ଶ୍ରୀନଗର, ୨୮/୦୨: ଜମ୍ମୁ-କାଶ୍ମୀରର ଆଉ ୨ଟି ସଂଗଠନ ଉପରେ କେନ୍ଦ୍ର ସରକାର ପ୍ରତିବନ୍ଧକ ଲଗାଇଛନ୍ତି । ମୁସଲିମ୍ କନଫରେନ୍ସ ଜମ୍ମୁ-କାଶ୍ମୀର (ସୁମଜୀ ଗୋଷ୍ଠୀ) ଏବଂ ମୁସଲିମ୍ କନଫରେନ୍ସ ଜମ୍ମୁ-କାଶ୍ମୀର (ଭଟ ଗୋଷ୍ଠୀ)କୁ ଗୃହ ମନ୍ତ୍ରଣାଳୟ ଅବୈଧ ଘୋଷଣା କରିଛି । ୟୁଏପିଏ ଆଧାରରେ ଆଗାମୀ ୫ ବର୍ଷ ପର୍ଯ୍ୟନ୍ତ ୨ ସଂଗଠନକୁ ବ୍ୟାନ୍ କରି ଦିଆ ଯାଇଛି ।

ଏନେଇ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ ସୋସିଆଲ୍ ମିଡିଆରେ ସୂଚନା ଦେଇଛନ୍ତି । ଅମିତ ଶାହ ଲେଖିଛନ୍ତି, ଆତଙ୍କବାଦୀ ନେଟୱର୍କ ଉପରେ ପ୍ରହାର କରି ସରକାର ମୁସଲିମ୍ କନଫରେନ୍ସ ଜମ୍ମୁ-କାଶ୍ମୀର (ସୁମଜୀ ଗୋଷ୍ଠୀ) ଏବଂ ମୁସଲିମ୍ କନଫରେନ୍ସ ଜମ୍ମୁ-କାଶ୍ମୀର (ଭଟ ଗୋଷ୍ଠୀ)କୁ ବେଆଇନ୍ ସଂଗଠନ ଘୋଷଣା କରିଛନ୍ତି ।

Striking terror networks with undiminished vehemence the government has declared the Muslim Conference Jammu & Kashmir (Sumji faction) and Muslim Conference Jammu & Kashmir (Bhat faction) as Unlawful Associations.

These outfits have been engaging in activities against the…

— Amit Shah (@AmitShah) February 28, 2024

ଅମିତ ଶାହ ଆହୁରି କହିଛନ୍ତି, ରାଷ୍ଟ୍ରର ସାର୍ବଭୌମତ୍ୱ ଓ ଏକତା ବିରୋଧୀ ଗତିବିଧିରେ ଏହି ୨ ସଂଗଠନ ସାମିଲ୍ ଥିଲେ । ପ୍ରଧାନମନ୍ତ୍ରୀ ମୋଦିଙ୍କ ସରକାର ଆତଙ୍କବାଦର ମୂଳ ଉତ୍ପାଟନ ପାଇଁ ପ୍ରତିବଦ୍ଧ ଏବଂ ଯିଏ କେହି ବି ବେଆଇନ୍ ଗତିବିଧିରେ ସମ୍ପୃକ୍ତ ଥିବ, ପରିଣାମ ଭୋଗିବ ।

ମଙ୍ଗଳବାର ପ୍ରତିବନ୍ଧିତ ସଙ୍ଗଠନ ଜମାତ-ଏ-ଇସ୍ଲାମୀ ଜମ୍ମୁକାଶ୍ମୀର ଉପରେ ଆଉ ୫ ବର୍ଷ ବ୍ୟାନ ବଢାଇ ଥିଲେ କେନ୍ଦ୍ର ସରକାର । ଗୃହ ମନ୍ତ୍ରୀ ଅମିତ ଶାହ କହିଥିଲେ, ଦେଶର ସୁରକ୍ଷା ବିରୋଧରେ ସଂଗଠନର ଗତିବିଧି ଜାରି ରହିଥିଲା । ତେଣୁ କେନ୍ଦ୍ର ସରକାର ଜମାତ-ଏ-ଇସ୍ଲାମୀ ଜମ୍ମୁ-କାଶ୍ମୀର ଉପରେ କଟକଣା ଆହୁରି କଡ଼ାକଡି କରିବାକୁ ଯୋଜନା କରିଛନ୍ତି ।