ପ୍ରମୂଖ ଖବର
  • ଅରବିନ୍ଦ କେଜ୍‌ରିଓ୍ବାଲ୍‌ଙ୍କୁ ଆଶ୍ୱସ୍ତି , ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରମିକୋର୍ଟ
  • ||
  • ହେରାପଞ୍ଚମୀରେ ଆଧ୍ୟାତ୍ମିକ ପରିବେଶ: ନନ୍ଦିଘୋଷ ଭାଙ୍ଗିଲେ ମହାଲକ୍ଷ୍ମୀ, ଆଜ୍ଞାମାଳ ପାଇ ଶ୍ରୀମନ୍ଦିରକୁ ବାହୁଡ଼ିଲେ
  • ||
  • ପିଠିରେ ଯନ୍ତ୍ରଣା ଯୋଗୁଁ ଏମ୍ସରେ ଭର୍ତ୍ତି ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
  • ||
  • ଦିଲ୍ଲୀ ମଦନୀତି ସହ ମନି ଲଣ୍ଡରିଂ ମାମଲା, କେଜ୍‌ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି
  • ||
  • ଆଗ ପଛ ହୋଇ ଆସିପାରେ ଦୁଇଟି ଲଘୁଚାପ: ୧୩ରୁ ବଢ଼ିବ ବର୍ଷା, ଦକ୍ଷିଣରେ ପ୍ରବଳ ଛେଚିବ
  • ||

ବଲିଉଡ୍‌ ଫିଲ୍ମ ‘ହମାରେ ବାରହ୍‌’କୁ ମିଳିଛି ଗ୍ରୀନ୍‌ ସିଗ୍‌ନାଲ, ଶୁକ୍ରବାର ମୁକ୍ତିଲାଭ କରିବ ସିନେମା

ମୁମ୍ବାଇ ୨୦/୦୬: ବଲିଉଡ୍‌ ଫିଲ୍ମ ‘ହମାରେ ବାରହ୍‌’କୁ ମିଳିଛି ଗ୍ରୀନ୍‌ ସିଗ୍‌ନାଲ । ଆସନ୍ତା ୨୧ ତାରିଖ ଅର୍ଥାତ୍‌ ଶୁକ୍ରବାର ଫିଲ୍ମଟି ଥିଏଟରରେ ମୁକ୍ତିଲାଭ କରିବ ବୋଲି ବମ୍ବେ ହାଇକୋର୍ଟ ଗତ ବୁଧବାର ଅନୁମତି ଦେଇଛନ୍ତି । ନିର୍ମାତା ଫିଲ୍ମରେ ୩ ପରିବର୍ତ୍ତନ କରିବା  ପରେ କୋର୍ଟଙ୍କ ତରଫରୁ ଗ୍ରୀନ୍‌ ସିଗ୍‌ନାଲ ମିଳିଛି । ଫିଲ୍ମକୁ  ପୁଙ୍ଖାନୁପୁଙ୍ଖ ସମୀକ୍ଷା କରିବା ପରେ କୋର୍ଟ ନିଷ୍କର୍ଷରେ ପହଞ୍ଚିଲେ  ଯେ ଏଥିରେ କୁରାନ କିମ୍ବା ମୁସ୍‌ଲିମ ସମୁଦାୟ ବିରୋଧରେ  କୌଣସି ଆପତ୍ତିଜନକ ବିଷୟ ନାହିଁ । ଏହା ପରିବର୍ତ୍ତେ,  ସମାଜରେ ମହିଳାଙ୍କ ଉତ୍‌ଥାନ ଉଦ୍ଦେଶ୍ୟରେ ବାର୍ତ୍ତା ସହିତ  ଫିଲ୍ମକୁ ପ୍ରସ୍ତୁତ କରାଯାଇଛି । 

