ପ୍ରମୂଖ ଖବର
  • ରାଜ୍ୟ ବଜେଟ୍ ଉପସ୍ଥାପିତ, ଧାନ କ୍ବିଣ୍ଟାଲ ୩୧ ଶହ ଟଙ୍କା
  • ||
  • ୨୬ରେ ଅଲିମ୍ପିକ୍ସ ଉଦ୍‌ଘାଟନୀ ଉତ୍ସବ: ଅଷ୍ଟ୍ରେର୍ଲିଜ ପୋଲରୁ ଆରମ୍ଭ, ଆଇଫିଲ୍‌ ଟାୱାରରେ ଶେଷ
  • ||
  • ମୋହନ ସରକାରଙ୍କ ପ୍ରଥମ ବଜେଟ୍, ୨୦୨୪-୨୫ ପାଇଁ ଆସିବ ପୂର୍ଣ୍ଣାଙ୍ଗ ବଜେଟ୍ ଅପରାହ୍ନ ୫ଟା ଉପସ୍ଥାପନ
  • ||
  • ଆସନ୍ତା ୨୭ରେ ଲଘୁଚାପ, ୨୯ ଯାଏ ବର୍ଷା ସମ୍ଭାବନା: ଆଜି ତିନି ଜିଲ୍ଲାକୁ ଆଲର୍ଟ ଜାରି
  • ||

ଏସିଆ କପ୍-୨୦୨୩: ପ୍ରଥମ ଥର ଭାରତକୁ ଭେଟିବ ନେପାଳ, ଆଜିର ମ୍ୟାଚ୍‌ରେ ବି ବର୍ଷା ସମ୍ଭାବନା

କାଣ୍ଡି,୦୪/୦୯: ଏସିଆ କପ୍‌ର  ସବୁଠୁ ଗୁରୁତ୍ୱପୂର୍ଣ୍ଣ ଭାରତ-ପାକିସ୍ତାନ ମ୍ୟାଚ୍‌  ବର୍ଷା ଯୋଗୁ ଗତକାଲି ଧୋଇଗଲା । ଯାହା  ଉଭୟ ଦେଶର କ୍ରିକେଟ୍‌ପ୍ରେମୀଙ୍କୁ ବେଶ ନିରାଶ କରିଥିଲା । ଦ୍ୱିତୀୟ ମ୍ୟାଚ୍‌ରେ ଭାରତ ସୋମବାର ନେପାଳକୁ ଭେଟିବାକୁ ଯାଉଛି। ପୂର୍ବମ୍ୟାଚ୍‌ ଭଳି ଏହି ମ୍ୟାଚ୍‌ରେ ମଧ୍ୟ ବର୍ଷା  ବାଧକ ସାଜିପାରେ ବୋଲି ସ୍ଥାନୀୟ ପାଣିପାଗ  ବିଭାଗ ପକ୍ଷରୁ ସୂଚନା ରହିଛି । 

ପ୍ରଥମ ମ୍ୟାଚରେ ଭାରତ ପଏଣ୍ଟ ଭାଗ  କରିଥିବାରୁ ଦ୍ୱିତୀୟ ମ୍ୟାଚ୍‌ରେ ନେପାଳକୁ ପରାଜିତ କରିବା ଅତି ଜରୁରି ରହିଛି ।  ଯଦିବି ସୋମବାର ଅଧିକ ବର୍ଷା ହୁଏ  ଏବଂ ମ୍ୟାଚ୍‌ ସମ୍ଭବ ହୋଇନପାରେ, ତାହା  ହେଲେ ଭାରତ ସୁପର-୪ରେ ପ୍ରବେଶ କରିବ । ଭାରତ, ନେପାଳ ଓ ପାକିସ୍ତାନ  ଗ୍ରୁପ୍‌ ଏ’ରେ ରହିଛନ୍ତି । ଗୋଟିଏ ବିଜୟ  ଏବଂ ମ୍ୟାଚ୍‌ରେ ପଏଣ୍ଟ ଭାଗ କରି ପାକିସ୍ତାନ  ପରବର୍ତ୍ତୀ ରାଉଣ୍ଡରେ ପ୍ରବେଶ କରି ସାରିଛି ।  ଭାରତ ୧ ପଏଣ୍ଟ ପାଇ ଦ୍ୱିତୀୟ ସ୍ଥାନରେ  ରହିଛି । ଯଦି ସୋମବାର ବର୍ଷା ଯୋଗୁ  ମ୍ୟାଚ୍‌ ନହୁଏ, ତଥାପି ଭାରତ ସୁପର-୪ରେ ପ୍ରବେଶ କରିବ ଏବଂ ଆଉ ଥରେ  ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀଙ୍କ ମଧ୍ୟରେ ଏକ  ବଡ଼ ମୁକାବିଲା ଦେଖିବାକୁ ମିଳିବ । 

