ଭୁବନେଶ୍ୱର,୧୭/୦୯: ଆସନ୍ତା ୨୨ ତାରିଖରେ ବିଜେଡି ବିଧାୟକ  ଦଳ ବୈଠକ ବସିବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବୈଠକ  ଅନୁଷ୍ଠିତ ହେବ । ସେହିଦିନ ବିଧାନସଭାର ମୌସୁମୀ ଅଧିବେଶନ ଆରମ୍ଭ  ହେବ । ତେଣୁ ବିଧାନସଭାରେ ବିରୋଧୀ ମୁକାବିଲା ସହିତ ସଫଳତାର ସହ  ବିଧାନସଭା ପରିଚାଳନା ନେଇ ରଣନୀତି ନିର୍ଦ୍ଧାରଣ କରାଯିବ । ଏ ନେଇ  ବିଜେଡି ବିଧାୟକ ଦଳ ବୈଠକରେ ବିସ୍ତୃତ ଭାବେ ଆଲୋଚନା ହେବ ।  

ସେହିପରି ୨୨ରେ ବାଚସ୍ପତି ନିର୍ବାଚନ ଥିବାରୁ ବିରୋଧୀ ଏଥିରେ ସାମିଲ  ହେବାକୁ ଅନୁରୋଧ କରିଛନ୍ତି ସରକାରୀ ଦଳ ମୁଖ୍ୟ ସଚେତକ ପ୍ରଶାନ୍ତ  ମୁଦୁଲି । ଶ୍ରୀ ମୁଦୁଲି କହିଛନ୍ତି ଗଣତନ୍ତ୍ରର ବଡ଼ଦିନ ବାଚସ୍ପତି ନିର୍ବାଚନ ।  ତେଣୁ ଏହାକୁ ନେଇ ରାଜନୀତି ନକରିବାକୁ ସେ ଅପିଲ କରିଛନ୍ତି । ବାଚସ୍ପତି  ନିର୍ବାଚନରେ ବିରୋଧୀଙ୍କର ମଧ୍ୟ ଭୂମିକା ରହିଛି ବୋଲି ଶ୍ରୀ ମୁଦୁଲି କହିଛନ୍ତି।