ପର୍କ ସ୍ଥାପନ କରିଥିଲା । ମାସେ ପରେ ଗାଳିଗୁଲଜ ସହ ମାଡ଼ ମାରିଥିଲା । ନଭେମ୍ବର ୨୭ରେ  ନାବାଳିକା ତା’ର ବାପ ଘରକୁ ଚାଲିଆସିଥିଲା । ଡିସେମ୍ବର ୪ରେ ପୀଡ଼ିତାର ମାଆ ଥାନାର ଦ୍ୱାରସ୍ଥ  ହୋଇଥିଲେ । ନାବାଳିକାର ଡାକ୍ତରୀ ମାଇନା ଏବଂ  ବୟାନ ରେକର୍ଡ କରାଯାଇଥିଲା । ଅପହରଣ ମାମଲା  ପରେ ପକ୍‌ସୋ ମୋଡ଼ ନେଇଥିଲା । ଏସ୍‌ଆଇ ଶୁକ୍ଳା  ମଣ୍ଡଳ ମାମଲାର ତଦନ୍ତକାରୀ ଅଧିକାରୀ ଅଛନ୍ତି ।