ପ୍ରମୁଖ ଖବର
  • ଭୁବନେଶ୍ଵର : ଭୁବନେଶ୍ୱରରେ ବିଲ୍‌ ଗେଟ୍ସ, ମୁଖ୍ୟମନ୍ତ୍ରୀଙ୍କୁ ଭେଟିବେ, କୃଷିଭବନ ଓ ବସ୍ତି ବୁଲିବାର ରହିଛି କାର୍ଯ୍ୟକ୍ରମ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ବିରାଟ ପୁଣି ଥରେ ବାପା ହେବା ଖବର ମିଛ, ଭୁଲ ମାଗିଲେ ଡିଭିଲିୟର୍ସ

Image Courtesy: scroll.in

ନୂଆଦିଲ୍ଲୀ: ବଲିଉଡ ଅଭିନେତ୍ରୀ ଅନୁଷ୍କା ଶର୍ମାଙ୍କ ପୁଣି ଥରେ ମା’ ହେବାକୁ ଯାଉଛନ୍ତି ବୋଲି ଖବର ସାମ୍ନାକୁ ଆସିଥିଲା । ଅନୁଷ୍କା ଏବଂ ବିରାଟ କୋହଲି ଦ୍ବିତୀୟ ଥର ଲାଗି ମା-ବାପା ହେବାକୁ ଯାଉଥିବା ନେଇ ଦକ୍ଷିଣ ଆଫ୍ରିକା କ୍ରିକେଟ ଟିମ୍‌ର ପୂର୍ବତନ ଅଧିନାୟକ ଏବି ଡିଭିଲିୟର୍ସ ସୂଚନା ଦେଇଥିଲେ । ନିଜ ୟୁଟ୍ୟୁବ ଚ୍ୟାନେଲ ମାଧ୍ୟମରେ ଡିଭିଲିୟର୍ସ କହିଥିଲେ ଯେ, ଅନୁଷ୍କା ମା ହୋବକୁ ଯାଉଛନ୍ତି । ତେଣୁ ବିରାଟ କୋହଲି ଇଂଲଣ୍ଡ ବିପକ୍ଷରେ ପ୍ରଥମ ଦୁଇଟି ମ୍ୟାଚ୍‌ରେ ସାମିଲ ହୋଇପାରି ନାହାନ୍ତି । ହେଲେ ଏବେ ମିଥ୍ୟା ଖବର ଦେଇଥିବାରୁ ପ୍ରଶଂସକଙ୍କୁ କ୍ଷମା ମାଗିଛନ୍ତି ଡିଭିଲିୟର୍ସ ।

ସେ ଦୈନିକ ଭାଷ୍କରକୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ଯେ, ଅନୁଷ୍କା ଶର୍ମା ଗର୍ଭବତୀ ଥିବା ନେଇ ଖବର ମିଛ ଥିଲା ।  ୟୁଟ୍ୟୁବ ଚ୍ୟାନେଲରେ ଭୁଲ ତଥ୍ୟ ଦେଇଥିଲି ଯାହା ଠିକ୍‌ ନୁହେଁ ବୋଲି ସେ କହିଛନ୍ତି । ପରିବାର ପାଇଁ ଯାହା ଠିକ୍‌ ବିରାଟ ସେୟା କରୁଛନ୍ତି ବୋଲି ଡିଭିଲିୟର୍ସ କହିବା ସହ ପ୍ରକୃତରେ ବିରାଟଙ୍କ ଘରେ କଣ ହୋଇଛି ତାହା ଜଣାନାହିଁ ବୋଲି କହିଛନ୍ତି । 

ସେ ଆହୁରି କହିଛନ୍ତି, କେବଳ ସବୁକିଛି ଠିକ୍‌ ଥାଉ ବୋଲି କାମନା କରିପାରିବି । ଯାହା ବି କାରଣ ଥାଉ ନା କାହିଁକି ସେ ପୁଣି ଥରେ ମଜବୁତ ହୋଇ ଆସନ୍ତୁ ବୋଲି କାମନା କରିଛନ୍ତି ଡିଭିଲିୟର୍ସ । ତେବେ ବିରାଟ ଏବଂ ଅନୁଷ୍କାଙ୍କ ଦ୍ବିତୀୟ ପିଲା ହେବା ଖବର ଶୁଣିବା ପରେ ପ୍ରଶଂସକଙ୍କ ମହଲରେ ଖୁସି ଦେଖିବାକୁ ମିଳିଥିଲା । ଡିଭିଲିୟର୍ସଙ୍କ ସୂଚନା ପରେ ଷ୍ଟାର ଦମ୍ପତିଙ୍କୁ ଲୋକେ ଶୁଭେଚ୍ଛା ଜଣାଇଥିଲେ । ହେଲେ ଏସବୁ ମିଛ ବୋଲି ଡିଭିଲିୟର୍ସ ସ୍ପଷ୍ଟ କରିଛନ୍ତି ।

  • virat kohli
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.