ମୁଖ୍ୟମନ୍ତ୍ରୀ ପଦ ନମିଳିଲେ ବିଦ୍ରୋହ କରିବେ କି ବସୁନ୍ଧରା ରାଜେ ? ପୁଅ ଦୁଷ୍ମନ୍ତଙ୍କ ଉପରେ ଲାଗିଲା ବଡ଼ ଅଭିଯୋଗ
![](https://odia.prameya.com/prameya/document/post/2/2_136_1701966606824.webp)
ଜୟପୁର : ରାଜସ୍ଥାନରେ ବିଜେପି କାହାକୁ ମୁଖ୍ୟମନ୍ତ୍ରୀ ପଦ ପାଇଁ ବାଛିବ , ଏହା ଉପରେ ସସ୍ପେନ୍ସ ଲାଗି ରହିଛି। ଖବର ଅନୁସାରେ , ପାର୍ଟି ଏହି ଥର ୩ଟି ରାଜ୍ୟର ସିଏମ୍ ପଦ ପାଇଁ ନୂଆ ଚେହେରା ଆଣିବା ଉପରେ ବିଚାର କରୁଛି। ଏଥିରେ ରାଜସ୍ଥାନରେ ରାଜନୀତି ସରଗରମ ହୋଇଛି। ବସୁନ୍ଧରା ରାଜେ ବର୍ତ୍ତମାନ ଦିଲ୍ଲୀରେ ଅଛନ୍ତି। କୁହାଯାଉଛି କି , ସେ ଆଜି ସନ୍ଧ୍ୟାରେ ପାର୍ଟି ଅଧ୍ୟକ୍ଷ ଜେପି ନଡ୍ଡାଙ୍କ ସହ ସାକ୍ଷାତ କରିବେ। ଏହି ମଧ୍ୟରେ ତାଙ୍କ ପୁଅ ଦୁଷ୍ୟନ୍ତ ସିଂହଙ୍କ ଉପରେ ବିଜେପି ବିଧାୟକଙ୍କୁ ରିସର୍ଟରେ ରଖିବାର ଅଭିଯୋଗ ଲାଗିଛି।
ରିସର୍ଟରେ ରହିଥିବା ବିଧାୟକଙ୍କ ମଧ୍ୟରେ ଜଣେ ପିତା ହେମରାଜ ମୀଣା ଏହି ବିଷୟରେ ସୂଚନା ଦେଇ କହିଛନ୍ତି କି, ସେ ନିଜ ରାଜସ୍ଥାନ ରିସର୍ଟରୁ ନିଜର ପୁଅ ଓ ବାରାନ ଜିଲ୍ଲାର କିଶନଗଞ୍ଜରୁ ବିଧାୟକ ଲଳିତ ମୀଣାଙ୍କୁ ଆଣିବାକୁ ଯାଇଥିଲେ। କିନ୍ତୁ ବିଧାୟକ କୱଁରଲାଲ ତାଙ୍କୁ ରୋକିବାକୁ ଚେଷ୍ଟା କରିଥିଲେ ଏବଂ କହିଥିଲେ କି, ଲଳିତ ମୀଣାଙ୍କୁ ନେଇ ଯିବା ପୂର୍ବରୁ ତାଙ୍କୁ ଦୁଷ୍ୟନ୍ତ ସିଂହଙ୍କ ସହ କଥା ହେବାକୁ ପଡ଼ିବ। ଏହାପରେ ସେ ଦୁଷ୍ୟନ୍ତ ସିଂହଙ୍କୁ ଫୋନ୍ କଲେ , କିନ୍ତୁ ସେ ଫୋନ ଉଠାଇଲେ ନାହିଁ। ସେ କହିଛନ୍ତି କି, ରିସର୍ଟରେ ଝାଲାୱାଡ ପକ୍ଷରୁ ବାରାନ୍ର ୩ଜଣ ବିଧାୟକଙ୍କୁ ରଖାଯାଇ ଥିଲା।
ହେମରାଜ ମୀଣା କହିଛନ୍ତି କି, ଲଳିତଙ୍କୁ ମଙ୍ଗଳବାର ନିଆ ଯାଇ ଥିଲା , ଏହାପରେ ତାଙ୍କୁ ରିସର୍ଟରେ ଛାଡ଼ି ଦିଆ ଯାଇ ଥିଲା । ସେଠାରେ ଅନ୍ୟପଟେ ରାଜସ୍ଥାନ ବିଜେପିର ଅଧ୍ୟକ୍ଷ ସିପି ଯୋଶୀ ବସୁନ୍ଧରା ରାଜେଙ୍କ ଦିଲ୍ଲୀ ଯିବା କାରଣରୁ କାରଣ କହିଛନ୍ତି। ସେ କହିଛନ୍ତି ତି ରାଜେ ପାର୍ଟିର ରାଷ୍ଟ୍ରୀୟ ଉପାଧ୍ୟକ୍ଷ ହେବା ଯୋଗୁଁ ଶୁଭକାମନା ଦେବାକୁ ଦିଲ୍ଲୀ ଯାଇଛନ୍ତି। ସେ କହିଛନ୍ତି , ଏହା ଖୁବ୍ ସ୍ୱାଭାବିତ ପ୍ରକ୍ରିୟା ଏବଂ ଏଠାରେ ସବୁକିଛି ଠିକ୍ ଅଛି।