ନୂଆଦିଲ୍ଲୀ ୨୫/୦୨: ବିମାନ ଯାତ୍ରା ସମୟରେ ଲୋକେ କିଭଳି ଭାବେ ସୁରକ୍ଷା ନିୟମଗୁଡ଼ିକର ଅନୁପାଳନ କରିବେ, ସେ ନେଇ ଏକ ନୂଆ ଭିଡିଓ ଜାରି କରିଛି ଏୟାର ଇଣ୍ଡିଆ । ଭିଡିଓ ଜରିଆରେ ଭାରତର ସାଂସ୍କୃତିକ ଐତିହ୍ୟକୁ ଏହା ଅତି ସୁନ୍ଦର ଭାବେ ପ୍ରଦର୍ଶନ କରିଛି । ସମଗ୍ର ଦେଶର ଭିନ୍ନ ଭିନ୍ନ ପାରମ୍ପରିକ ନୃତ୍ୟ ଓ ଲୋକ କଳା ଜରିଆରେ ଏହା ଯାତ୍ରୀଙ୍କ ପାଖରେ ବିମାନ ସୁରକ୍ଷା ନିୟମାବଳୀଗୁଡ଼ିକୁ ପହଞ୍ଚାଇବାକୁ ପ୍ରୟାସ କରିଛି । ଏହି ଅଭିନବ ପ୍ରୟାସକୁ ଇଣ୍ଟର୍ନେଟ୍ ୟୁଜର୍ ଖୁବ୍ ପସନ୍ଦ କରୁଛନ୍ତି ।
ଭିଡିଓ ପୋଷ୍ଟ୍ କରି ଏୟାର ଇଣ୍ଡଆ ଉଲ୍ଲେଖ କରିଛି ‘ଭାରତୀୟ ଶାସ୍ତ୍ରୀୟ ନୃତ୍ୟ ଓ ଲୋକ କଳା ଶୈଳୀ ଅନେକ ଶତାବ୍ଦୀ ଧରି କାହାଣୀ ବର୍ଣ୍ଣନାର ମାଧ୍ୟମ ହୋଇ ରହିଛି । ସେଗୁଡ଼ିକ ଜରିଆରେ ଆଜି ଆମେ ଆଉ ଏକ କାହାଣୀ ବର୍ଣ୍ଣନା କରୁଛୁ, ତାହା ହେଉଛି ଉଡ଼ାଣ ସୁରକ୍ଷା । ଭାରତର ସମୃଦ୍ଧ ଓ ବିବିଧ ନୃତ୍ୟ ପରମ୍ପରା ଦ୍ୱାରା ପ୍ରେରିତ ଏୟାର ଇଣ୍ଡିଆର ନୂଆ ସୁରକ୍ଷା ଚଳଚ୍ଚିତ୍ରକୁ ଉପସ୍ଥାପନ କରୁଛୁ ।’
For centuries, Indian classical dance and folk-art forms have served as medium of storytelling and instruction. Today, they tell another story, that of inflight safety.
— Air India (@airindia) February 23, 2024
Presenting Air India’s new Safety Film, inspired by the rich and diverse dance traditions of India.#FlyAI… pic.twitter.com/b7ULTRuX1Z
ଏହି ଅଭିନବ ସୁରକ୍ଷା ଭିଡିଓରେ ଭାରତର ୮ ପାରମ୍ପରିକ ଓ ଲୋକ ନୃତ୍ୟ ଶୈଳୀ ପ୍ରଦର୍ଶିତ ହୋଇଛି । ନୃତ୍ୟର ପ୍ରତ୍ୟେକ ମୁଦ୍ରା ଓ ଭାବଭଙ୍ଗୀ ଜରିଆରେ ବିମାନର ବିଭିନ୍ନ ସୁରକ୍ଷା ନିୟମକୁ ବିସ୍ତୃତ ଭାବେ ବର୍ଣ୍ଣନା କରାଯାଇଛି । ଏହି ନୃତ୍ୟ ଶୈଳୀ ମଧ୍ୟରେ ଭରତନାଟ୍ୟମ୍, ଓଡ଼ିଶୀ, କଥକ, ମୋହିନିୟାଟ୍ଟମ୍, ଘୂମର, ବିହୂ ଓ ଗିଦ୍ଦା ରହିଛି । ଭିଡିଓ ଶେୟାର ହେବା ପରଠୁ ଲକ୍ଷାଧିକ ୟୁଜର୍ ଦେଖିସାରିଲେଣି । ପାରମ୍ପରିକ ନୃତ୍ୟ ଜରିଆରେ ବିମାନ ସୁରକ୍ଷା ନିୟମାବଳୀ ବିଷୟରେ ବର୍ଣ୍ଣନା କରିବାର ଏହି ତରିକା ଅତ୍ୟନ୍ତ ମନୋରମ ବୋଲି ୟୁଜର୍ ପ୍ରତିକ୍ରିୟା ଦେଇଛନ୍ତି ।
