ନୂଆଦିଲ୍ଲୀ,୩୧/୦୧: ଆମେରିକାର ରାଷ୍ଟ୍ରପତି ନିର୍ବାଚନ ଅନ୍ୟ ଦେଶର ନିର୍ବାଚନ ଠାରୁ ଭିନ୍ନ ଅଟେ। ଏଠାରେ ଜନସାଧାରଣ ପ୍ରତି ୪ ବର୍ଷରେ ଥରେ ନେତା ଚୟନ କରନ୍ତି। ଏବେ ଆମେରିକାରେ ନିର୍ବାଚନ ପାଇଁ ପୁଣିଥରେ ଡୋନାଲ୍ଡ ଟ୍ରମ୍ପ ପ୍ରସ୍ତୁତ ହେଉଛନ୍ତି।  ରାଉଣ୍ଡ ରାଲି ଏବଂ ଭାଷଣ ଜାରି ରହିଛି କିନ୍ତୁ ଦ୍ୱିତୀୟ ଥର ପାଇଁ ରାଷ୍ଟ୍ରପତି ହେବା ତାଙ୍କ ପାଇଁ ସହଜ ହେବ କି ନା ତାହା ପରବର୍ତ୍ତି ସମୟରେ ଜଣାପଡ଼ିବ। ତେବେ କୁହାଯାଉଛି ଯେ, ଟ୍ରମ୍ପ ରାଷ୍ଟ୍ରପତି ହୋଇପାରିବେ କିନ୍ତୁ ଏଥିପାଇଁ ଆମେରିକାର ଗାୟକ-ଗୀତିକାର ଟେଲର ସ୍ବିଫ୍ଟ ତାଙ୍କୁ ସମର୍ଥନ କରିବା ଆବଶ୍ୟକ। ଏକଥା ଆଶ୍ଚର୍ଯ୍ୟ ଲାଗୁଥାଇପାରେ, କିନ୍ତୁ ଏମିତି ଏ ଚର୍ଚ୍ଚା ଏବେ ଆମେରିକାରେ। 

ଆମେରିକାର ରାଷ୍ଟ୍ରପତି ନିର୍ବାଚନ ୨୦୧୪ ଉପରେ କଡ଼ା ନଜର ରଖିଥିବା ବିଶ୍ଳେଷକମାନେ ବିଶ୍ବାସ କରନ୍ତି ଯେ ସୁପରଷ୍ଟାରଙ୍କ ଦ୍ବାରା ଯେକୌଣସି ରାଷ୍ଟ୍ରପତି ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଏବଂ ଜୋ ବିଡେନଙ୍କ ପାଇଁ ରାଜନୈତିକ ସମର୍ଥନ ନଭେମ୍ବର ନିର୍ବାଚନରେ ପ୍ରଭାବ ପକାଇପାରେ। ଏକ ସର୍ବେକ୍ଷଣରୁ ଜଣାପଡିଛି ଯେ ଯଦି କୌଣସି ପ୍ରାର୍ଥୀଙ୍କୁ ୩୪ ବର୍ଷିୟ ଟେଲର ସ୍ବିଫ୍ଟଙ୍କ ସମର୍ଥନ ମିଳେ, ତେବେ ସେ ୧୮ ପ୍ରତିଶତ ଭୋଟ ପାଇପାରିବେ।

କହିରଖୁଛୁ ଯେ, ଆମେରିକାର ସମସ୍ତ ୩୫ ବର୍ଷରୁ କମ୍ ଲୋକଙ୍କ ମଧ୍ୟରେ ଟେଲର ସ୍ବିଫ୍ଟ ବହୁତ ଲୋକପ୍ରିୟ। ଏଭଳି ପରିସ୍ଥିତିରେ, ସେ ରିପବ୍ଲିକାନ୍ ପାର୍ଟିର ଟ୍ରମ୍ପ ହେଉ କିମ୍ବା ଡେମୋକ୍ରାଟିକ୍ ପକ୍ଷରୁ ଜୋ ବାଇଡେନଙ୍କୁ ହେଉ ଯଦି ସମର୍ଥନ କରନ୍ତି ତେବେ, ତାଙ୍କର ରାଜନୈତିକ ସଫଳତାକୁ କେହି ଅଟକାଇ ପାରିବେ ନାହିଁ।