ପ୍ରମୁଖ ଖବର
  • ବୌଦ୍ଧ : ବାଇକ୍କୁ ଧକ୍କା ଦେଲା ରେଲୱେ ବିଭାଗର ବୋଲେରୋ, ବାଇକ୍ ଆରୋହୀ ମୃତ
  • ||
  • ଖରସ୍ରୋତାରେ ୨ ଭାଇ ନିଖୋଜ ଘଟଣା, ବଡ଼ଭାଇର ମୃତଦେହ ଉଦ୍ଧାର
  • ||
  • ବରଗଡ଼: ଡ଼ଭା ଛକରେ ପୋଲିସର ଚେକିଂ ବେଳେ ୬ ଲକ୍ଷ ୫୨ ହଜାର ୮୦୦ଟଙ୍କା ଜବତ, ୨ ଜଣ ଅଟକ
  • ||
  • ନନ୍ଦନକାନନରେ ଆଖିବୁଜିଲା ଧଳା ବାଘୁଣୀ ସ୍ନେହା, ଗୁରୁତର ଅବସ୍ଥାରେ ଚାଲିଥିଲା ଚିକିତ୍ସା
  • ||
  • ନିର୍ଘାତ ତାତି: ସାଢ଼େ ୮ଟା ସୁଦ୍ଧା ୩୫ ଡିଗ୍ରୀ ଉପରେ ତାଳଚେର ତାପମାତ୍ରା, ୩୦ ଡିଗ୍ରୀ ଉପରେ ୧୪ ସହର ପାରଦ
  • ||
  • ସୁନା ଦରରେ ଲାଗିଲା ବ୍ରେକ୍‌, ୨୪ କ୍ୟାରେଟ୍‌ ସୁନା ଦର ୩୩୦ ଟଙ୍କା ହ୍ରାସ
  • ||
  • ବିଦ୍ରୋହୀ ବିଗାଡ଼ିବେ ଅଙ୍କ, ଚିନ୍ତାରେ ବିଜେପି: ପ୍ରଥମ ଦଫା ଭୋଟ ପାଇଁ ନାମାଙ୍କନ ଆରମ୍ଭ,ଜୟପୁର ପାଇଁ ପ୍ରାର୍ଥୀ ପାଉନି ଦଳ
  • ||
  • ନିୟମଗିରିରେ ମ୍ୟାଲେରିଆ ଆତଙ୍କ: ବହୁସଂଖ୍ୟାରେ ଡଙ୍ଗରିଆ ପୀଡ଼ିତ, ପହଞ୍ଚିଲା ଡାକ୍ତରୀ ଟିମ୍
  • ||
  • ବିଜେଡି ଛାଡ଼ି ବିଜେପି ଯିବେ ପ୍ରସନ୍ନ ପାଟ୍ଟଶାଣୀ ! ଆଜି ହୋଇପାରେ କିଛି ବଡ଼ ଘୋଷଣା
  • ||
  • IPL 2024 : ସୁପର ଜାଏଣ୍ଟସ୍‌କୁ ଭେଟିବ ସୁପରକିଙ୍ଗସ୍, ଏକାନ୍ନା ଷ୍ଟାଡ଼ିୟମ୍‌ର ଦେଖିବାକୁ ମିଳିବ ସଂଘର୍ଷପୂର୍ଣ୍ଣ ମ୍ୟାଚ୍‌
  • ||
  • ଗଣତନ୍ତ୍ରର ମହାପର୍ବ: ପ୍ରଥମ ପର୍ଯ୍ୟାୟରେ ୧୭ ରାଜ୍ୟ ଓ ୪ କେନ୍ଦ୍ରଶାସିତ ଅଞ୍ଚଳର ୧୦୨ ଆସନରେ ମତଦାନ
  • ||
  • ବିପଜ୍ଜନକ ଖରା: ଆଜି ଅତି ଭୀଷଣ ଗ୍ରୀଷ୍ମ ପ୍ରବାହ ସମ୍ଭାବନା, ଆହୁରି ୩ ଦିନ ଜଳାଇବ, ୨୨ରୁ ହାଲୁକା ଆଶ୍ୱସ୍ତ
  • ||

