ଭୁବନେଶ୍ବର,୧୨/୨ : ବରିଷ୍ଠ ଅଭିନେତା ଚକ୍ରଧର ଜେନାଙ୍କ ଦେହାନ୍ତ । ସୋମବାର ସନ୍ଧ୍ୟାରେ ତାଙ୍କର ପରଲୋକ ହୋଇଛି । ଏଏମଏସରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ସେ ପୂର୍ବତନ ଏନଏସଡିର ଛାତ୍ର ଥିଲେ । ଓଡ଼ିଆ ସିନେମା ଜଗତରେ ତାଙ୍କର ଏକ ନିଆରା ଛାପ ଥିଲା । ସେ ସବୁବେଳେ ତାଙ୍କର ପ୍ରିୟ ଦର୍ଶକଙ୍କୁ କିଛି ନୂଆ ଭେଟି ଦେବାକୁ ଚାହୁଁଥିଲେ । ସାଧାରଣ ଚାଷୀ ମୂଲିଆ ପରିବାରରୁ ଯାଇ ଅଭିନୟ କ୍ଷେତ୍ରରେ ପାଦ ଦେଇଥିଲେ । ହଲିଉଡ଼ ସିନେମା ‘ସିଟି ଅଫ୍ ଜୟ’ରେ ତାଙ୍କର ବଳିଷ୍ଠ ଅଭିନୟର ଛାପ ଛାଡ଼ିଛନ୍ତି । 

ଓଡ଼ିଆ ସିନେମା ପ୍ରତି ତାଙ୍କର ଯଥେଷ୍ଟ ଭଲପାଇବା ଥିଲା । ହିନ୍ଦୀରେ ପ୍ରଶାନ୍ତ ନନ୍ଦଙ୍କ ସିରିଏଲ ଅନ୍ତର୍ଦାହରେ ମଧ୍ୟ ସେ ଅଭିନୟ କରିଥିଲେ । ଥିଏଟର ଏବଂ କିମ୍ବା ବଲିଉଡ଼ ଓ ହଲିଉଡ଼ରେ ସେ ଅଭିନୟ କରିଥିଲେ । ତାଙ୍କର ବିୟୋଗ ଓଡ଼ିଆ ସିନେମା ପାଇଁ ଏକ ଅପୂରଣୀୟ କ୍ଷତି କହିଲେ ଅତ୍ୟୁକ୍ତି ହେବ ନାହିଁ । 

ସୂଚନା ଅନୁଯାୟୀ, ଗତ ଜାନୁଆରୀ ୧୫ରେ ଏଏମସରେ ମୋତିଆ ବିନ୍ଦୁ ଅପରେଶନ ପାଇଁ ଭର୍ତ୍ତି ହୋଇଥିଲେ । ପରେ ସମସ୍ୟା ଦେଖା ଦେଖାଦେବାରୁ ୧୮ଜାନୁଆରୀରେ ଆଇସିୟୁରେ ଭର୍ତ୍ତି କରାଯାଇଥିଲା । ସେଠାରେ ୨୫ଦିନ ଥିବାବେଳେ ତାଙ୍କର ହୃଦଘାତରେ ମୃତ୍ୟୁ ହୋଇଛି । ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିବାବେଳେ ବିଭିନ୍ନ ଶାରିରୀକ ଅସୁସ୍ଥତା ରହିଥିବା ତାଙ୍କ ପୁଅ ସୂଚନା ଦେଇଛନ୍ତି ।