କୋର୍ଟ କହିଛନ୍ତି, ଫିଲ୍ମର ୩ ଡାଇଲଗ୍‌କୁ ମ୍ୟୁଟ୍‌ କରାଯାଇଛି  ଏବଂ ସମସ୍ତ ବିବାଦୀୟ ଅଂଶକୁ ହଟାଇ ଦିଆଯାଇଛି । ଏଥିସହ  ପରବର୍ତ୍ତୀ ଏଡିଟ୍‌ ପାଇଁ ମଧ୍ୟ କୋର୍ଟ ଉପଦେଶ ଦେଇଛନ୍ତି, ଯାହା  ଦ୍ୱାରା ଫିଲ୍ମର କୌଣସି ଦୃଶ୍ୟ ଯେମିତି ଆପତ୍ତିଜନକ ହେବ  ନାହିଁ । ଜଷ୍ଟିସ୍‌ ବିପି କୋଲାବାୱାଲା ଓ ଫିର୍ଦୋଶ ପୂନିୱାଲାଙ୍କୁ  ନେଇ ଗଠିତ ଖଣ୍ଡପୀଠ କହିଛନ୍ତି, ଅନ୍ନୁ କପୁର ଷ୍ଟାରର୍‌ ଏହି ଫିଲ୍ମ  ଏକ ଚିନ୍ତାମୂଳକ ଫିଲ୍ମ, ଯାହାକୁ କେବଳ ମନୋରଞ୍ଜନ ନୁହେଁ,ବୌଦ୍ଧିକ ରୂପେ ଦର୍ଶକଙ୍କୁ ବାନ୍ଧି ରଖିବାକୁ ପ୍ରସ୍ତୁତ କରାଯାଇଛି । 

ହାଇକୋର୍ଟ ଆହୁରି କହିଛନ୍ତି, ଫିଲ୍ମଟି ବାସ୍ତବରେ ମହିଳାଙ୍କ  ଉତ୍‌ଥାନ ପାଇଁ ପ୍ରସ୍ତୁତ ହୋଇଛି । ଏଥିରେ ଜଣେ ମୌଲାନା  ଅଛନ୍ତି, ଯାହାଙ୍କର କୁରାନକୁ ନେଇ ଭୁଲ ଧାରଣା ରହିଛି। ଫିଲ୍ମରେ  ଜଣେ ମୁସ୍‌ଲିମ ବ୍ୟକ୍ତି ଏହାକୁ ବିରୋଧ କରିଛନ୍ତି । ତେଣୁ ଏଥିରେ  ଦର୍ଶାଯାଇଛି ଯେ ଲୋକେ ସେମାନଙ୍କ ମୁଣ୍ଡ ଖଟାଇବା ଉଚିତ୍‌ ଏବଂ  ଏଭଳି ମୌଲାନାଙ୍କୁ ବିଶ୍ୱାସ କରିବା ଉଚିତ୍‌ ନୁହେଁ । 

ଫିଲ୍ମକୁ ନେଇ କିଛି ଲୋକ ଅଭିଯୋଗ କରିବା ପରେ ମାମଲା  କୋର୍ଟରେ ପହଞ୍ଚିଥିଲା । ମୁସ୍‌ଲିମଙ୍କ ପ୍ରତି ଫିଲ୍ମଟି ଅପମାନଜକ  ଏବଂ ଇସ୍‌ଲାମିକ ଶିକ୍ଷାକୁ ବିକୃତ କରିଛି ବୋଲି ସେମାନେ ଦାବି  କରିଥିଲେ । ଏହି ଅଭିଯୋଗ ଯୋଗୁ ଫିଲ୍ମର ରିଲିଜ୍‌ ବାତିଲ  ହୋଇଥିଲା । ତେବେ ସେଣ୍ଟ୍ରାଲ ବୋର୍ଡ ଫର୍‌ ଫିଲ୍ମ ସାର୍ଟିଫିକେସନ୍‌  (ସିବିଏଫ୍‌ସି)ର ନିର୍ଦ୍ଦେଶ ଅନୁସାରେ, ଫିଲ୍ମର ସମୀକ୍ଷା କରି  ଆପତ୍ତିଜନକ ବିଷୟବସ୍ତୁକୁ ହଟାଇବା ପରେ ଫିଲ୍ମକୁ ବ୍ୟାନ୍‌  କରିବାର କୌଣସି କାରଣ ନାହିଁ ବୋଲି କୋର୍ଟ ସ୍ପଷ୍ଟ କରିଛନ୍ତି।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.