ବ୍ରହ୍ମପୁର, ୨୭।୧୧: ସାଂସଦ ଅପରାଜିତା ଷଡ଼ଙ୍ଗୀଙ୍କୁ ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ବିଶ୍ଵନାଥ ଦାସଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ପାଇଁ ବାରଣ କରିଥିବା ଅଭିଯୋଗ ହୋଇଛି । ଏହାର ପ୍ରତିବାଦରେ ଗଞ୍ଜାମ ଜିଲ୍ଲାର ବିଜେପି କାର୍ଯ୍ୟକର୍ତ୍ତା ଗେଷ୍ଟ ହାଉସ ସାମ୍ନାରେ ଧାରଣା ଦେଇଛି ।
ସୋମବାର ସାଂସଦ ଷଡ଼ଙ୍ଗୀ ଗଞ୍ଜାମ ଗସ୍ତରେ ଆସିଛନ୍ତି । ପୂର୍ବାହ୍ନରେ ବ୍ରହ୍ମପୁର ଦେଇ ଯିବାବେଳେ ଗେଷ୍ଟ ହାଉସସ୍ଥିତ ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ବିଶ୍ଵନାଥ ଦାସଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ଦେବା ପାଇଁ ଯାଇଥିଲେ । ମାତ୍ର, ସେଠାରେ ତାଙ୍କୁ ବାରଣ କରାଯାଇଥିବା ବିଜେପି ଅଭିଯୋଗ କରିଛି । ଏହାର ପ୍ରତିବାଦରେ ଗଞ୍ଜାମ ଜିଲ୍ଲାର ବିଜେପି କାର୍ଯ୍ୟକର୍ତ୍ତା ଗେଷ୍ଟ ହାଉସ ସମ୍ମୁଖରେ ଧାରଣା ଦେଇଛନ୍ତି ।
