ନୂଆଦିଲ୍ଲୀ : ଏକ୍ସ (ଟ୍ୱିଟର)ରେ ଦିଲ୍ଲୀ ସ୍ଥିତ ସେଲୁନର ଏକ ଫଟୋ ସାମନାକୁ ଆସିଛି, ଯାହାକୁ ୟୁଜର ରୋହତାସ ସିଂହ ସେୟାର କରିଛନ୍ତି , ଏଥିରେ ସଂପୃକ୍ତ ଅଞ୍ଚଳର ହାଇ-ଏଣ୍ଡ ସେଲୁନ ସହ ରାସ୍ତା କଡ଼ରେ ଚୁଟି କାଟୁଥିବା ଭଣ୍ଡାରି ସହ ତୁଳନା କରାଯାଇଛି। ରାସ୍ତା କଡ଼ରେ ଥିବା ଭଣ୍ଡାରି ଚୁଟି କାଟିଲେ ୫୦ ଟଙ୍କା ନେଉଥିବା ବେଳେ , ସେହି ଅଞ୍ଚଳରେ କିଛି ମହଙ୍ଗା ସେଲୁନ ୧୦୦ଟଙ୍କା ଚାର୍ଜ କରୁଛନ୍ତି। ଏବେ ଏହି ଟ୍ୱିଟରେ କୁହାଯାଇଛି ଷ୍ଟ୍ରୀଟ୍ ଭଣ୍ଡାରିକୁ ପସନ୍ଦ କଲେ ଆପଣ ଆର୍ଥିକ ଲାଭ ପାଇପାରିବେ ।
ଆମ ଦେଶର ରାସ୍ତା କଡ଼ ଗୁଡ଼ିକରେ ଅନେକ ଛୋଟ ଛୋଟ ସେଲୁନ ଦୋକାନ ସବୁ ଥିବା ଏକ ସାଧାରଣ କଥା , କିନ୍ତୁ ହାଇ –ଏଣ୍ଡ ସେଲୁନ ସହ ପ୍ରତିଯୋଗୀତା କରିବା ତାଙ୍କ ପାଇଁ କୌଣସି ସହଜ କଥା ନୁହେଁ। କିନ୍ତୁ ସେମାନଙ୍କର ଚୁଟି କାଟିବାର କ୍ୱାଲିଟି କୌଣସି ଗୁଣରେ କମ୍ ନୁହେଁ । ଦକ୍ଷିଣ ଦିଲ୍ଲୀର ଗ୍ରେଟର କୈଳାସରେ , ଜଣେ ଭଣ୍ଡାରି ନିଜ ଦୋକାନରେ ଏକ ଦର୍ପଣ ଓ ଏକ ଚୌକି ରଖି ଏକ ସାଧାରଣ ସେଲୁନ ଦୋକାନ କରିଛନ୍ତି। ଏହି ଷ୍ଟ୍ରୀଟ୍ ସେଲୁନର ଫଟୋ ୟୁଜର ଶୁଭୋ ସେନଗୁପ୍ତା (@shubhos)ସେୟାର କରିଛନ୍ତି।
Rohtas Singh charges Rs 50 for a haircut, at a pavement shop in GK2 M Block Market in South Delhi. His competition at the same market - Tony&Guy, Truefitt&Hill, Gitanjali, etc charge Rs 700 to Rs 2000.
— shubho sengupta (@shubhos) December 5, 2023
I have been to all places and can tell you with authority they all offer the… pic.twitter.com/smQiKbNCnT
ସେନଗୁପ୍ତା ନିଜ ପୋଷ୍ଟରେ ଉଲ୍ଲେଖ କରିଛନ୍ତି କି, ଭଣ୍ଡାରି କେଶ କାଟିବା ପାଇଁ କେବଳ ୫୦ଟଙ୍କା ନେଇଥାଏ ଏବଂ ଏହି ସେଲୁନ ଜିକେ-୨ ଏମ୍ ବ୍ଲକ୍ ମାର୍କେଟ୍ରେ ରହିଛି। ସେନଗୁପ୍ତାଙ୍କୁ ଅନୁସାରେ , ଟୋନି ଆଣ୍ଡ ଗାଇ ଓ ଟ୍ରୁଫିଟ୍ ଆଣ୍ଡ ହିଲ୍ ଭଳି ପ୍ରତିଷ୍ଠାନ , ଯେଉଁମାନେ ୭୦୦ରୁ ୨୦୦୦ଟଙ୍କା ଚାର୍ଜ କରିଥାନ୍ତି , ସେମାନଙ୍କ ତୁଳନାରେ ଏହି ରାସ୍ତା କଡ଼ର ସାଧାରଣ ଦୋକାନୀ ଖୁବ୍ ଗୁଣବତ୍ତା ପ୍ରଦାନ କରିଥାନ୍ତି।
ଏକ ମାର୍ମିକ ଟିପ୍ପଣୀରେ, ସେନଗୁପ୍ତା ଏଭଳି ଛୋଟ ଛୋଟ ଉଦ୍ୟୋଗ ପାଇଁ ସମର୍ଥନ ଦେବାକୁ ଅନୁରୋଧ କରିଛନ୍ତି , ଏବଂ ଏହି କଥା ଉପରେ ଜୋର ଦେଇଛନ୍ତି ଯେ , ସେ ଲିଙ୍କଡଇନ୍ରେ ସିଇଓ ହୋଇ ପାରିବେ ନାହିଁ , କିନ୍ତୁ ଅର୍ଥବ୍ୟବସ୍ଥାର ଉତ୍ଥାନରେ ମହତ୍ତ୍ୱପୂର୍ଣ୍ଣ ଭୂମିକା ନିଭାଇଥାନ୍ତି। ସେ ଆଖପାଖର ଅଞ୍ଚଳରେ ଘରୋଇ ସେବା ପ୍ରଦାନ କରିବାକୁ ନିଜର କଣ୍ଟାକ୍ଟ ନମ୍ୱର ମଧ୍ୟ ପ୍ରଦାନ କରିଛନ୍ତି ।
