ନୂଆଦିଲ୍ଲୀ,୬।୨: ବ୍ରିଟେନ୍ର କିଙ୍ଗ ଚାର୍ଲ୍ସ ତୃତୀୟଙ୍କୁ କ୍ୟାନସର। ସେ କ୍ୟାନସରରେ ପୀଡିତ ଥିବା ନେଇ ବ୍ରିଟେନ ବଙ୍କିଙ୍ଗହାମ ପ୍ୟାଲେସ ପକ୍ଷରୁ ସ୍ପଷ୍ଟ କରାଯାଇଛି। କିଙ୍ଗ ଚାର୍ଲ୍ସଙ୍କୁ କ୍ୟାନସର ହୋଇଥିବା ଖବର ଜାଣିବା ପରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ଶୀଘ୍ର ଆରୋଗ୍ୟ କାମନା କରିଛନ୍ତି। ମୋଦି ସୋସିଆଲ ମିଡିଆ ଏକ୍ସରେ ଏକ ପୋଷ୍ଟ ସେୟାର କରିବା ସହ ଲେଖିଛନ୍ତି, ଭାରତବାସୀଙ୍କ ସହ ମୁଁ ମଧ୍ୟ ଚାହୁଁଛି ଆପଣ ଶୀଘ ସୁସ୍ଥ ହୁଅନ୍ତୁ। ଆପଣଙ୍କ ଭଲ ସ୍ବାସ୍ଥ୍ୟ ପାଇଁ କାମନା କରୁଛି।
I join the people of India in wishing speedy recovery and good health to His Majesty King Charles III. https://t.co/86mKg9lE1q
— Narendra Modi (@narendramodi) February 6, 2024
ବାଣ ଫ୍ୟାକ୍ଟ୍ରିରେ ଭୟଙ୍କର ବିସ୍ଫୋରଣ: ୬ ମୃତ, ୬୦ରୁ ଅଧିକ ଆହତ, ଅନେକ ଫଶି ରହିଥିବା ଆଶଙ୍କା
୭୫ ବର୍ଷୀୟ କିଙ୍ଗସ୍ ଚାର୍ଲସ୍-୩ଙ୍କ ବଢ଼ିଥିବା ପ୍ରୋଷ୍ଟେଟକୁ ଚିକିତ୍ସା ସମୟରେ ସେ କର୍କଟ ରୋଗରେ ଆକ୍ରାନ୍ତ ଥିବା ଜଣାପଡିଛି। ତେବେ କିଙ୍ଗ ଚାର୍ଲ୍ସଙ୍କୁ କେଉଁ ପ୍ରକାରର କ୍ୟାନସର ଓ କେଉଁ ଷ୍ଟେଜ୍ ସହ ତାହା ଶରୀରର ଏହା କେଉଁ ଅଂଶରେ ଅଛି ସେ ନେଇ କିଛି ସୂଚନା ମିଳିନି। ବକିଙ୍ଗହାମ୍ ପ୍ୟାଲେସ ପକ୍ଷରୁ କୁହାଯାଇଛି କିଙ୍ଗ ଚାର୍ଲ୍ସ ନିଜର ଚିକିତ୍ସାକୁ ନେଇ ସମ୍ପୂର୍ଣ୍ଣ ପଜିଟିଭ ଅଛନ୍ତି। ଖୁବ୍ ଶୀଘ୍ର ସେ ନିଜ ସାର୍ବଜନୀନ ଦାୟିତ୍ୱକୁ ଫେରିବେ। କିଙ୍ଗ ଚାର୍ଲ୍ସଙ୍କୁ ହସ୍ପିଟାଲ ବଦଳରେ ଘରେ ଚିକିତ୍ସା କରାଯାଉଛି। ଏପଟେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କିଙ୍ଗ ଚାର୍ଲ୍ସ ତୃତୀୟଙ୍କ ଆରୋଗ୍ୟ କାମନା କରିଛନ୍ତି।
ଉଲ୍ଲେଖନୀୟ ଯେ, ସେପ୍ଟେମ୍ବର ୨୦୨୨ରେ ବ୍ରିଟେନର ରାଣୀ ଏଲିଜାବେଥ ଦ୍ୱିତୀୟଙ୍କ ମୃତ୍ୟୁ ପରେ କିଙ୍ଗସ୍ ଚାର୍ଲ୍ସ-୩ ରାଜା ହୋଇଥିଲେ। ଗତ ବର୍ଷ ମେ ମାସରେ ତାଙ୍କର ରାଜ୍ୟାଭିଷେକ ହେବା ସହ ସେ ବ୍ରିଟେନର ରାଜ ମୁକୁଟ ପିନ୍ଧିଥିଲେ। ଏହା ପରେ ତାଙ୍କୁ ରାଜା ଚାର୍ଲ୍ସ ତୃତୀୟ ଭାବରେ ସମ୍ବୋଧିତ କରାଯାଇଥିଲା। ହେଲେ ଏବେ ତାଙ୍କୁ କ୍ୟାନସର ହୋଇଥିବାର ଜଣାପଡିଛି।