ମାଲକାନଗିରି,୨୪/୨(ଆପ୍ର) : ମାଲକାନଗିରି ଜିଲ୍ଲା ଗସ୍ତରେ ଆସି ଏୟାରପୋର୍ଟ ପରିଦର୍ଶନ ସହିତ ଉନ୍ନୟନକାର୍ଯ୍ୟର ତଦାରଖ କରିଛନ୍ତି ଦକ୍ଷିଣାଞ୍ଚଳ ରାଜସ୍ୱ କମିଶନର ରଞ୍ଜନ କୁମାର ଦାସ ।
ମାଲକାନଗିରି ଜିଲ୍ଲାକୁ ଗସ୍ତରେ ଶ୍ରୀ ଦାସ ଆସି ଜିଲ୍ଲା ସଦର ମହକୁମା ନିକଟରେ ଥିବା ଏୟାରପୋର୍ଟ କାର୍ଯ୍ୟର ତଦାରଖ କରିଛନ୍ତି । ଏହି ଏୟାରପୋର୍ଟର ରନୱେ ଏବଂ ଅନ୍ୟାନ୍ୟ କାର୍ଯ୍ୟ ପୂର୍ବରୁ ଶେଷ ହୋଇଥିବା ବେଳେ ଏହାର ଉଦଘାଟନ ମଧ୍ୟ ହୋଇଯାଇଛି । ତେବେ ଅନ୍ୟ ଯେଉଁ କାର୍ଯ୍ୟ ରହିଥିଲା ତାହା ମଧ୍ୟ ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ଏହାକୁ ନେଇ ସେ ସମୀକ୍ଷା କରିବା ସହ ଜିଲ୍ଲାପାଳ ପାୱାର ସଚିନ ପ୍ରକାଶଙ୍କ ସହ ଆଲୋଚନା କରିଥିଲେ ।
ଏହି ଅବସରରେ ଜିଲ୍ଲାର ଅନ୍ୟାନ୍ୟ ପ୍ରଶାସନିକ ଅଧିକାରୀ ମାନେ ମଧ୍ୟ ଉପସ୍ଥିତ ଥିଲେ । ଏହି ଗସ୍ତ ସମୟରେ ଜିଲ୍ଲାର ବିକାଶ ମୂଳକ କାର୍ଯ୍ୟକୁ ନେଇ ମଧ୍ୟ ଜିଲ୍ଲା ସଦରରେ ଥିବା ଜିଲ୍ଲା ପରିଷଦ ସମ୍ମିଳନୀ ଗୃହରେ ସମୀକ୍ଷା ବୈଠକରେ ଯୋଗଦେଇ ଶ୍ରୀ ଦାସ ବିଭିନ୍ନ ଉନ୍ନୟନମୂଳକ କାର୍ଯ୍ୟର ସମୀକ୍ଷା କରିଥିଲେ ।
ଆହୁରି ପଢନ୍ତୁ : ଦେଓଘାଟିରେ ଦୁର୍ଘଟଣା : କାର-ପିକଅପ ଭ୍ୟାନ ମଧ୍ୟରେ ମୁହାଁମୁହିଁ ଧକ୍କା, ଜଣେ ମୃତ