ଏ ବର୍ଷ ଗ୍ରୀଷ୍ମ ଲହରୀ ଲମ୍ବିବ: ମାର୍ଚ୍ଚରୁ କଲବଲ କରିବ ଖରା, ଆକାଶରୁ ନିଆଁ ବର୍ଷିବ

ଭୁବନେଶ୍ୱର, ୦୨/୦୩: ଜାଳିବ ଏପ୍ରିଲ, ମେ’ । ଆକାଶରୁ ନିଆଁ ବର୍ଷିବ । ଏ ବର୍ଷ ଗ୍ରୀଷ୍ମର ଲହରୀର ଅବଧି ଏତେ ଲମ୍ବିବ ଯେ ଛଟପଟ ହେବେ ଜନଜୀବନ । ଭାରତୀୟ ପାଣିପାଗ ବିଭାଗ (ଆଇଏମ୍‌ଡି)ର ଚଳିତବର୍ଷ ମାର୍ଚ୍ଚରୁ ମେ’ ପର୍ଯ୍ୟନ୍ତ (ତିନି ମାସିଆ) ପାଣିପାଗ ପୂର୍ବାନୁମାନ ଦେଖିଲେ ଡର ଲାଗୁଛି । ପୂର୍ବାନୁମାନ ଚିତ୍ରରେ ଜଳଜଳ ଦିଶୁଛି, ଏଥର ଡହଡହ ଖରାରେ ଟକଟକ ହୋଇ ଫୁଟିବ ଓଡ଼ିଶା । ଆଭ୍ୟନ୍ତରୀଣ କି ଉପକୂଳ, ସବୁଠି ନିଆଁ ବର୍ଷିଲା ଭଳି ସ୍ଥିତି ଉପୁଜିବ । 

ବିଶେଷଜ୍ଞଙ୍କ କହିବା କଥା ହେଲା, ଏଲ୍‌-ନିନୋ ପ୍ରଭାବ ଗ୍ରୀଷ୍ମ ଜ୍ୱାଳାକୁ ଆହୁରି ବଢ଼ାଇ ଦେବ । ଏଲ୍‌-ନିନୋ ଯୋଗୁ ସମୁଦ୍ର ବି ଉତ୍ତପ୍ତ ରହିବ। ପରିଣାମ-କାଳବୈଶାଖୀ କମିଯିବ । କାଳବୈଶାଖୀ ବିନା ତାତି ପ୍ରକୋପରୁ ନିସ୍ତାର ମିଳିବା ସମ୍ଭାବନା କମ୍‌ । ଗ୍ରୀଷ୍ମ ଅବଧି ମାର୍ଚ୍ଚରୁ କଲବଲ କରିପାରେ । ପୂର୍ବାନୁମାନ ଯାହା, ଆସନ୍ତା ୧୫ ତାରିଖରୁ ଗରମ ବଢ଼ିବ । ୨୨ ତାରିଖରୁ ଭୀଷଣ ଗରମ ଅନୁଭୂତ ହେବ । 

ଆଇଏମଡି ପୂର୍ବାନୁମାନ ଚିତ୍ରରୁ ଅନୁମାନ କରାଯାଉଛି, ଏ ବର୍ଷ ଓଡ଼ିଶାରେ ଗ୍ରୀଷ୍ମ ପ୍ରବାହ (ହିଟ୍‌ ୱେଭ୍‌) ଦିନ ସଂଖ୍ୟା ସ୍ୱାଭାବିକଠାରୁ ଅଧିକ ରହିବ । ସାଧାରଣତଃ ଓଡ଼ିଶାରେ ଗ୍ରୀଷ୍ମ ପ୍ରବାହ ଦିନ ସଂଖ୍ୟା ୧୧ ଭିତରେ ରହିବା କଥା । ଗତବର୍ଷ ଗ୍ରୀଷ୍ମ ଲହରୀ ସଂଖ୍ୟା ଦୁଇ ଗୁଣ ବଢ଼ି ଯାଇଥିଲା । ଯେଉଁଥିପାଇଁ ଅସମ୍ଭାଳ ଗ୍ରୀଷ୍ମ ପ୍ରବାହରେ ଭାଜି ହୋଇଯାଇଥିଲେ ଓଡ଼ିଶାବାସୀ । ଏଥର ବି ଗ୍ରୀଷ୍ମ ଲହରୀ  (ହିଟ୍‌ ୱେଭ୍‌) ଦିନ ସଂଖ୍ୟା ୧୩ରୁ ୧୫ ପର୍ଯ୍ୟନ୍ତ ଛୁଇଁପାରେ । ବଢ଼ି ବି ପାରେ ।  

ପୂର୍ବାନୁମାନ କହୁଛି, ମାର୍ଚ୍ଚରୁ ମେ’ ପର୍ଯ୍ୟନ୍ତ ଓଡ଼ିଶାରେ ଉଭୟ ଦିନ ଓ ରାତି ତାପମାତ୍ରା ମୁଖ୍ୟତଃ ସ୍ୱାଭାବିକଠାରୁ ଅଧିକ ରହିବା ସମ୍ଭାବନା ଅଛି । ବିଶେଷ କରି ଏପ୍ରିଲ-ମେ’ ମାସରେ ଅସ୍ୱାଭାବିକ ଭାବେ ତାତି ବଢ଼ି ଚାଲିବ ।  ପଶ୍ଚିମ ଓ ପାଶ୍ୱର୍ବର୍ତ୍ତୀ କେନ୍ଦ୍ରୀୟ ଓଡ଼ିଶାରେ ତାପମାତ୍ରା ଭୟଙ୍କର ଭାବେ ବଢ଼ିପାରେ । ଉପକୂଳର କେତେକ ଜାଗାରେ ଅତ୍ୟଧିକ ଗରମ ହୋଇପାରେ । ସାରା ରାଜ୍ୟରେ ରାତିରେ ବି ଭୀଷଣ ଗରମ ଅନୁଭୂତ ହେବା ସମ୍ଭାବନା ଅଛି । ଅର୍ଥାତ୍‌ ରାତିବେଳା ବି ନିସ୍ତାର ମିଳିବା ଆଶା କମ୍‌ ।

