ନୂଆଦିଲ୍ଲୀ,୩୦/୫: ତିନି ଦିନ ପରେ ଜେଲ୍‌କୁ ଫେରିବେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲ।  ସରେଣ୍ଡର କରିବା ଡେଡ୍‌ଲାଇନ୍‌କୁ ଆଉ ମାତ୍ର ତିନି ଦିନ ବାକି ଥିବା ବେଳେ ପୁଣି ଥରେ ସେ ଜାମିନ ଆବେଦନ କରିଛନ୍ତି। ଆମ ଆଦମୀ ପାର୍ଟି ସୁପ୍ରିମୋ ଅରବିନ୍ଦ କେଜ୍ରିଓ୍ୱାଲ ଦିଲ୍ଲୀ ରାଉଜ ଏଭେନ୍ୟୁ କୋର୍ଟରେ ଜାମିନ ପାଇଁ ଆବେଦନ କରିଛନ୍ତି। ଯାହାର କୋର୍ଟ ଆଜି ଶୁଣାଣୀ କରିବେ । 

କେଜ୍ରିଓ୍ୱାଲ ନିଜ ସ୍ୱାସ୍ଥ୍ୟଗତ କାରଣ ଦର୍ଶାଇ ଜାମିନ ଆବେଦନ କରିଛନ୍ତି। ଦିନକୁ ଦିନ ଓଜନ ହ୍ରାସ ପାଉଥିବା ଯୋଗୁ ତାଙ୍କ ସ୍ୱାସ୍ଥ୍ୟ ସମସ୍ୟା ବେଶ୍‌ ଖରାପ ରହିଛି। ମେଡିକାଲ ଚେକ୍‌ଅପ୍‌ କରିବା ଲାଗି ତାଙ୍କୁ ସମୟ ଦରକାର ବୋଲି ସେ ନିଜ ଆବେଦନରେ ଦର୍ଶାଇଛନ୍ତି। ପ୍ରକାଶ ଥାଉକି, ଅରବିନ୍ଦ କେଜ୍ରିଓ୍ବାଲ ଦିଲ୍ଲୀ ମଦ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହୋଇ  ମାର୍ଚ୍ଚରୁ ତିହାଡ ଜେଲରେ ଥିଲେ । ହେଲେ ଗତ କିଛି ଦିନ ପୂର୍ବରୁ ଲୋକସଭା ନିର୍ବାଚନର ପାର୍ଟୀର ପ୍ରଚାର ପାଇଁ ସୁପ୍ରିମକୋର୍ଟରୁ ତାଙ୍କୁ ଅନ୍ତରୀଣ ଜାମିନ ମିଳିଥିଲା। ଏହାପୂର୍ବରୁ ସୁପ୍ରିମକୋର୍ଟଙ୍କ ଭ୍ୟାକେଶନ ବେଞ୍ଚରେ ମଙ୍ଗଳବାର ଦିନ ଅନ୍ତରୀଣ ଜାମିନ ଅବଧି ୭ ଦିନ ବଢାଇବା ସମ୍ବଧିତ ଆବେଦନର ଶୁଣାଣୀ କରିବାକୁ ମନା କରିଥିଲେ ।