ଏଥର ଏସିଆ କପ୍‌ରେ ନେପାଳ  ପଦାର୍ପଣ କରିଛି । ପ୍ରଥମ ମ୍ୟାଚ୍‌ରେ  ପାକିସ୍ତାନକୁ ଭେଟିଥିଲା ଏବଂ ପରାଜିତ  ହୋଇଥିଲା । ଦ୍ୱିତୀୟ ମ୍ୟାଚ୍‌ରେ ଭାରତକୁ  ଭେଟିବାକୁ ଯାଉଛି । ପ୍ରଥମ ଥର ଦଳ ଭାରତ  ସହ ଅନ୍ତର୍ଜାତୀୟ ମ୍ୟାଚ୍‌ ଖେଳିବ । ଯାହାକୁ  ନେଇ ଅଧିନାୟକ ରୋହିତ ପୌଡେଲ  ବେଶ ଉତ୍ସାହିତ ରହିଛନ୍ତି । 

ସୋମବାରର ମ୍ୟାଚ୍‌ରେ ଯଶପ୍ରୀତ  ବୁମରା ଖେଳିବେ ନାହିଁ । ଯଦିଓ ସେ  ଆହତ ହୋଇ ନାହାନ୍ତି, କିନ୍ତୁ କୌଣସି  ବ୍ୟକ୍ତିଗତ କାର୍ଯ୍ୟରେ ଘରକୁ ବାହୁଡ଼ି  ଆସିଛନ୍ତି । ତାଙ୍କ ସ୍ଥାନରେ ମହମ୍ମଦ  ସାମିକୁ ସୁଯୋଗ ମିଳିବ । ହୁଏତ ନେପାଳ  ବିପକ୍ଷରେ ସୂର୍ଯ୍ୟକୁମାର ଯାଦବ କିମ୍ବା ତିଲକ ବର୍ମାଙ୍କୁ ସୁଯୋଗ ମିଳିପାରେ ।  

ୱିକେଟ୍‌କିପର ଇଶାନ କିଷନ ପାକିସ୍ତାନ ବିପକ୍ଷରେ ୫ ନମ୍ବର ସ୍ଥାନରେ ଅତି ଚମତ୍କାର  ପ୍ରଦର୍ଶନ କରିଥିଲେ। ପାକ୍‌ ବୋଲରଙ୍କୁ  ସାହସର ସହ ସାମ୍ନା କରି ଲଢ଼ୁଆ ୮୨ ରନ୍‌ର  ଇନିଂସ ଖେଳିଥିଲେ । ନେପାଳ ବିପକ୍ଷରେ ସେମିତି ଏକ ବଡ଼ ଇନିଂସ ଦେଖିବା ନେଇ  ପ୍ରଶଂସକ ଅପେକ୍ଷା କରିଛନ୍ତି ।  

ନେପାଳର ଲଳିତ ରାଜବଂଶୀ ଏବଂ କୁଦଦୀପ ଯାଦବଙ୍କ ମଧ୍ୟରେ ସୋମବାର ସ୍ପିନ ଲଢ଼େଇ ଦେଖିବାକୁ ମିଳିପାରେ । ପୂର୍ବଭଳି କାଣ୍ଡିର ପିଚ୍‌ ବୋଲରଙ୍କୁ ସୁହାଇବ ବୋଲି ଆଶା କରାଯାଉଛି । ପେସ ବୋଲରମାନେ ଅଧିକ ଲାଭବାନ ହେବେ ବୋଲି ଆଶା ।

ସମ୍ଭାବ୍ୟ ଦଳ

ଭାରତ: ରୋହିତ ଶର୍ମା  (ଅଧିନାୟକ), ଶୁଭମନ ଗିଲ,  ବିରାଟ କୋହଲି, ଶ୍ରେୟାସ ଆୟର,  ଇଶାନ କିଷନ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ସର୍ଦୁଲ ଠାକୁର, କୁଲଦୀପ  ଯାଦବ, ମହମ୍ମଦ ସାମି/ପ୍ରସିଦ୍ଧ କ୍ରିଷ୍ଣା,  ମହମ୍ମଦ ସିରାଜ ।  

ନେପାଳ: କୁଶଲ ଭୂର୍ଟେଲ,  ଆସିଫ ସୈଖ, ରୋହିତ ପୌଡେଲ  (ଅଧିନାୟକ), ଆରିଫ ସୈଖ,  ସୋମପାଲ କାମି, ଦିପେନ୍ଦ୍ର ସିଂ, ଗୁଲସନ  ଝା, କୁଶଲ ମଲ୍ଲ, କରଣ କେସି, ସନ୍ଦୀପ  ଲାମିଛାନେ ଓ ଲଳିତ ରାଜବଂଶୀ ।

  • PrameyaOdia
  • Asia cup 2023
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.