ମାର୍ଚ୍ଚ ମାସରେ ଓଡ଼ିଶାରେ ମୋଟାମୋଟି ଭାବେ ଗରମ ସ୍ୱାଭାବିକଠାରୁ କମ୍‌ ରହିପାରେ ।  ତଥାପି କେତେକ ଦିନରେ ଅତ୍ୟଧିକ ଗରମ ଅନୁଭୂତ ହେବ । ମାର୍ଚ୍ଚରେ ଭଲ ବର୍ଷା ସମ୍ଭାବନା ବି ରହିଛି । ଦ୍ୱିତୀୟ ଓ ତୃତୀୟ ସପ୍ତାହ ପର୍ଯ୍ୟନ୍ତ ପଶ୍ଚିମା ଝଡ଼ ପ୍ରଭାବରୁ ମଝିରେ ମଝିରେ କାଳବୈଶାଖୀ ବର୍ଷା ହୋଇପାରେ । ତେବେ ମାର୍ଚ୍ଚ ତୃତୀୟ ସପ୍ତାହରୁ ଗରମ ଅବଧି ଲମ୍ବିପାରେ ।

ସୋଆ ଜଳବାୟୁ ଓ ପରିବେଶ କେନ୍ଦ୍ର ନିର୍ଦ୍ଦେଶକ ଡକ୍ଟର ଶରତ ଚନ୍ଦ୍ର ସାହୁ କହିଛନ୍ତି, ଏ ବର୍ଷ ଏପ୍ରିଲ ମାସ ସବୁଠୁ ଉତ୍ତପ୍ତ ରହିପାରେ । ଉପକୂଳଠାରୁ ଆଭ୍ୟନ୍ତରୀଣରେ ତାପମାତ୍ରା ଅଧିକ ରହିବ । ବର୍ତ୍ତମାନ ବିଶେଷ ତାପମାତ୍ରା ବଢ଼ିବନି । ୭ରୁ ୯ ତାରିଖ ଭିତରେ ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା ବଢ଼ିପାରେ । କେତେକ ସ୍ଥାନରେ ୩୮-୩୯ ଡିଗ୍ରୀ ସେଲସିୟସ୍‌ ଛୁଇଁପାରେ । 

ବର୍ତ୍ତମାନ ରାଜ୍ୟରେ ଧୀରେଧୀରେ ଗରମ ବଢ଼ିବାକୁ ଆରମ୍ଭ କରିଛି । ଶୁକ୍ରବାର ପାରଳାଖେମୁଣ୍ଡି ତାପମାତ୍ରା ୩୭.୪ ଡିଗ୍ରୀ ସେଲସିୟସ୍‌ ଥିବାବେଳେ ମାଲକାନଗିରି ୩୭ ଡିଗ୍ରୀ ଥିଲା । ନବରଙ୍ଗପୁର, ରାୟଗଡ଼ା, ବୌଦ୍ଧ, ନୟାଗଡ଼, ଟିଟିଲାଗଡ଼, ବଲାଙ୍ଗୀର, ଭବାନୀପାଟଣା, ଝାରସୁଗୁଡ଼ା ତାପମାତ୍ରା ୩୫ ଡିଗ୍ରୀ କିମ୍ବା ତା’ଠାରୁ ଅଧିକ ଥିଲା । ଭୁବନେଶ୍ୱର ତାପମାତ୍ରା ୩୪.୪ ଡିଗ୍ରୀ ଛୁଇଁଥିଲା । ସକାଳୁ ଗରମ ବଢ଼ିଥିବାବେଳେ ଦିନ ୧୧ଟାବେଳକୁ ଖରା ପ୍ରକୋପ ନାକେଦମ କରିଥିଲା । ଉପକୂଳ ଓଡ଼ିଶାରେ ମଧ୍ୟାହ୍ନ ପରେ ଗରମ ପ୍ରକୋପ ସାମାନ୍ୟ କମିଥିଲା । 

ଶନିବାର ଅନେକ ଜାଗାରେ ତାପମାତ୍ରା ସାମାନ୍ୟ ବଢ଼ିବ । ଆସନ୍ତା ୩ ଓ ୪ ତାରିଖରେ ଉତ୍ତର ଓଡ଼ିଶାର କିଛି ଜାଗାରେ ବର୍ଷା ହୋଇପାରେ।

  • prameyanews
  • PrameyaOdia
  • prameya
  • Weather update
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.