ପ୍ରମୂଖ ଖବର
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ଶିକ୍ଷକଙ୍କୁ ମୋହନା ବିଇଓଙ୍କ ତାଗିଦ୍‌, ବାଇକ୍‌ ଚଳାଇବା ସମୟରେ ହେଲ୍‌ମେଟ୍ ନପିନ୍ଧିଲେ ବନ୍ଦ ହେବ ଦରମା

ମୋହନା,୨୯/୦୬: ସଡ଼କ ସୁରକ୍ଷା ଜୀବନ ରକ୍ଷା । ବାଇକ୍‌ ଚଳାଇବା ବେଳେ ହେଲ୍‌ମେଟ୍‌ ପିନ୍ଧିବା ବାଧ୍ୟତାମୂଳକ । ସରକାରଙ୍କ ଏହି ମହତ କାର୍ଯ୍ୟକୁ ସାକାର କରିବା ପାଇଁ ନିଆରା ପଦକ୍ଷେପ ନେଇଛନ୍ତି ଗଜପତି ଜିଲ୍ଲା ମୋହନା  ବ୍ଲକ୍‌ ଶିକ୍ଷାଧିକାରୀ (ବିଇଓ) ନରେନ୍ଦ୍ର ବେହେରା । ବାଇକ୍‌ ଚଳାଇବା ସମୟରେ  ହେଲ୍‌ମେଟ୍‌ ପିନ୍ଧିବାକୁ ଶିକ୍ଷକମାନଙ୍କୁ କଡ଼ା ତାଗିଦ୍‌ କରିଛନ୍ତି । ହେଲ୍‌ମେଟ୍‌ ନାହିଁ ତ  ଦରମା ନାହିଁ ବୋଲି ବିଇଓ କହିଛନ୍ତି । ଏନେଇ ଗତ ୨୭ ତାରିଖ ମୋହନା ବ୍ଲକର କାର୍ଯ୍ୟରତ ସମସ୍ତ ଶିକ୍ଷକ, ଶିକ୍ଷୟିତ୍ରୀଙ୍କୁ ଚିଠି କରିଛନ୍ତି । 

ବିଇଓଙ୍କ ସୂଚନା ଅନୁଯାୟୀ, ଯଦି କୌଣସି ଶିକ୍ଷକ, ଶିକ୍ଷୟିତ୍ରୀ ଏହି ନିର୍ଦ୍ଦେଶକୁ  ଅବମାନନା କରି ବିନା ହେଲ୍‌ମେଟ୍‌ରେ ବାଇକ୍‌ ଚଳାଇବା ନଜରରେ ଆସନ୍ତି, ତାଙ୍କ  ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ । ଶିକ୍ଷକମାନେ ହେଲ୍‌ମେଟ୍‌ ପିନ୍ଧୁଛନ୍ତି କି  ନାହିଁ ସିଆର୍‌ସିସି, ବିଇଓ ଓ ଏବିଇଓ ନଜର ରଖିବେ । ବିନା ହେଲ୍‌ମେଟ୍‌ରେ ଶିକ୍ଷକ  ଗାଡ଼ି ଚଳାଉଥିଲେ ସେମାନଙ୍କ ଫଟୋ ଉତ୍ତୋଳନ କରାଯିବ ବୋଲି କୁହାଯାଇଛି । ଏଥିରେ ଖିଲାପ କଲେ ସମ୍ପୃକ୍ତ ଶିକ୍ଷକଙ୍କ ଗୋଟିଏ ମାସର ଦରମା ବନ୍ଦ ପାଇଁ  ପଦକ୍ଷେପ ନିଆଯିବ ବୋଲି ବିଇଓ କହିଛନ୍ତି ।  

ପ୍ରତିଦିନ ଶିକ୍ଷକ ଶିକ୍ଷୟିତ୍ରୀ ବାଇକ୍‌ରେ ବିଦ୍ୟାଳୟକୁ ଯାତାୟାତ କରୁଛନ୍ତି ।  ଏଥିସହ ବିଭିନ୍ନ କାମରେ ମଧ୍ୟ ଦୂରଦୂରାନ୍ତରକୁ ବାଇକ୍‌ରେ ଯାଉଥିବା ବେଳେ  ହେଲ୍‌ମେଟ୍‌ ବ୍ୟବହାର କରୁ ନଥିବା ଦେଖାଯାଉଛି । କିଛିବର୍ଷ ମଧ୍ୟରେ ବାଇକ୍‌  ଦୁର୍ଘଟଣାରେ ଅନେକ ଶିକ୍ଷକଙ୍କ ମୃତ୍ୟୁ ଘଟିଥିବା ନଜିର୍‌ ରହିଛି । ତେଣୁ ଶିକ୍ଷକମାନେ  ସବୁବେଳେ ହେଲ୍‌ମେଟ ପିନ୍ଧି ବାଇକ୍‌ ଚଳାଇବାକୁ ବୈଠକରେ ଆଲୋଚନା  ହୋଇଥାଏ । ଏହା କାର୍ଯ୍ୟକାରୀ ହୋଇ ନାହିଁ କିମ୍ବା ଏଥିପାଇଁ କୌଣସି ପଦକ୍ଷେପ  ମଧ୍ୟ ନିଆଯାଇ ନ ଥିଲା । ତେଣୁ ଏକ ଦୃଷ୍ଟାନ୍ତ ମୂଳକ ପଦକ୍ଷେପ ପାଇଁ ଏଭଳି  ନିର୍ଦ୍ଦେଶ ଦେଇଥିବା ମୋହନା ବିଇଓ ନରେନ୍ଦ୍ର ବେହେରା କହିଛନ୍ତି।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.