ନୂଆଦିଲ୍ଲୀ: ଜମ୍ମୁ କାଶ୍ମୀରରେ ବିଧାନସଭା ନିର୍ବାଚନ ତାରିଖ ଘୋଷଣା ହେବା ପରେ ବର୍ତ୍ତମାନ ନିର୍ବାଚନ ପାଇଁ ପ୍ରସ୍ତୁତି ଜୋରଦାର ହୋଇଛି । ପ୍ରଥମ ପର୍ଯ୍ୟାୟରେ ୨୪ ଟି ବିଧାନସଭା ଆସନରେ ମତଦାନ ପୂର୍ବରୁ ପ୍ରାର୍ଥୀଙ୍କ ତାଲିକା ମଧ୍ୟ ଆସିବା ଆରମ୍ଭ ହୋଇଛି । ଏହି ସମୟରେ ଆମ୍ ଆଦମୀ ପାର୍ଟି ଜାମ୍ମୁ କାଶ୍ମୀର ନିର୍ବାଚନରେ ମଧ୍ୟ ପ୍ରବେଶ କରିଛି । ଜାମ୍ମୁ କାଶ୍ମୀରରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ଅରବିନ୍ଦ କେଜ୍ରିୱାଲଙ୍କ ଆମ୍ ଆଦମୀ ପାର୍ଟି ୭ଜଣ ପ୍ରାର୍ଥୀଙ୍କ ପ୍ରଥମ ତାଲିକା ପ୍ରକାଶ କରିଛି । ସୂଚନାଥାଉକି ଆଜି (ରବିବାର) ଗୁଲାବ ନବି ଆଜାଦଙ୍କ DPAP ମଧ୍ୟ ୧୩ ଜଣ ପ୍ରାର୍ଥୀଙ୍କ ପ୍ରଥମ ତାଲିକା ଜାରି କରିଛି । 

ତେବେ ଆମ୍ ଆଦମୀ ପାର୍ଟି ଦ୍ୱାରା ଘୋଷିତ ପ୍ରାର୍ଥୀଙ୍କ ତାଲିକା ବିଷୟରେ କହିବାକୁ ଗଲେ ଏଥିରେ ୭ ଜଣ ପ୍ରାର୍ଥୀଙ୍କ ନାମ ରହିଛି । ଏଥିରେ ପୁଲଓ୍ବାମା ବିଧାନସଭା ଆସନରୁ ଫାୟାଜ ଅହମ୍ମଦ ସୋଫିଙ୍କୁ ଟିକେଟ ଦିଆଯାଇଛି । ଏହା ବ୍ୟତୀତ ଆମ୍ ଆଦମୀ ପାର୍ଟି ରାଜପୋରାରୁ ମୁଦାସୀର ହସନ, ଦେଓସରରୁ ଶେଖ ଫିଦା ହୁସେନ୍, ଦୁରୁରୁ ମୋହସିନ୍ ସଫାକତ ମିରଙ୍କୁ ଟିକେଟ ଦିଆଯାଇଛି । ସେହିଭଳି ଡୋଡା ବିଧାନସଭା ଆସନରୁ ମେହେରାଜ ଦୀନ ମଲିକଙ୍କୁ ଟିକେଟ ଦିଆଯାଇଛି । ଯଦି ଆମେ ଶେଷ ଦୁଇ ପ୍ରାର୍ଥୀଙ୍କ ବିଷୟରେ କହିବା ତେବେ ଡୋଡା ପଶ୍ଚିମ ବିଧାନସଭା ଆସନରୁ ୟାସିର ସଫି ମତୋ ପ୍ରାର୍ଥୀ ହୋଇଥିବା ବେଳେ, ବନିହାଲ ବିଧାନସଭା ଆସନରୁ ମୁଦାସୀର ଅଜମତ ମୀର ପ୍ରାର୍ଥୀ ହୋଇଛନ୍ତି । 

ସୂଚନାଥାଉକି,ଯେ ଆମ୍ ଆଦମୀ ପାର୍ଟି ପ୍ରାର୍ଥୀ ଘୋଷଣା କରିବା ପୂର୍ବରୁ, DPAP ମଧ୍ୟ ଏହାର ପ୍ରାର୍ଥୀଙ୍କ ତାଲିକା ପ୍ରକାଶ କରିଥିଲା । ନିକଟରେ ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଗୁଲାମ ନବୀ ଆଜାଦ ଏକ ରାଜନୈତିକ ଦଳ ଗଠନ କରିଥିଲେ । ଦଳର ନାମ ଡେମୋକ୍ରାଟିକ୍ ପ୍ରୋଗ୍ରେସିଭ୍ ଆଜାଦ ପାର୍ଟି (ଡିପିଏପି) ରହିଛି । ଗୁଲାମ ନବୀ ଆଜାଦଙ୍କ DPAP ଆଜି ୧୩ ଜଣ ପ୍ରାର୍ଥୀଙ୍କ ପ୍ରଥମ ତାଲିକା ପ୍ରକାଶ କରିଛି । ଜାମ୍ମୁ କାଶ୍ମୀରରେ ତିନିଟି ପର୍ଯ୍ୟାୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ । ଅକ୍ଟୋବର ୪ ରେ ନିର୍ବାଚନର ଫଳାଫଳ ମଧ୍ୟ ପ୍ରକାଶ ପାଇବ ।